ستتوقف مشاركاتي حتى إشعار آخر .. !!

[9aLe7]

أحبتي .. أخوتي
جميعنا هنا للعلم والتسليه ولم تجمعنا إلا الجامعه
ولكن هناك .. من يعكر صفو الماء .. بردود . لا أعلم هل تقال من نقص في العلم
أم على السليقه وما جرت عليه تربية الشخص ..

للأسف تم نعتي بالزنديق في آخر موضوع لي في المنتدى ..
والزنديق هو : الذى نفاقه اعتقادى ولكنه يظر كفره ويدعو له ويعرف ذلك عنه وأذا اقيمت عليه الحجة واستتيب جحد ما ظهر منه من الكفر .

وتم كتابته باللون الأبيض حتى لا يراه الأعضاء
أترك لكم الحكم من خلال الرابط ويوجد أيقونة خاصة بالإبلاغ إذا كنت ترا أنها إساءه


http://www.ckfu.org/vb/t343746-5.html




(رُُب كلمة لا يُلقي لها بالاً تهوي به في النار سبعين خريفاً )

تحياتي للجميع ،،

[هـمـس التميمي]

اي احد يغلط عليك لا ترد عليه

خل الاداره تتفاهم معه

بلّغ عن رده وتنتهي المشكله

بس توقف عن مشاركاتك عشان هالسبب ..!!!!

انت كذا راح تثبت الكلام عليك

واثق الخطوه يمشي ملكا

[HDHIRLOGIA]

صدقني ما احد يرضاه لك

وحقك ماراح يضيع ياخوي

ولا تشره ولا تزعل ولا تتضايق

هنا راح تشوف ناس تستفيد منهم
وراح تشوف اطفال تشمأز منهم

[هـمـس التميمي]

^^^

[واحد ماله مكرر]

لا حول ولا قوة الا بالله

زنديق كلمـه كبيـرة جداً ودائماً ما تطلق على شخص غير مسلم

ما نقول الا [ الله يهدية ]!!

والادارة أكيد لديهم أجراء لمثـل هذه الالفـاظ .

[نبض الوجود]

بصرآحه صآدق ياخوي بعض الاعضاء لسانه فآلت يقط الكلمه وماهمّه والله عيب وربي عيب أحيانا مالي دخل بالسالفه بس اشوف اثنين يقطون على بعض ألفاظ وكلمات وربي تتأسف على حالهم أو أسلوبهم فالرد على بعض

وسّع صدرك ياخوي واللي يضيع عند العبد مايضيع عند الله ولو واحد غلط عليك مو معناه كل الاعضاء تهجرهم
وهالمره أمسحها بوجه أخوي هذرلوجيا

الله يهديكم بس بجد ليت كل منّا قبل يقول الكلمه أو يتمسخر على الطرف الاخر يجربها على نفسه ويشوف يتحملها ولآ لآ

[انسه عظيمه ♥]

وش دعوه توقف مشاركاتك عشان واحد !!!!
اخ صالح ,, << ترى هاذي نفسيه

اقوول ارجع شارك بالمنتدى

[HDHIRLOGIA]

المشاركة الأصلية كتبت بواسطة نبض الوجود

بصرآحه صآدق ياخوي بعض الاعضاء لسانه فآلت يقط الكلمه وماهمّه والله عيب وربي عيب أحيانا مالي دخل بالسالفه بس اشوف اثنين يقطون على بعض ألفاظ وكلمات وربي تتأسف على حالهم أو أسلوبهم فالرد على بعض

وسّع صدرك ياخوي واللي يضيع عند العبد مايضيع عند الله ولو واحد غلط عليك مو معناه كل الاعضاء تهجرهم
وهالمره أمسحها بوجه أخوي هذرلوجيا

الله يهديكم بس بجد ليت كل منّا قبل يقول الكلمه أو يتمسخر على الطرف الاخر يجربها على نفسه ويشوف يتحملها ولآ لآ

هذي هي قالت أمسحها بوجهي هالمره ههههههههههههه

تموني غصب عاد وش نسوي

[NOW OR NEVER]

عزيزي انا ما ادري وش الحوار اللي دار بينكم

لكن

قد يكون لا يعرف معناها وقالها على جهل وما يعنيها بمعناها الحقيقي (اشوفه حاط بعدها )


تقدر تبلغ عن الرد و راح يتم تعديله من قبل الادارة

لانهم ما يرضون بالشغلات هذي

واذا ما تم حذفها اكتب لهم في التواصل مع الادارة وبيجيك رد

,,,,,,,,,,,,

شغلة ثانية لو كل واحد فينا اتخذ زي قرارك عند اول كلمة توجه اليه ترى كان ما شفتنا متواجدين الان

كلنا يمر علينا كلمات من هذا النوع وطبعا ما نرضاها ونتعامل معها بالطريقة المثلى

ولم نتخذ قرار عدم المشاركة

تستطيع تجاهل الشخص الذي اساء اليك

وتمضي الحياة

وسع صدرك

ورح للتواصل او بلغ وحقك ما يضيع

كلنا هنا نواجه شريحة كبيرة من البشر من مختلف الاعمار والخلفيات الاجتماعية

فلا تتحسس كثير

ربي يوفقك

[نور الأصيل]

[QUOTE=9aLe7;6816294]

أحبتي .. أخوتي

جميعنا هنا للعلم والتسليه ولم تجمعنا إلا الجامعه
ولكن هناك .. من يعكر صفو الماء .. بردود . لا أعلم هل تقال من نقص في العلم
أم على السليقه وما جرت عليه تربية الشخص ..

(رُُب كلمة لا يُلقي لها بالاً تهوي به في النار سبعين خريفاً )

مهما تعددت الأسباب لا تترك المنتدى عشان شخص اجهل من ابو جهل هالانسان لو كان يدري عن معنى ونتيجة كلامه كان سكت بس احيانا الواحد فينا تأخذه العزة بالأثم ..
المهم وأنا اختك لاتترك المنتدى ولا تخلي كلامه يأثر عليك ...
باختصار خله يولي مع من تولى..
اتمنى اقنعتك ..