أخر الحلول : لمقرر الرياضيات الطاهر إبراهيم أبتداء من يوم الأحد

[سعيدان و عليان]

السلام عليكم ورحمة الله وبركاته ..

الساعات المكتبية لمقرر الرياضيـات لـ : الطاهر إبراهيم


أخواني وأخواتي من يوم غداً أن شـاء الله سنقوم بالأتصال على الطاهر أبراهيم جميعاً ( لأحد يقول غيري يتصـل ) ونحاول قدر المستطاع الوصـول إلى أي معلومه تفيدنا فى الاختبار لأن بكل صراحه لأ محاضراته واضحه بمعنى أدق أسـلوبه في توصيـل المعلومه سىء للغاية مع كامل أحترامي وتقديري له

والجميع ممن أخذ هذا المقرر لهذا الفصـل كتب معاناته ولكن أخر الحلول هو الاتصال بكثره عليه

ولكن وش نقوله

1_ دكتور المقرر طويل والمعلومات متراكمه والقوانين كثيرة وعشنا حاله من اللخبطه

2_ المحاضرات الصوت فيها يكون ضعيف وهذا سبب لنا شتات

3_ أختبار مقرر الرياضيات بيكون معه مقرر أخر وهو الصحه واللياقة مع العلم أنا ما أخذت هذا المقرر بتاتاً ..

4_ نستعطفه ونستلطفه حتى يلين والكلام اللين يضيع الحق البين لهذا السبب بنحاول حتى نحصل على معلومه أقل شىء تسهل علينا الأختبار

5_ نلمح له بطريقه مباشرة أو غير مباشرة عن الاختبارات السابقة وهل مذاكرتها وفهم طريقتها سبيل للظفر فى درجة النجاح

بعد كل هالمحاولات نكتب وش قالنا بالحرف الواحد هنــا حتى نسهل على الجميع

لكن كثيراً من أخواننا وأخواتنا قررو عدم حضور الأختبار خوفاً من حمل هذا المقرر أو أستصعبوهـ ولكن جميعاً يداً واحده

بإذن الله تعالي لأتنسى لأتقول غيري يتصل أتصل أو أرسل رسـالة حتى بأقل تقدير نريح ضمايرنا تجاهـ هذا المقرر ..


بالتوفيق ومن يوم الاحد بمشيئة الله تعالي سنبداً معه ونكثف الاتصالات عليه




الساعات المكتبيه كما هو مبين بالجدوال التالي مع رقم الأتصال به ..

[ع الاحمري]

الله يسهل للجميع انا بيكون معه ماده الصحه
يارب يتعاطف معنا

[سعيدان و عليان]

المشاركة الأصلية كتبت بواسطة ع الاحمري

الله يسهل للجميع انا بيكون معه ماده الصحه
يارب يتعاطف معنا

لهذا السبب أتمنى الجميع يدخل مقرر الرياضيات وهو مرتاح الأتصال ثم الأتصال وذكر ماهو فى الأعلى ...

للأمانه الرياضيات ماهي صعبة ولكن ماهي سهله

[سنـدس]

انا ودي اكلمه بس استحي مدري وش اقوله بالضبط
مع ان معااناتي شدييده مع المااده كل سطر فيها له قانون يختلف عن اللي قبله وكلها جديييده عليه ماقدرت استوعبها والله اني اقسم المحاضرة في يومين ومع ذالك لا افهم شي

وصلت لدرجه اني افكر اغير التخصص بسبب الماده

>>احس انكم بتبكوون عليه

[سعيدان و عليان]

المشاركة الأصلية كتبت بواسطة سنـدس

انا ودي اكلمه بس استحي مدري وش اقوله بالضبط
مع ان معااناتي شدييده مع المااده كل سطر فيها له قانون يختلف عن اللي قبله وكلها جديييده عليه ماقدرت استوعبها والله اني اقسم المحاضرة في يومين ومع ذالك لا افهم شي

وصلت لدرجه اني افكر اغير التخصص بسبب الماده

>>احس انكم بتبكوون عليه

حنا مب رايحين ندق ونسلم عليه ونسأله كيف حاله المسألة أخذ وعطى نأخذ الى نبي ونتشكرهـ ومع السلامة


يعني ماكتبته فى الأعلى مختصر للي بنقوله يعني وش بنقوله مثلاً .. عطنا الأسئلة ..؟

لأ المسألة مجرد تلميح وتصريح منه هذا الى حنا بنظفر فيه


الجميع أشوفه يشكي من ذا المقرر وانا أولكم بس وش نسوي تابعت محاضراته وحسيت بدوشه وشفت جميع المواضيع شكوى من المقرر ونترحم على حنفي ..


عموماً : مابقى شيء مالنا الإ نتصل عليه ونكثف أتصالتنا وهو بيحس أنه مودينا الى دحديرهـ لهذا السبب يبي الخلاص مننـا وحنا أنتساب مب حضور عشان نجيه ونتناقش معه


كل الود

[MISHAL1]

هههههههههه سندس والله حالتك يرثالهاا .



بالتوفيـق للجميـع .


.

[سنـدس]

[ننووووووسة]

انا دخلت المنتدى ولقيت شكاوي ع الرياضيات خفت ولما الحين واصله محاضره اربعه حق معادله مستقيم ولا فهمت لانو بدئت القوانين مدري ايش الحل ولسه ما تعمقت ومافي وقت

[سوسو الرياض]

تكفون يا الاجاويد دقوا عليه لا تستحون ماعاد بدري ابد

بس ياليت اللي يدق يكون لطيف ويتميلح شوي يمكن تتسرب الاسئله من هنا والا من هنا


يالله الهمه ياربع


ان شاء الله بكره ادخل المنتداء والقاكم سادحين الاسئله فيذا


فديتكم

[سعيدان و عليان]

ملاحظة : أنا أتصلت عليه ورد علي ببرود وكنت وقتها متوتر ولأ قدرت أتفاهم معه ولكن كثرة الأتصالت بتشوشه وتخليه يتكلم عموماً ...


قالي خايفين ليش قلت الشرح مو واضح قال مابتفهمو قلت لو مافهمنا ماعدينا فى المتطلب الأول قال على العموم العام الي فات أخذو عنده ناس 100 من 100 قلت السنه ذي غيرت الخطة بدل من المراجعه نزل درس جديد وهذا الشىء خوفنا ...

ماخذت منه لأحق ولأ باطل عموماُ أنا أعرف أسلوبي أتنرفز بسرعه من الفلسـفة الي ما أقدر افهمها ...

الجميع لأزم يتصل لأحد يتكل على الثاني .