 |
|
||||||
| منتدى كلية العلوم بالدمام منتدى كلية العلوم بالدمام ; مساحة للتعاون و تبادل الخبرات بين طالبات كلية العلوم بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2012- 2- 13
|
|||
|
|||
|
محاضرت د/ايمن فيزيائيه (مرئي وايش السالفه )
السلام عليكم ورحمه الله وبركاته اخباركم عزيزاتي الكيميائيات ان شاء الله في افضل حال يارب بدخل في الموضوع على طول وان شاء الله الكل يفكر في الكلام الي بقوله طبعاً الي حضر محاضرت السبت هذا والي قبله كيمياء فيزيائيه مرئي مراح يخفى عليه الحال راح اتكلم بصراحه واقول وجهة نظري ونظر بعض زميلاتي من ناحيه منطقيه خلونا نتكلم بالمنطق يعني المحاضره الاسبوع الي فات عدد الطالبات كبير لان فيه بنات كانو مو مسجلين وحاضرين معانا يعني لو فيه كم بنت همسه لزميلاتها مثلا انها تبغى قلم بيطلع فيه صوت مزعج فما بالكم اذا الوحده ماشاء الله تقول قصه حياتها وين راحو في الاجازه وايش سوت والي تفضفض عن اهاتها بالتسجيل والي تتكلم عن مني عارفه ايش ؟؟ كان ازعاج لايطاق وهذا الشيء يخلي الدكتور مايعرف يشرح اصلاً يتشتت وتضيع افكاره واصلاً حنا الي نبغى نفهم مانسمع صوت الدكتور ابد علشان نفهم ولما الدكتور يقول خلاص خلاص والله عيب عليكم يالي تتكلمون يعني هذا عمره من عمر ابائكم او اخوانكم الاكبار يعني وين الاحترام راح طيب لو قلنا مافيه احترام لاحول ولاقوه الا بالله لكن انا ماتوقع هذا لاني اعرف بنات الكيمياء مستوى رابع كلكم زيملاتي واشوف فيكم الاحترام والادب بس ليه في المحاضره غير وايه لما تكون دكتوره الكل ساكت يعني تخافون لانها تشوفكم اما الي في المرئي مايقدر يعرفكم حطوا في بالكم رب العالمين الي شايفكم وانتو تظلمون الدكتور وتخلونه مايعرف يشرح وتظلمونا وماتخلونا نفهم وتخلون المحاضره تعتبر مشروحه والرسول صلى الله عليه وسلم قال (لايؤمن احدكم حتى يحب لاخيه مايحب لنفسه) طيب انتوا تحبون ان احد يظلمكم ؟طيب ليه تغلطون في حقنا ليه الظلم؟؟ ترى هذا يعتبر ظلم طيب فيه ناس فيهم صفه الأنانيه وان شاء الله ماتكون فيكم يعني عادي يظلمون غيرهم اهم شيء انفسهم احب اقولهم اصلا انتوا كمان تظلمون انفسكم تعرفون كيف ؟اقولكم؟ انتوا بنات محترمات متربيات بس لما تسون هل التصرفات من التصرفات الي في المحاضره ( مثلا كلمه طيب يلا خلاص اشرح - وش دخلك - ومع نفسك - والضحكه الرهيبه الي بسببها انلغت محاضرتنا السبت هذا على فكره عندي تعليق على الضحكه ذيك واتمنى من صاحبتها ماتزعل بس بصراحه انا راح اقول التعليق علشان تعرف ومايطلع اني اغتبتها او شيء انا عادي كان قالت لها في وجهها بس ما عرفها هي ذكرتني بضحكه الرقاصات في المسلسلات المصريه بصراحه صارت ضحكتها مشهوره نسميها ضحكه شوارعيه  المهم الله يسامحها دنيا واخره انا مسامحتها يوم الدين على الموقف الي حطتنا فيه بس مادري اذا الباقي راح يسامحوها؟؟؟)المهم البنات الي يسون هل التصرفات الي مايسونها قدام الدكتورات مدري هي زعاطه (يعني مسويه فيها قويه ) ترى القوه ماهي بالكلام القوه في الفعل وبعدين ترى البنات ابد ماراح يفكروها كذا لا والله ان حنا نشوفها انها انسانه يعني ماابغى اذكر الفاظ مفروض انتوا الي تسون هل التصرفات تكونوا تعرفون ايش البنات يقولون عنكم اش نظرتهم لكم واذا ماتعرفون مصيبه بس الطف معنا ممكن ينقال عنكم قله ذوق وزين اذا فيه حد قال بس كذا يعني لما تقولون هل الكلام في المحاضره والسواليف الجانبيه عذرا اقصد الرويات الحياتيه انكم فاهمين المنهج ماشاء الله ومستغنين عن الشرح خلاص طيب سجلوا حضوركم واطلعوا او قولوا لاي بنت تسجلكم علشان وقتكم مايضيع واما الكلام الي تقولون للدكتور هو صحيح ماسمعكم بس حنا سمعنا اتمنى ماينقال مره ثانيه بس علشان مصلحتكم لان اكيد لو سمع بيطلب يعرف الاسم او كلنا نتحاسب وليه حنا نتحمل ذنب وحده هي مااهتمه بمصلحتها بنعطيه الاسم شيء طبيعي وفي نهايه مالها حق تزعل ليه تقل ادبها من الاساس شوفوا في شيء ما ابغى اخبيه عنكم علشان لو صار يكون عندكم فيه علم من قبل وهو معظم البنات كل وحده اقترحت شيء لما كنا نتكلم عن الي صار وبصراحه اعجبتني لان هذا من حقنا ان حنا نفهم ومفروض مانسمح لاي شخص مهما كان يخرب علينا حتى لو البنت كنا نحترمها ونحبها بس الحق حق وحنا هنا جايين ندرس ومانبغى احد يخرب علينا فالاقتراحات مجموعه بكذا وهو ان البنات الي يزعجون راح تكتب اسمائهم وعلشان مانظلم احد راح نتاكد من كم بنت ان هذي الطالبه فعلا هي الي مسببه الازعاج وراح نعطيها رئيسه القسم تتفاهم معهم كأحد الحلول او تخليهم يحضرون مع الشبكه او يتسجلون غياب او نعطيها الدكتور بس بصراحه مانبغى هل الشيء يصير في النهايه حنا بنات اكبار مفروض نعرف مصلحتنا وحنا كلنا زميلات وخوات مفروض نتعاون علشان كذا رجاءً نلتزم بالهدوء في المحاضره علشان نستفيد والي عندها سالفه تطلع ولما تخلص تدخل عادي ماراح نقول شيء واذا جات المشرفه كلنا بنوقف معها واذا طلعتها بنسجلها حنا حضور واذا ماتبغى تحضر عادي العرض راح يكون معها واذا جاء الاختبار ومافهمت بنساعدها عادي والله نشرح لها مره واثنين والف عادي بس اهم شيء ماتزعجنا يلا الاسبوع الي فات كان اول يوم واكيد جاين متحمسين من الاجازه وهذا الاسبوع اتوقع البنت الي ضحكت ماكانت تقصد وللامانه مو بس علشانها انلغت المحاضره لان الدكتور كان ينبه من قبل لان في بنات كان طالع صوتهم صحيح ممكن انهم كانوا قليل ممكن 5 طالبات تقريبا بس لان القاعه ساكته فالصوت يوضح انهم امم تتكلم بس يلا حصل خير ان شاء الله بس امانه بنات اسالكم بالله بلاش سواليف بصوت عالي خلونا نفهم ترى معروف ان المومن لو سال اخيه بالله وكان حق له توجب عليه ان يعطيه اخذناه بالمدرسه لو تذكرون <<اه على ايامها  ادري طولت واجد واجد بعد بس كله لمصلحتنا واعتذر مقدما لو في شيء غلطت فيه او اساة التعبير
فان اصبت فمن الله العزيز الحليم وان اخطات فمن نفسي  التعديل الأخير تم بواسطة ملكه باخلاقي ; 2012- 2- 13 الساعة 03:19 PM |
|
2012- 2- 13
|
#2 |
|
أكـاديـمـي ألـمـاسـي
|
رد: محاضرت د/ايمن فيزيائيه (مرئي وايش السالفه )
يعني ما عندكم مشرفه .gif "(107)") ؟؟إذا كذا !! روحوا كلموا القسم وعطوهم خبر أن ما عندكم مشرفه أو أنها ما تحظر  |
|
2012- 2- 13
|
#3 |
|
صديقة كلية العلوم بالدمام
|
رد: محاضرت د/ايمن فيزيائيه (مرئي وايش السالفه )
كيف تضحك قدام رجال غريب ..؟
لا حول ولا قوة الا بالله بصراحه يحق له يطلع ويلغي المحاضره المشكله الباقين انظلموا بسببها يعني اخذت ذنبهم .gif "(177)")
|
|
2012- 2- 13
|
#4 |
|
أكـاديـمـي ذهـبـي
|
رد: محاضرت د/ايمن فيزيائيه (مرئي وايش السالفه )
مللكه بأخلاقي ولله انك اسم ع مسمئ ع قولتهم فدييت روووحك ي الغاليه
 بصررراححه كلامك عييين العقل .gif "(204)") سفيره السعاده : ي عممري عندنا مشرفه بس وجودها زي عدمها تطقطق بالجوال ولاهمها شي طبعا هذا لما هي داخل القاعه بسس لما تكون براا تقعد تأكل فلافل  طيب اذا مالك خلق او انتي مو قد المسؤليه ارتاحي ببيتك ويجي غييرك  المهم المشرفه الله يستر علينا وعليها مو سالفتنا اللحيين ..... السالفه هي البنات الحبوبات الي ماتحلئ لهم السوالف الابالمحاضرة زي ماقالت اختي ملكه باخلاقي الله يهديهم بسس  طبعا مازيد ع كلام اختي ملكه لانها كفت ووفت بسس اعيييد الرجاااااااء بالاتزام بالهدوء واذا حسيتي نفسك مو قادره اكتبي حظور واطلعي ماحد يقدر يقولك شي >>>  لان من جدد ي بنات الي قاعد يصير مو من صالحنا ابدا الدكتور مو خسران شي بيقرأ العرض ويمشي بسس حنا الي بنروح فيها .,, لافهم ,, لادرجات ,, لا تعاون من الدكتور ...... ولاشي ودمتم سالمييين
|
|
2012- 2- 13
|
#5 |
|
أكـاديـمـي فـعّـال
|
رد: محاضرت د/ايمن فيزيائيه (مرئي وايش السالفه )
ملكه باخلاقي
الله يوفقك ويسعدك كلامك جميل وأسلوبك أجمل ياليت الجميع يتعاون وأنا ما بأزيد على كلامك جد جد كفيتي و وفيتي |
|
2012- 2- 13
|
#6 |
|
متميزه في كليه العلوم بالدمام
|
رد: محاضرت د/ايمن فيزيائيه (مرئي وايش السالفه )
من جد صح كلآمك ّّ
اشوف صديقاتي مرره متضايقين من هالشغلة يعني المادة تحتاج فهم ّّ وآحنآآ الشبكة بعد في ازعاج بس ينبلع شوي الله يسهل يارب ويهدي الجميع
|
|
2012- 2- 15
|
#7 |
|
أكـاديـمـي نــشـط
|
رد: محاضرت د/ايمن فيزيائيه (مرئي وايش السالفه )
الحمدالله شعبتنا بنات بجد جايين للدراسه الله يوفقنا بس
|
|
2012- 2- 15
|
#8 |
|
أكـاديـمـي ذهـبـي
|
رد: محاضرت د/ايمن فيزيائيه (مرئي وايش السالفه )
( مع نفسك و ضحكة هذيك البنت تقولون رقاصة و يحاتي الدكتور و ياخي كمل وش تنتظر )
خيييييييييييييييييييييييييييير وش هالقله الأدب للي وصلت فيكم و من أول محاضرة ضحك و رد ع الدكتور ترى ماهيب قوة هذا اسمه تلفتين إنتباااااه و ش بتستفيدين يعني لو انج تضحكين ت سمعين الدكتور مثلا تبين يعني الدكتور يقول لج ترى صوتج عجبني و لي ترد ع الدكتور تبين تدخلين معه بنقاش يعني جد جد جد نااااااااااس سخيفة و ابصم بالعشرة إنهم بياخذون فوق كل هذا فوووووووووووووول مارك  ما يصيييييييييير  حححححححرام تسلمي تسلمي تسلمي يا ملوكة جد كفيتي وفيتي بس الله بيحاسبكن ياللي تضحكين و ياللي تردين
|
|
2012- 2- 15
|
#9 |
|
أكـاديـمـي فـعّـال
|
رد: محاضرت د/ايمن فيزيائيه (مرئي وايش السالفه )
اممممم مني وجهه نظري كلامك لاغبار عليه مشاء
الله عليك يب والله تضايقنه والمادة يبغالها حيييل تركيز وهدوء احنا الي نجلس قدام مانفهم كيف الي الله يعين وزحمه وحاله *الم وامل* بس حبيت اعلق على كلامك مواي بنت تدخل نقاش مع الدكتور صارت قليله ادب وسخيفه صدقيني هذة موتفكير موحلو في البنت وغلط بالعكس يعني انتي متفاعله وراح هو يعطي اقوى ماعندة اذا شاف تفاعل وهدوء وادب اكلمك وانا من النوع الي اتناقش مع الدكاترة بالعكس اذا تنقشتي بكل احترام وادب موعيب ولا سخافه ؟ واذا هو حرام ؟؟ مكان دخلتي مع الدكتور هههههههههه ..... |
|
2012- 2- 16
|
#10 | |
|
أكـاديـمـي فـضـي
|
رد: محاضرت د/ايمن فيزيائيه (مرئي وايش السالفه )
اقتباس:
يختي في ناس متربيين على انه ما يجوووز ابدا تقولين حرف ويسمعك رجال حتى لو بأدب وكان لحاجه زي دكاترة الكلية او هندي في بقاله ( بكم هذا) ما نقدر نقول شي لكن هم متعودين كدا و اذا شافو الشي عكس اللى تعلموه يفكرو تفكير غلط على طول |
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
