باليد واحد

[منذو مبطي]

السلام عليكم ورحمة الله

والله هالموضوع تغريد خارج السرب

بس من ضيقة الصدر كتبته ومدري عنكم


الصحيح هالمادة تعتبر من المواد السهل الممتنع

أشوف شرح الدكتور زين إلى حد ما ..

لكن الظاهر المشكلة بإن الواحد ما بدأ بدري بالمذاكر و طول الوقت

وجاي هالحين أدور النجاح ..

أدري إن فيه من حالتي كثير .. :58545:

بالنسبة لي .. حقي وما يجين .. راضي كل الرضى


أعتقد هذي المادة راح يكون لي منها نصيب الترم الجاي

يعني باليد واحد .. ما يهم تكون درس للجايات بإذن الله

يا سفاب الثلاث ساعات طارن


على كل حال .. هذا مهوب آخر المطاف

ولكن لازم نعتبر من اللي يصير لنا .. ونشد حيلنا شوي

لا نتوهق ونظن إن طريقة الاختبار راح تنجحنا .. لو صادت نوبه ما تصيد الثانية


دعائي لكم بالتوفيق والنجاح ..

[تشتيتي مركز]

وش هالقرارات المستقبليه ...

احد يقر ر انه موب ناجح ..

هذا بعلم الغيب ..

منذوو امسك اسئله الامتحان ركز على النظري .. يمدي
اسرع ابو شي ..

وباليد صفر باذن الكريم ..

[زيدان9]

مراااحب


فعلاً خارج السرب

والله هذا الترم مافيه مادة سهلة ... حتى السهل عقدوة بالاسئلة


اللي يطمن اليوم نوعاً ما ،،، ان الدكتور غير سعودي

يعني يبي يكون متفهم الى حد كبير

ولا راح يعاني من اي عقدة اثناء وضعه للاسئلة ،،، الا اذا كان تصميم مخه معود على الصعب او اعدوه ربعنا


بالنسبة لي ماذاكرت ولن اذاكر

لإن مافيه وقت اصلا

بس حفظت جزء بسيط من اسئلة الترم الماضي

والباقي يبي يجي بعون الله ببركة رب العالمين ثم بدعاء الناس الطيبة اللي يحبوني:58545:

واهم شي درجة النجاح


وبالتوفيق اخوي منذو

[منذو مبطي]

المشاركة الأصلية كتبت بواسطة تشتيتي مركز

وش هالقرارات المستقبليه ...

احد يقر ر انه موب ناجح ..

هذا بعلم الغيب ..

منذوو امسك اسئله الامتحان ركو على النظري .. يمدي
اسرع ابو شي ..

وباليد صفر باذن الكريم ..

أبد لا تحاولين .. مصمم أحملها

أقولك ما راجعت .. توي مخلص المحاضرة السادسة وتلخبط الفهم عندي


العجيب كل ما جيت أذاكر جان النوم


عموماً ما راح أخلي ولا سؤال هههههههه

بس الأمل بالكريم إنه يمشيها زي الباقيات

[منذو مبطي]

المشاركة الأصلية كتبت بواسطة زيدان9

مراااحب


فعلاً خارج السرب

والله هذا الترم مافيه مادة سهلة ... حتى السهل عقدوة بالاسئلة


اللي يطمن اليوم نوعاً ما ،،، ان الدكتور غير سعودي

يعني يبي يكون متفهم الى حد كبير

ولا راح يعاني من اي عقدة اثناء وضعه للاسئلة ،،، الا اذا كان تصميم مخه معود على الصعب او اعدوه ربعنا


بالنسبة لي ماذاكرت ولن اذاكر

لإن مافيه وقت اصلا

بس حفظت جزء بسيط من اسئلة الترم الماضي

والباقي يبي يجي بعون الله ببركة رب العالمين ثم بدعاء الناس الطيبة اللي يحبوني:58545:

واهم شي درجة النجاح


وبالتوفيق اخوي منذو

ههههههههههههههههههه

أجل بالتغريد سوى ههههههه

ليتك جنبي أغششك من أخطائي


على فكرة .. الدكتور ما تمسك له جنسية من كثر ما يغير اللهجة

يعني في خلط شوي سعودي هههههههههه


فالك التوفيق أيها الزيداني ..

وراح أدعي لك لحبي لك

[تشتيتي مركز]

هذي القوانين من 7 الى 10 اذا امداك ناظرهن بسرعه ترا يجيب حول 10 اسئله منها ..

انشاءالله انك بتنجح .. بالتوفيق لك وللزيداني وللجميع ..

[منذو مبطي]

المشاركة الأصلية كتبت بواسطة تشتيتي مركز

هذي القوانين من 7 الى 10 اذا امداك ناظرهن بسرعه ترا يجيب حول 10 اسئله منها ..

انشاءالله انك بتنجح .. بالتوفيق لك وللزيداني وللجميع ..

يا مال الغناة

تم الاطلاع .. وراح أحفظ الأخيرات اللي ما فيها معادلات

لأنها شكلها ممكن تجي نظري


شكراً بحجم ذلك العون المعتاد

[زيدان9]

الله يجزاك خير تشتيتي .... والله يرحم شيبان جابوك وعلى الطيب ربوك

بالتوفيق لك و لأخوي منذو مبطي وللجميع

[رشوف123]

مخي ان شاء الله يجيب 50 سوال نظري عشان نضمن النجاح

[توفي~]

//



ان شاءالله بتنجح


ابقوللك كلمتين هي اللي طلعت معي من حصيلة مذاكرتي وميه بالميه بتجي بالاختبار ,


لاقال لك ماهو العائد المتوقع , اجمع النسب الموجوده بالسؤال ,

ولا قال لك ماهي علاوة المخاطر اطرح النسب الموجوده بالسؤال

ولاشفت كلمة مدى , اطرح أكبر رقم موجود بالسؤال من اصغر رقم


وبس الله يعين يارب ماتطيح عيوننا الآ ع الاجابات الصحيحه