 |
|
||||||
| إدارة أعمال 1 ملتقى طلاب وطالبات المستوى الأول ادارة اعمال التعليم عن بعد جامعة الملك فيصل |
 |
|
|
أدوات الموضوع |
|
#1
2012- 1- 28
|
||||
|
||||
|
" الطلاب الجدد واصحاب الخبرات السابقه أرجووو الدخوول "
السلام عليكم ورحمة الله وبركاته مرحباااا وعسى الكل بخيرر  بما ان اليوم اول يوم لسمستر هذا واحنا طلاب قدد فيه دخلت ع المنتدى ومستانسه بقسمنا خخ ودخلت ع الموقع وتفرجت بلوحة النظام طيب الحين  وبعديييييييييييين !!!!  وش أسووووي ؟؟!!اذا مثل ماتقولون المقرارات ثابته مانقدر نعدل فيها شي ولا فيه تسجيل مواد ولاغيره وش اسوي الحين انا واكيد فيه كثير مثلي مايدرون وش يسوون  اول شي ابي استفسر من الي بالمستوى الاعلى منا  يوم كنتو مثلنا وش سويتو ؟ ومتى تدخلون وتشوفون محاضراتكم ؟ وشلون نشوف خطتهم ؟ هل هم لهم ايام محدده ندخل نشوف فيها المحاضرات وكتبهم وشي وهالاشياء هاذي للحين ماشفت بالقسم شرح لهاذي الاشياء مع ان الجميع ماقصر وشرحو المخلصات والمواد وطريقة مذاكرتهم ,,الخ بس يعني انا الحين وغيري كثير وش نسوي ماعندي اي خلفيه << تحكي كثيررر اذا تلخبطت  وياليت تحطون اهم نقاط الي لازم نسويها ونتاكد منها غير سالفه الكتب وملخصات واسئله والخ  ع العموم شكراااا لكل الي يدخل ويرد فقط  |
|
2012- 1- 28
|
#2 |
|
أكـاديـمـي نــشـط
|
رد: " الطلاب الجدد واصحاب الخبرات السابقه أرجووو الدخوول "
يا اختي فيه 30 درجه خارج الامتحانات
مقسمه على ثلاث اشياء .. الجزء الأول لحضور المحاضرات او تنزيلها وعليها 10 درجات ... والجزء الثاني لحل الواجبات وعليها 10 درجات .. والجزء الثالث لـ حل المناقشات وعليها 10 درجات .. وكذا يبقى لك 70 درجة تاخذينها بالامتحان .. والنجاح من 60 درجة .. يعني لو أخذتي 30 في حضور المحاضرات وحل الواجبات والمناقشات .. بيبقى لك 30 درجة على النجاح .. والاختبار من 70 .. يعيني الدعوه سهالات .. واذا فيه اشكالية ثانيه قولي ونعلمك .. |
|
2012- 1- 28
|
#3 |
|
أكـاديـمـي مـشـارك
|
رد: " الطلاب الجدد واصحاب الخبرات السابقه أرجووو الدخوول "
وعليكمـ السلامـ ورحمة الله وبركاته
أهليين وسهلييين ,, أنا من المستوى الأول لين اليوم ,,, ادخل على نظام الجامعة الي فيه المحاضرات + المحتويات (البلاك بورد) مرة بالاسبوع (الخميس الظهر بما أني موظف قطاع خاص) أشوف المحتويات للخمس مقررات ,, + أحضر محاضرة الرياضيات + اقتصاد + محاسبة الباقي حفظ ماعندي مشكلة فييييه أحيانا أضطر اذاكر الجمعة بعد لو صارت المحاضرة ثقيلة أو شي أهم شي عندي ::: مايجي الأسبوع الي بعده إلا وأنا مذاكر أو مطلع على الاقل على دروس المحاضرات السابقة ليه = عشان لو سحبت على اسبوع ماذاكرت صارت 5 محاضرات جديدة + 5 قديمة = 10 محاضرات كذا نظامي وماشية الامور تمام == الترم الي راح نزلت 7 مقررات (اضطريت اذاكر وسط الاسبوع احيانا فقط) أهم شي المقررات العلمية زي رياضيات + اقتصاد + محاسبة لا تسمحيلها تتراكم أبدا طبعا بعد كم اسبوع بينزل أول واجب ,, + المحاضرة المباشرة الاولى نفس الشي الواجب بتلقي حله هنا بالمنتدى عشان تجاوبي صح 100% المحاضرة المباشرة بينزل لها جدول من الجامعة بالمواعيد وبرضه لو ماناسبك الموعد ,,, تقدري تحضريها مسجلة بأي وقت + كل اسبوع تنزل مواضيع النقاش بمنتدى البلاكبورد الافتراضي تشاركي مشاركة وحدة لكل موضوع تكفي تحسب لك الدرجة طبعا كل مقرر بينزل له 14 محاضرة مسجلة (كل محاضرة لازم تفتحيها على الاقل عشان تحسب لك درجة) 14 موضوع نقاش (كل موضوع تشاركي فيه مرة وحدة) 3 محاضرات مباشرة (لازم تحضريها عشان تحسب لك درجة + مو مهم بوقتها ممكن تحضريها مسجلة) 3 واجبات (أكيد لازم تحليها كلها) بكذا صار معك 30 درجة بيدك وتدخلي الاختبار تختبري من 70 كل الأمور سهالات الحمد لله ومهما تقري من شرح وكلام ماراح يبان معك كل شي إلا بعد ماتخوضي التجربة بنفسك بما انك مهتمة كذا ,,, اتوقع بإذن الله ماراح يكون عندك أي مشاكل الله يوفقك يااااارب ,, |
|
التعديل الأخير تم بواسطة KSAjamal ; 2012- 1- 28 الساعة 12:21 PM |
|
|
2012- 1- 28
|
#4 |
|
أكـاديـمـي نــشـط
|
رد: " الطلاب الجدد واصحاب الخبرات السابقه أرجووو الدخوول "
والله نفس مشكلتي مدري وش السالفه بس ماقصروا الاخوان شرحهم واضح
|
|
2012- 1- 28
|
#5 |
|
أكـاديـمـي نــشـط
|
رد: " الطلاب الجدد واصحاب الخبرات السابقه أرجووو الدخوول "
والله ذكرتوني بنفسي اول يوم
انشاء الله الامور سهالات و الكل بيشرح لكم الي تبوون و ماراح يقصرون بالمنتدى |
|
2012- 1- 28
|
#6 |
|
أكـاديـمـي فـضـي
|
رد: " الطلاب الجدد واصحاب الخبرات السابقه أرجووو الدخوول "
شكرااااا جزيلاااااااا لكممممم كلكم
بس عندي استفسار صغير الاسبوع هذا تتوقعون فيه شي انا نفس نظام الاخ KSAjamal موظفه ومارح يكون وقتي حلو الا بالويك اند التفرغ بيكون ومثل ماقال وقت مانخوض التجربه بنفهم اكثررر شكراااا للكل |
|
2012- 1- 28
|
#7 |
|
أكـاديـمـي فـضـي
|
رد: " الطلاب الجدد واصحاب الخبرات السابقه أرجووو الدخوول "
ياحبايبي والله الامورسهله البلاك بورد مغلق حتى ينزلوا المحاضرات لما يفتح شدوا حيلكم شوفوا المحاضرات افهموها زين تابعوا اول باول كل اسبوع نصيحه لا تاجلوا لقبل الاختبارات ان شاء الله تجيبوا ممتاز مثلي
|
|
2012- 1- 28
|
#8 |
|
أكـاديـمـي فـضـي
|
رد: " الطلاب الجدد واصحاب الخبرات السابقه أرجووو الدخوول "
زهرة الخليج الف مبرووك وعقبالنا يارب << لازالت السرعه
هو لااستعجال ولا غيره بس عدم خبرتي الكافيه بهالامور لذالك سئلناا =))) شكراً .
|
|
2012- 1- 28
|
#9 |
|
أكـاديـمـي فـعّـال
|
رد: " الطلاب الجدد واصحاب الخبرات السابقه أرجووو الدخوول "
 مداهمينك يالبلاك بورد > مدري شسمك بس مداهمينك |
|
2012- 1- 29
|
#10 |
|
أكـاديـمـي فـضـي
|
رد: " الطلاب الجدد واصحاب الخبرات السابقه أرجووو الدخوول "
^^
ع القووة 
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اجراءات الطلاب الجدد ؟ | خالد من الرياض | ملتقى طلاب التعليم عن بعد جامعة الملك فيصل | 25 | 2012- 1- 26 03:26 AM |
