انطباعكم عن القانون و د. علي الزهراني

[D O N T E L]

سلام عليكم

كيفكم مع المذاكره

من بعد اختبار الاداره وانا صاير معي حالة رعب وتحطيم

وكل مانمت اتحلم ان معي اوراق اختبار الاداره و نلاحق الدكتور

عاد وشسمه مابغى هالشئ يتكرر بالقانون ولا قسم لا سحب على الجامعه

عشان كيذا

حبيت افتح هالموضوع نتكلم عن القانون
اللي ذاكروآ وش رايكم بالماده سهله ممتعه .. ولا صعبه

انا ذاكرت الاسئله وجاوب على النماذج الالكترونيه اللي بالموضوع اللي جنبنا وكلها تمام ماشيه معها

بس ملخص اصف مره متعب الكلام مصفوف تحت بعض واحسه مايفتح نفسي للمذاكره


و د . الزهراني .. وش رايكم فيه هو ولد حلال وطيب
ولانفس حق الاداره
وكيف اسلوبه بالاختبارات .. ؟؟
يعني بيسهلها لنا واسئلته مباشره ولا اسئلته لحالها يبي لها تركيز وفك شفرات



خلصت

[طالب اخر]

السلام عليكم
انا اختبرت عند الدكتور على الزهراني الترم الماضي
والله العظيم اسئلتة كانت سهله جدآ ومافيها لف ودوران او تعقيد من صيغة السؤال تعرفين الاجابه
وجميع الطلاب كلهم يقوقولون نفس كلامي
والكل طلع من الاختبار ويذكر الدكتور بالخير

تحياتي لك

[^_^Fahad]

يا شباب و يا بنات صحيح فيه دروس محذوفة من مقرر القانون؟

[طالب اخر]

http://www.ckfu.org/vb/t267691-33.html

[ABDULELAH_1]

ايه نعم في دروس محذوفه

[أزاليا]

الحمدلله ماشيه معي تمام

احسه طيب و ولد حلال عكس اخينا في الله هذاك

الله يستر بس

[علي بن عبدالرحم]

انا اللي درسته ملخص آصف وطلع براسي قرون عشرين الف تعريف
ومتداخله ومرصوصه وفيها اخطآ املائيه صراحه متعبه بالمذاكرة

[D O N T E L]

المشاركة الأصلية كتبت بواسطة طالب اخر

السلام عليكم
انا اختبرت عند الدكتور على الزهراني الترم الماضي
والله العظيم اسئلتة كانت سهله جدآ ومافيها لف ودوران او تعقيد من صيغة السؤال تعرفين الاجابه
وجميع الطلاب كلهم يقوقولون نفس كلامي
والكل طلع من الاختبار ويذكر الدكتور بالخير

تحياتي لك

مشكور على ردك
والله كان ودي احد يرد علي من المستويات الثانيه والحمدالله انك رديت
يارب تسهلها علينا

الحمدالله يارب انه يبقى كيذا

[HiMi]

السلام عليكم

انا بصراحة حبيت الدكتور هذا مرة عسل
وان شاء الله يجيب لنا اسئلة زي السنوات التي مضت < متعوب عليها

انطباعي عن المادة مررررة سهلة ، واغلب الي فيها نعيشة بالواقع وبشكل يومي
نصيحتي ،
اول شي ، بكل درس حاول تربط المعلومه بالواقع مثلا مثلا
الحرية الشخصية ،
ان كل واحد يقدر يعيش بالمكان الي يبغاه وانه يروح بأي مكان وانه يمتلك اي شي يجي بباله وانه له الحق برفع قضية على شخص ما
مفيش اسهل من كذا

ثاني شي /
بعد كل فصل حاول ترسم رسم شجري للفصل كامل بكذا تقدر تسترجع المعلومات بسهولة ويصير تقدر تراجع بسرعه وتفهم

عيب القانون الوحيد كثرة التشعباات ، لكن اذا سويتو لها الرسم الشجري بتفيدكم كثييير
انا الحين صارت عندي حديقة مليئة بالاشجار الجميلة للقانون بس باقي مسبح ههههه


اخوي فهد
المحذوف بالمرفقات يابعدي

[انسان ثاني]

الله يعين الجميع ,اكيد الرد متاخر لكن بالنسبه لملخص اصف بن برخيا الصراحه مجهود جبااار الله يعطيه العافيه
وشامل كل المواضيع , الا انه يعاب عليه ان الخط صغير مره يعني يتعب ابو نظاره زيي , وهم فيه اخطاء املائيه ونقليه مو شويه , وايضا نقل بعض المواضيع المحذوفة من قبل الدكتور (مو كلها يعني) .
لكن ارد واقول الله يجزيه بالخير الحقيقه تعب في التلخيص اذا حنا تعبنا في القراءة فكيف بمن كتبه .
ولا تنسون ان الدكتور قال ممكن تعتمدون على المحتوى والمحاضرات الاخيرة 10 و 11 و 12 و 13 .
بالتوفيق .