مايخص اسلوب الدكاتره بالاختبارات في مستوى رابع"""

[منويه الشمري]

مادة استراتيجيات التدريس
ماده سهله في محتواها لكن الدكتور يعتمد في اسئلته على الفهم او العصف الذهني فلابد من فهم الماده بشكل متقن ميه في الميه.

مادة اضطرابات السلوك وتعديله
دسمه مترابطه يعني لابد من فهمها بشكل ممتاز وهي ثلاث ساعات يعني ترفع المعدل او تنزله الدكتور ماقصر حذف المحاضره الثانيه والخامسه والسادسه واسئلته نوعا ما ممتازه على الاقل واضحه مافيها لف ودوران.

مادة التقويم التربوي.
هبل فينا الدكتور مما ادى الى تشتت ذهننا مادرينا من وين نذاكر مره يقول كتاب ومره يقول محتوى ومحاضرات وفي الاخير ماخرج عن المحتوى والمحاضرات المسجله الا بسؤال في المتوسط الحسابي وفيه بنات قالوا انه ذكره في المحاضرات المسجله يعني ضروري تكتبون كل كلمه يقولها حتى ولو خيل اليكم انها غير مهمه واسئلته بين السهوله جدا وبين المتوسطه بس من كثر ماتشتتنا في المذاكره راح تركيزنا الله يخلف علينا.

مادة قضايا ثقافيه معاصره .
صراحه هذه الماده دسمه والدكتور جاب اسئله تعجيزيه سؤال وله اجابتين صحيحه وماتقدرون تختارون الا خيار واحد وكل الاجابتين صحيحه وفيه غموض لم يمر علي من قبل وحتى الحفظ صم لن يجدي ولا الفهم لأن اسئلته للأسف غير مفهومه وجاب لنا تواريخ وعلماء وهو قايل ليست معكم وانا ماخوفكم لكن انبهكم والخيار لكم.

مادة مدخل الى الاعاقه البصريه.
متوسطه لكن الدكتور جدا ممتاز والي يقوله يسويه واسئلته واضحه الله يجزاه خير.

مادة مدخل الى صعوبات التعلم.
دسمه الدكتور اسئلته متوسطه فيها السهل وفيها المتوسط ولكن اسئلته واضحه.

مدخل الى الاعاقه السمعيه.
الماده دسمه نوعا ما والدكتور يعتمد في الحفظ ولكن اسئلته واضحه وفيها اسئله سهله.

مهارات التواصل مع ذوي الاحتياجات الخاصه.

جدا سهله الماده ممتازه والدكتور جدا رائع الله يجزاه خير طبعا للمذاكر وهي ثلاث ساعات يعني ترفع المعدل وتنزله.

واتمنى التوفيق لكم ولا اريد منكم الا الدعاء..

[(خالد)]

انتي درستيهم ولا ناقله الموضوع

احس اللي اختبرهم متشائم وخوفني صراحه


تفائلوا بالخير تجدوه .

[منويه الشمري]

المشاركة الأصلية كتبت بواسطة (خالد)

انتي درستيهم ولا ناقله الموضوع

احس اللي اختبرهم متشائم وخوفني صراحه


تفائلوا بالخير تجدوه .

هههههههههههههههههههههههه اكيد التجربه منقوله انا مادرستهم بس اهتم بهالجانب حيل اعرف السهل والصعب واسلوب الدكاتره ... لاتخاف بس مافيه شي سهل كل شي يبي جهد وبالتوفيق.

[شــــوق]

الله يعطيك العافيه
مشكووووره

[رغد الشرقية]

دامك ناقله الموضوع ماعليك من المطبلين والمرجفين ذكرتيني بسوق الأسهم

شوفي يقلبي كل شخص له نظره في المواد
انا مااقولك اللي ذكر المعلومات هذه يبالغ
بس فيه ناس تذاكر من اول الترم وناس تذاكر ليلة الأختبار
ناس تذاكر من الملزمه والمحاضرات المسجله وناس تعتمد على اسئلة المراجعه ونماذج من اختبار سابقه
وكلن له طريقه في الفهم
انتي لا تفكرين في هذه الجانب مومهم الغير يقول المهم انتي وش تقولين
اتذكر في المستوى الثاني خوفوني الدفعه اللي قبلنا من مادة تقنية التعليم والحمدلله جبت فيها a
وبرضو الدفعه اللي قبلنا خوفوني من مادة علم النفس التربوي وبرضو جبت فيها a

اتركي كل شي ورا ظهرك وركزي في دروسك ولا تتأثرين بأحد

[ŤŋảђĕeĐ]

منويه الشمري
http://forum.mn66.com/imgcache2/650111.gif
ŤŋảђĕeĐ

[طالبة قرب الله]

[&غرور&]

اااااااااااالف شكررررر

[بنت صالح]

الله يصلحك إنت و من كتبه ذكرتوني بالمرجفين إللي كانوا في المدينه المنوره..
خوفتوني و أوجعني بطني ..يا جماعه فيه ناس تتوتر من مثل هالكلام..
ومن الخوف فعلا ما يقدمون زين...قل خير تجده وتفائل تسعد..
الأمور تساهيل بإذن الله..

[ريماس محمود]

اقول توكلو على الله مافي شي سهل بدون مذاكره والصعب يقوله الكسلانين يلي مايفتحون الماده غير ليله الاختبار هههه