اسمحولي اضع موضوعي بينكم

[فجرالخبر]

السلام عليكم ورحمة الله وبركاتوو

انا متردده اكتب موضوعي لاكن انشالله القى الرد منكم اللي يقنعني ويطمني

بما انكم مستوى سادس بالانجليزي

انا توي بثاني ابي رايكم بالمواد اللي اخذتوها من ناحيه انه سهل او صعب وينفهم وكيف الاساتذه معكم واي شي

انا لما اخذت مستوى اول مع الاستاذ عمار المعاني بصراحه حطمني رغم اني شاطره بالانجليزي وحلمي اني اخذ شهاده فيه لاكن بعد اختبار عمار المعاني جتني حالة التردد باني احول علم اجتماع مو حبا فيه بس هو اللي ممكن ادرسه من بين الاقسام و خوف من الانجليزي ان سمعت كل مستوى اصعب من الثاني هل هذا صحيح استخرت وتعبت من من كثر مااوسوس ابي رد يطمني استمر ولا علما اني دارسه بمدارس خاصه يعني من روضه وانجليزيتي حلوه ارجو الرد منكم

[بدويه]

أختي لو علقنا مخاوفنا ع تجارب الآخرين فسوف نحرم أنفسنا التجربة وبالتالي نحرم أنفسنا التعلم


دام تحبين تتعلمين لاتتركين لأحد فرصة يكسر مجاديفك ويخفف طموحك..
لاتعتمدين على المشاعر السيئة والانطباعات الأسوء من الآخرين..
واحنا كدفعة أولى كبش فداء
كل شئ علينا جديد ولم يسبق لأحد ف التعليم عن بعد أن جربه يعني ندخل التجربة وماندري عن مستوى الألم اللي راح نقابله أو السعادة والفائدة منها ، يعني هالأشياء ف علم الغيب

ولاتنسين أن البشر قدرات

شغله مهمة.. الدكتور عمار أبدع ف الشرح وكثف تمارين واستفدنا من مواده وطريقة نطقه للغة ومخارج حروفه الصحيحة ماشاءالله
هذي في حد ذاتها تحسب له
وبالنسبة لاختباراته.. هو ماكان عارف مستوى الطلبة ولابيننا تواصل اختبارات دورية ومطلع على مستوانا علشان يقيس ف حتى هو كان اختبار هالترم معيار له يعرف كيف انطباعاتنا ومستوانا الدراسي وأكيد راح يتعاون
مثل ماحصل مع الدكتور النعيمي معنا في مادة الأدب
اول مرة اختبرنا عنده كلنا كنا مستائين
والترم اللي بعده أصبح أكثر لين وتفهم


نصيحتي الأخيرة: أي شئ تحبينه تمسكي فيه وتغلبي ع نفسك و ع مخاوفك وبتنجحين


تكلمت كثير بس يارب أكون أفدتك

بالتوفيق

[DewDrop]

لا ازيد على أختي بدويه شيء
ومن أراد شيء فاليسعى اليه
والله يوفقنا ويوفقكم بإذن الله

[سرااااااااااااب]

اختي فجر الخبر لو كل انسان تجيله عقبه بيوقف كان انا اول وحدة درست بكلية الاداب قسم انجليزي انتساب الدمام وانا عارفه مستواي بالانجليزي وكل موادي تتراوح بين ضعيف وضعيف جدا وانا متاكدة من حلي وصلت سنة ثانية بعدين طلعت منها وقفت عن الدراسة بس استمريت اطور لغتي لمدت سنتين وبعدين درست هنا وانا الحين بفضل الله مستوى سادس واغلب موادي بين +a و +c طبعا اللي جيد اللي تكون صعبة مرررررة فلا تخافين توكلي على الله وكملي والدراسة هنا بجامعة الملك فيصل الانتساب المطور نعمة من رب العالمين والحمد لله والشكر على نعمته.

[فضيل]

انتبهي للأدب اذا كان الدكتور النعيمي هو من يدرسه
فاذا تورطتي بهما, فحاولي ان تذاكرين اول بأول من اول الترم ونحن هنا نحاول ان نساعدك

[~Mrs.ENGLI$H~]

القول ما قالت بدويه

لا ازيد

[بدويه]

المشاركة الأصلية كتبت بواسطة فضيل

انتبهي للأدب اذا كان الدكتور النعيمي هو من يدرسه
فاذا تورطتي بهما, فحاولي ان تذاكرين اول بأول من اول الترم ونحن هنا نحاول ان نساعدك

كنك ماطمنتها..

[نغم الانجلش]

انا اقول لاتخافين وبالعكس لاتخلين دكتور واحد يحطمك
وانا اشوف الانجليزي سهل للحين وحلو وانا مستوى سادس

[ـألسآحر]

* تغلق مواضيع الاستفسارات بعد تلقي العضو الاجابة الشافية ولا يسمح بتحويلها ألي حوارات جانبية.

*: http://www.ckfu.org/vb/t89758.html#ixzz1lRFdXOft