سؤال عن الايباد

[لانا**]

السلام عليكم بدخل بالموضوع علطول مالي بالمقدمات
شريت ايباد اخر اصدار طيب وسويت لي حساب فيه وجيت ابي احممل الالعاب المجانية يوم صار هذا كلة والامور بدت تمشي تمام طلعلي شئ يقول حط رقم جوالك والشارع اللي ساكن فية واشياء ثانية ومدري ايش؟ شسالفة فهموووني

اي صح بسأل الايباد لازم برنامج حماية ولا لا؟

[prestigious]

اكتبلي النص الي يطلعك بالانكليزي بالظبط
انتظرك

[لانا**]

[التوفيق من الله]

لانا عبي بياناتك عادي واذا ماودك تحطين الصحيحه حطي اي شي
مثلا عند Address king fahad street
Town Al khobar
اكتبي تلفون او ارقام ع عدد الخانات Phone

اتمنى لك التوفيق ..

[لانا**]

طيب طلب مني الكارد نمبر و سيكرتي كود حطيت ارقام ماضبطت
وطلب مني بوست كود وحطيت ارقام ماضبط

[hawawy-vip]

اختي سجلي بحساب مجاني

[لانا**]

كيف طيب اسجل بحساب مجاني

[Ameerh..~]

طريقة تسجيل حساب دون الحاجة لبطاقة ائتمان هي كالتالي :

طبعاً لازم يكون عندك برنآمج الـ iTunes في جهازك او حممليه من هنا [ تحميل iTunes ]


1/ افتحي برنامج iTunes اختآري من القائمة اليسرى iTunes Store

2/ بعدها اختاري منطقة المتجر اللي تبغي تسجلي فيها وهذه النقطة مهمة فكل منطقة من المتجر تحتوي على مميزات وبرامج مختلفة
فالمتجر السعودي يطلع أفضل برنامج تم شراءه هو برنامج أحاديث البخاري وفي المتاجر الثآنيه تطلع النتيجة مختلفة, إختآري المتجراللي يناسبك مثل المتجر الأمريكي اللي يحمل كل البرامج.

3/ بعدها اختآري برنامج او لعبة عشرين خط تحت مجاني لأنه مهم جداً عشآن يكون التسجيل بدون بطاقة الإئتمان وهو اساس الشرح فآختآري من قائمة أفضل البرامج المجانية مثلاً

4/ اضغطي على Get App

5/ تطلع لك هذي النافذة اللي تحتوي على طلب تسجيل الدخول او إنشاء حساب جديد اضغطي على ”Create New Account”

6/ الحين اضغطي Continue عشآن نبدا بإنشاء حسابك الخاص

7/ حطي علامة صح ( أنا قرأت ووافقت على… ) وبعدين اضغطي Continue

8/ هنا اكتبي بياناتك مثل بريدك الإلكتروني وكلمة المرور لحسابك في آي تونز والسؤال والجواب وتاريخ الميلاد وإذا تبغي توصلك أخبار وتحديثات على بريدك اتركي علامة الصح أو شيليها لتفاديها بعدين اضغطي على Continue

9/ ( هنا يطلع لنا الخيار None ) بس لأننا اخترنا برنامج مجاني في أول طريقة التسجيل عبي البيانات عشآن تكون زي كذا وبعدين اضغطي Continue

10/الحين خلصنا مآبآقي الا عملية تفعيل الحساب وذالك من خلال التأكد من البريد الإلكتروني وسيتم إرسالها لبريدك الإلكتروني.

11/ الحين بيطلع لك نموذج تسجيل الدخول عبي بيانات حسابك

12/ بيطلع لك في الأخير رسالة تفيد بنجاح تسجيل الحساب وألف مبروك

ان شآء الله تكوني فهمتي

[لانا**]

رحيييل يعطيك الف عافيه بس بقت شغلة لم اضغط على none واكمل بقية الاشياء واضغط استمرار يقولي عبي

[التوفيق من الله]

المشاركة الأصلية كتبت بواسطة لانا**

طيب طلب مني الكارد نمبر و سيكرتي كود حطيت ارقام ماضبطت
وطلب مني بوست كود وحطيت ارقام ماضبط

نزلي صوره و ان شاء الله تنحل ..