لمن يرغب بتحويل القسم

[reem m]

السلام عليكم ورحمة الله وبركاته

شفت موضوع اخونا اللي يبي يحول لانجليزي
رد عليه ابو يزن وقاله لازم تكون مخلص 24 ساعه ويكون معدلك فوق 2
وطبعا هالشي موصحيح صديقتي تأكدت من الجامعه نفسها
بالسمستر الاول دقت عليهم وقالت ابي احول وهي ماخلصت الا 15 ساعه
واستفسرت اذا لازم تكون مخلصه عدد ساعات معينه او جايبه معدل معين
قالها موصحيح تقدرين تحولين بعد ماتطلع النتايج اياً كانت ومن غير ماتخلصين عدد ساعات معينه
وفعلا حولت
حبيت افيدكم وشكرا

[جــدة غيــر]

الظاهر أخرتها بنحول من كل الجامعة اذا استمر نظامهم على هالحال

[أَبُو يـَزَنْ]

اختي ريم الله يعطيـك العـافية

ممكن يكـون انتي الصـح بالكلام اللي قولتيـه

لكن انا مستحيـل احط اجابة او رد على شخص بـدون التأكد من مصـادر رسمـية وهذا المصـدر كان من عميد التعليم الألكتروني والتعلـم عن بعد الدكتور عبدالله عمر النجـار وبإمكانك الإطلاع على موضـوعه

http://kfuforums.kfu.edu.sa/showthre...06#post1049506

دمتي في حفظ الرحمن

[ابو رياض]

[%كل الغلا%]

فعلا انا كانت معاي وحده بمستوى اول اداراة وحولت اجتماع بس عادت من جديد مستوى اول
المواد اللي مو من التخصص ماحسبوها لها الظاهر ماحسبو لها الا مبادئ الادارة

[atat]

المشاركة الأصلية كتبت بواسطة جــدة غيــر

الظاهر أخرتها بنحول من كل الجامعة اذا استمر نظامهم على هالحال

هذا ما يخطر في بال عدد كبير من الطلاب اللي أعرفهم وأنا أولهم

[ابوخالد المطيري]

حيااااكم الله
انا المتهم
اقصد انا اللي ودي اغير تخصصي ورد علي ابو يزن الله يوفقه
عاد من ذاك اليوم ماعاد لقيت موضوعي .. بعد مانقلته الاخت الكريمه
راح لقسم مالقيته اسمه القسم العام مدري المنتدى العام
دورته يوم مالقيته تعاجزت اروح لملفي واطلعه
المهم مالكم في الطويله يالغالين
انا نويت تغيير التخصص الى انجليزي
بس يوم جيت اشوف مقررات الانجليزي الا 132 ساعه
وانواع المقررات شي جغرافيا وشي تاريخ وشي حديث وعقيده
وتسميع قرآن وتلاوه وتجويد وحفظ
ناهيك عن تشعبات مقرر اللغه الانجليزيه من استماع ومحادثه الى لغويات
الى قصه ادبيه الى ادب اطفال الى مسرحيات وغير القواعد الى اداره الى تقنية معلومات
ومواد من هنا الى الطايف :)

بصراحه احتررررررررت الانجليزي عندي ارحم من الارقام والخصوم والاصول وحساب
الزيوت والشحوم ومقابلها احس ان لياقتي في ادارة الاعمال ارتفعت :58545:

اما شروط التغيير فأبو يزن جاب الدليل القاطع وخلاص ماعاد لنا كلام بعد رد الدكتور النجار
بس لما شفت التاريخ كان العام الماضي مايندرى يمكن تغير او تنازلوا عن بعض الشروط

[أَبُو يـَزَنْ]

المشاركة الأصلية كتبت بواسطة ابوخالد المطيري

حيااااكم الله
انا المتهم
اقصد انا اللي ودي اغير تخصصي ورد علي ابو يزن الله يوفقه
عاد من ذاك اليوم ماعاد لقيت موضوعي .. بعد مانقلته الاخت الكريمه
راح لقسم مالقيته اسمه القسم العام مدري المنتدى العام
دورته يوم مالقيته تعاجزت اروح لملفي واطلعه
المهم مالكم في الطويله يالغالين
انا نويت تغيير التخصص الى انجليزي
بس يوم جيت اشوف مقررات الانجليزي الا 132 ساعه
وانواع المقررات شي جغرافيا وشي تاريخ وشي حديث وعقيده
وتسميع قرآن وتلاوه وتجويد وحفظ
ناهيك عن تشعبات مقرر اللغه الانجليزيه من استماع ومحادثه الى لغويات
الى قصه ادبيه الى ادب اطفال الى مسرحيات وغير القواعد الى اداره الى تقنية معلومات
ومواد من هنا الى الطايف :)

بصراحه احتررررررررت الانجليزي عندي ارحم من الارقام والخصوم والاصول وحساب
الزيوت والشحوم بومقابلها احس ان لياقتي في ادارة الاعمال ارتفعت :58545:

اما شروط التغيير فأبو يزن جاب الدليل القاطع وخلاص ماعاد لنا كلام بعد رد الدكتور النجار
بس لما شفت التاريخ كان العام الماضي مايندرى يمكن تغير او تنازلوا عن بعض الشروط

الله يوفقك اخوي وصدق مافي ازين من ادارة الأعمال

وبالنسبة للشروط ما استبعد شيء دون سـابق إنـذار المشكلة منتديات النـقاش صارت كئيبة شوي من الاستايل الجديد والواحد ماوده يدخل فيه ويعرف وش الأخبار الجديدة

[ابوخالد المطيري]

سيرت على الجيران الانجليزيين اللي فوقنا
مالقيت عندهم مستوى اول ولا ثاني وش السالفه ؟

اللغة الأنجليزية -المستوى الثالث واعلى (يشاهده 50 زائر)
الأقسام الفرعية:
level Four level five
level six

حسيت اني غريب عندهم .. بس شكله من منتداهم ان عندهم كررررف

[محمداحمد]

بصراحة انا افكر احول من الجامعة