الماجستير عن بعد

[الشامخه...]

السلام عليكم ...
أنا بصراحه متابعه للمنتدى دائما بس مأقد طرحت موضوع وبصراحه شدني مواضيعكم قبل ظهور النتايج التي تخص المطالب وقلت لازم أشارك لانها بصراحه أغلبها تدور حول الترم الصيفي هو فعلا الترم الصيفي مهم وكلنا حابين أنا نشارك فيه بس أي أهم الترم الصفي أو تعليم الماجستير "ماستر"عن بعد!!
أنتوا ماقصرتوا طرحتوا موضوع الصيفي على الأساتذه والعماده وردوا على الموضوع وبينوا أسبابهم صحيح ليست مقنعه ولكن تم الرد عليها وهذا لايمنع أحقية الاستمرار الى أن ينفذ في السنوات القادمه ولكن تعلم الماجستر شيء مهم وياليت كلنا نطالب فيه أيضا لأني اطلعت على المواضيع الجامعات التي فيها مثل جامعة الملك عبد العزيز ولكنها أسعارها مرتفعه وليست متوفره إلا بجده على ما اعتقد وبعض المناطق مثل حائل والقصيم واعتقد أنه ماهو عن بعد لازم حضور في أيام معينه وأيضا الجامعه الالكترونية مافيها تربيه خاصه.
وياليت كلنا نرفع خطاب للعماده ونوصل لهم صوتنا الى حين تخرجنا بإذن الله والجامعه تستفيد والطالب إيضا وان شاء الله نكون يد واحده حتى يتم النظر بالموضوع ويتم تحقيقه أسفه على الإطاله والله يوفق الجميع أن شاء الله

[dalaal]

[align=justify]
موضوعك جميل ويستحق النقااش الله يسهل الامور وفكرهه الخطاب حلوهه شوفي الطلبه الي حابين وتجمعوو والله يوفقكم
[/align]

[{%{محمد}%}]

يعطيك العافيه

[الشامخه...]

الله يعافيكم
أن شاء الله نقدر نوصل صوتنا للعماده

[al7sass88]

فكرة ممتازة والله يعطيك العافية اختي الشامخة والماجستير اهم من الصيفي

[Silent Light]

فكره ممتازه ..

ولكن صعب تطبيقها .. (( هم زين طبقو للباكاروليوس ))

إسمعي اختي الكريمه ..

الماستر تستطيعن حتى أن تضعين رسالتك فيها في تخصص ثاني ولكن مقارب

ولا يمنع هذا ..

والأفضل أن تأخذينها من جامعه أخرى .. (( يعني حسب خبرتي بهالأمر لأنها راح تكون بالسيره الذاتيه كالتالي : بكاروليوس من جامعة الملك فيصل .. وماستر من جامعه كذا ))

تراها اضافه جميله

وللعلم أنا استفسرت سابقا من جامعات أخرى حتى بالخارج

طلبو ما يقارب من 70,000 إلى 100,000

وعسى ربنا يحلها ..


وعلى الله التكلان ..

تحيتي

[الا ياوقت]

الماستر


هذا حلمي الله يسره لي وللجميع ياااااااارب

[داديّ]

المشكله ماودي أحلم على الفاضي
لأن مدري فيه ماستر للي يدرسون علم اجتماع ؟

[زقم نملة]

تفكيرك مررررررررررررررره ممتاز ماشاء الله تبارك الله روعة

فعلا هذا اهم من الصيفي .

اممممم شوفي احسن واحد من ناحية كتابة الخطابات هو الزعيم " ابو عبد العزيز " عليه اسلوووووووووب مررررره مقنع وراقي اطلبي منه يعد لنا الخطاب واحنا نرفعه كل واحد من ايميلوه والله يكتب الخيره على فكرة ابو عبد العزيز نك نيمه " MY Dreams" والله يوفق الجميع

[زقم نملة]

المشاركة الأصلية كتبت بواسطة داديّ

المشكله ماودي أحلم على الفاضي
لأن مدري فيه ماستر للي يدرسون علم اجتماع :looking_anim: ؟

ايه نعم فيه لهم ماجستير ودكتوراه بس بأي جامعة تحديدا مش متاكدة انه في فيصل ومتأكدة انه في الامام وسعود وعبدالعزيز على ما اذكر