[ جميع التخصصات ] : صفحة متنفس لكل طالبة .. تخيلي صوتك يوصل للدكتور عبدالله الربيش

[سـمـو الذات]

بسم الله الرحمن الرحيم

لاحظت إن في هالكلية ظلم رهيب في كل جانب ... وإلى الان يوصلني شكاوي من هالكلية

بس يا هل ترى ... دكتور عبدالله ربيش عنده خبر ؟؟؟


في هذه الصفحة حبيت يكون متنفس لكل من يشعر أن هناك خلل يريد أن يتعدل

الكلمة تصبح كلمات ... والكلمات تصبح جمل .. والجمل تصبح فقرات .. وجميعها تملىء صحيفة المسلم يوم القيامة


************************************************** ****

اول شكوى اقدمها للدكتور
نحن الخريجات :

1-لماذا لم يكن هناك برنامج توعوي لما بعد التخرج.

2- ليش الوظائف الإدارية او غيرها ماتعلن في موقع الجامعة .... ليه الوظائف في الكلية حصريه لأسماء معينة وكل اللي يقربون لها.

3- ليش الماجستير في جامعة الدمام مو واضحة معالمه؟

تقبلن تقديري : جميلة العتيبي

************************************************** *****

يا طالبات هذه الصفحة لكن

[بنت الزهراء]

اااااااااااااااااااااه ياقلبي لله صبرك

[$ زازا $]

حبيبتي محد حولك لو تتكلمين من اليوم الين بكرة لان الحين ماينفع معهم الا اللي يكتب عنهم في الفيسبوك ولا توتر والا الجرايد زي سالفة المكافئات اللي مانزلوها الا بعد ماكتبوا عنهم بالجرايد <<قسم فشيلة .

[سـمـو الذات]

حبيبتي مافيه أسهل من اللي قلتيه الفيس بوك والتويتر والجرائد
ماطلبت شيء

بس اللي قلتيه يبي له كلمة حق الكل ينطقها

((( تعبير الرأي والاختلاف الرأي .. والحرية الحقيقية .. تبدأ منكن )))

(( باقي الأثر اللي انت خليتيه ... أنت يا طالبة ماذا فعلت ؟؟ ))

[ألــــين]

يارب يسجلوني وارتاح

[سـمـو الذات]

ألين يارب يسجلونك بس ليش وش المشكلة عندك ؟؟

[سـمـو الذات]

تدرون وش الناقص في كل موضوع مثل كذا


الـــــثـــــــقــــــــــة أن هناك ثم تغيير سوف يعتري الجامعة لو تكلمنا

[طفڷـه ٓالمطـړ ٌ]

بالله يابنات اللي عندها خبره في كتابتها في الفيس بوك وتويتر تسويها لأن حتى المنتدى الرسمي للجامعة

ياكثر الشكاوي والاستفسارات ولاحياة لمن تنادي .. للامانة مافيه الا استاذ عبدالله الله يوفقه .. والباقي

بنات وروهم العين الحمرا شوفوا جامعة طيبه وش سوو الطلبة وكيف تغيرت انظمة الجامعة بعدها ..

و الواسطات وما ادراك ما الواسطات ..

ماطلبنا شي غير انهم يحطون نظام يناسب قدراتهم ويستوعب الطلبة و شعب كافية ..

هذي حرام فيها كلمة جامعة وربي المدارس اطلق منها ومن نظامها الفاشل

[عشقي الدمام]

انا اول سنه ادرس فيها اول فصل
واحس اني خلالالاص مو قادره اتحمل
من جد نظم فاشل وموقع فاشل
وكل فاشل

الله يعينا ويصبرنا

[لا تعليييق]

السلام عليكم ورحمة الله وبركاته


انا لا أنطق ألا بالحق وسأتحدث بالحق بدون أي أنفعال

حاولوا تفهموني وتفهموا الكلام اللي باقوله

ياأخواتي التغيير لازم يبدأ منا ومن أنفسنا ومن تعاملنا ومن نظريتنا لهالجامعة
أنا ماأبرر لهالجامعة أي تقصير أو أي واسطه أو أي معامله
بس حتى ماأقدر أبرر لنفسي ولكم اللي نسويه
أقصصد بهالكلام
لاتتعودون تأخذون وماتعطون
احنا بأنفسنا اللي سجلنا بهالجامعه يعني أحنا اللي مبدأين لازم نعطي
لازم نفتخر شوي بوجودنا فيها
ومايكون همنا بس حضور وغياب ومحاضرات وبس
لا ..
نسوي شي يشرفنا ويشرفها
انشطه او نصح او اقل شي حسن تعامل مع اعضاءها
اذا بغينا شي ومالقيناه منها لانعصب وندعي كأننا ندعي ع كفار
او نغلط عليهم
تكفوون افهموني
احنا همنا النجاح ومتى نتخلص من هالكليه وبس
الغريب صاير يدري باننا ساخطين ع جامعاتنا و على انظمتنا
اذا فيه تغيير اكتبي خطاب ووصليه لرئيسه قسم او مسوؤله او عميده
بدون اي عصبببيه
ولاتيأسون من ان هالكلام يوصل لمسؤول او عميد او مدير الجامعه
لابد ان احد يدخل هالمنتدى ويشوف اش قاعدين نتكلم ونسوي

خوااتي
مثل ماقلت أنا ماأبرر لهم أي تقصير
بس لازم يكون عندنا حسن تعامل واسلوب وكلمه طيبه

تكفوون خلونا نرتقي بأسلوبنا وبوصفنا لجامعتنا
خلونا نحس بالانتماء
علشان نقدر نغييير ونتغييير


هذا اللي أقدر اقوله مبدأيين..

واشكرك أختي ع الموضوع الرااقي

دمتم بخير