المطبخ الرمضاني ) .. موضوع خاص بالحريم والبنات بس ! ( الحلقة الثانية )

[بحااااار]

سلامون عليكمون

هاه بشّروني عسى طبختكم الاولى احترقت .. قصدي مشت معكم " مضبوط " ؟
عاد اليوم بيكون صنف " حلى " .. وانا أروح هوا مع شي اسمه " حلى " .. أمووووت فيه واتقطّع ارباع واتمدد على السفره ولعاً بِه !
حتى أني بعض المرّات لاشعورياً أسمي عليه .. وأنسى الأطباق الرئيسية والمقبلات بجميع أشكالها وألوانها .. بدءً من الكرّاث والفجل ونهايةً بالمخللات اللي تتفخ البطن ولا منها فايده سوى الملوحه الزايده !

قبل أبدى في حلقتي الثانيه هذي والمُخصصه لنوع ( الحلى ) .. أحب أنوّه ببعض الأمور .. !
اي تمساح يدخل هنا يعلّق برجليه على باب الملتقى اسبوع .. عشان يكون عبره لكل التماسيح والشنبات ... ويختم على رقبته ( هذا العضو دخل بين الحريم وسوى زحمه في موضوع بح بح ) !
هههههههههههههههههههههههههه

عاد خلوا عنّا كثرت الحتسي اللي ماله سنع .. وخلوّنا في طبختنا الكريمه
اليوم طبقنا بيكون صنف حلى /

شرائح اللوز مع مربّى التين
المقادير .. وسجّلوها زين .. عشان ماينقص شي ثم تبلشون !
* 200 غرام أو كوبين من اللوز المطحون .
* 140 غرام أو كوب واحد من الدقيق العادي .
* بيضتين ( جعلها تنفضخ على راس ĤǿŐǿмά .. آمين )

* علبة 397 غرام من حليب نستله المكثف المحلّى .
* ملعقة صغيره من البيكينق بودر .
* 150 غرام أو ثلاثة أرباع كوب من الزبده المذوّبه ( أذوّب أنا معها ياناس ) !
* 100 غرام أو كوب واحد من السكّر .
* نصف كوب من مربى التين .
هذي المقادير .. وآلحين عاد نجي لطريقة صنع الطبخه .. وانا داري أن بعضكم ماتعرف من الطبخ إلا أسمه << زي بعض الناس الي مايعرف الكريمة من القشطة .. لكن ترى التعلّم شوي شوي .. والتصليح مهوب يجي على طول .. يعني يمكن تحرقين شغلك اليوم .. وبكره تطلّعين لك كتاب أحسن من كتاب " أم عبدالله " و " ام عمر " !
أسمعيني يامره .. واسمعيني يابنت
آلحين قرّبي الصحون .. واستعيني بالله .. واقري وردك ..
أوّل شي تحطيّن كل المكونات اللي فوق (( من دون المربى )) تحطينها في صحن ( وعاء ) وتمزجينها مضبوط .. ثم تسكبين الخليط كلّه في قالب للخبز 28 سم × 20 سم .
ثم عاد تخبزين القالب في الفرن .. وتخليّنه محمّى على حرارة ( 175 ) درجه .. وانتبهي يلعّط يديتس .. وتخلينها في الفرن لمدة ( 45 ) دقيقة ..
ثم تطلّعين القالب من الفرن وتخلينه برّا .. لييين يبرد .. ثم تجيبين " مربى التين " وتمرّغينه على وجه القالب .. وتقطعينها شرايح وتقدمينها لبطون هالعالم اللي قاعده تحتريها في الصاله أو على سفرة الفطور .. !

وبالهنا والشفا .. ولاتنسون أخوكم : بحــاار .. من دعوه صالحه في ظهر الغيب .. أو خلّوا دعوتكم لي قبل الأذان .. !
فقُبيلَ الأذان تخشع القلوب وترقّ الأفئدة وتحيا النفوس .. وماأجمل الدعوه في ذلك الوقت البهيج .. وهي فُرصة الصائم لِمُناجاته مع ربّه والسكون إليه بخشيةٍ وإنابه ..


سلام علاكم ..



:: بح بح ::

[ريــــزا]

هههههههه

عادي هوما ترى البيض زين لشعر يعطيهـ لمعه

حلو بنجربها هـ الحلى

شكرا يا شيفنا بح بح

[التوفيق من الله]

>>> كلهن واحد مصممه

وش ذا الطبخه مب قادره اتخيلها .. يله بحاول اتصورها يمكن تضبط >>احسه حلا فرنسي .

والتقديم كيف لازم ايس كريم ولا شي معه صح :58545:

[بحااااار]

ههههههههههههههههه والله لوريكم انتم الثنتين


ترا الحلى ذا يجيب تسمم



منورين الموضوع يالغوالي


تحيااتي لكم ..

[قلب ينبض *~]

اي والله غريبه
اصلن يومـ قريت اسمه قلب وجهي تسذا
لكن شكله حلى غريب جامد مدري طعمه كيف بيصير بالتين والمربي
آجل تبي تسممنا بشتكيك لحقوق الانسان
سو لنا حلى نقدر عليه << آجل اطلعي برا
يسعدكـ ربي
بــ إنتظـــآر القادمـ شيف
وعليكوم السلامو

[بحااااار]

قلب ينبض


صفي معهم

انتي من المحرومات من كتابي القادم << ناوي يسوي كتاب طبخ ههههههههههه لا رحتوا فيها


منورة يابعدي


تحيااتي لك ..

[أم مجودي]

هذا حلا

غريب جدا الطبق الرئيسي بلعته اما هذا



بس ماشاء الله عليك ياليتك اخوي واخليك تطبخلي ليل نهار

بس مايقصر زوجي الله يوفقه بس اذا شفت المطبخ بعده اصير كذا

[بحااااار]

هلابك ام مجودي

زي اخوك ان شاء الله << بس ماني طابخ لك غير طبخة وحدة بالاسبوع



منورة يابعدي


تحيااتي لك ..

[=),]

ماهززآ ي هزاء ..
تنزل " الحلا " الليي ككنت أنتظره + وأتحلم فييه
وأنا آخر من يعلممم !!

المووهييم .. لي باكك ب التعليق وتسذا ..

[*جوريه*]

تم إضافتها للمفضله ،،


و سيتم التطبيق إن شاء الله ،،




يعطيـكـ العافيهـ بحار ،،




بانتظار جديدك ،،