ابي رد مستعجله مرة

[رفيف]

السلام عليكم

أخباركم ..؟


أختكم في الله >>>> اللي هي انا >>>> حلفي

ما اختتبرت فقه اسلامي عند خالد الدوغان .. وللحين ما ادري اذا حدد الاختبار او لا ..

ولما راجعت المشرفه تقول هي مالها اي علاقة ... ولما ادق عليه ما يرد!!!


يا جماعه الحين اشلون ادري متى اختباري .. من يفدر يفيدني .. احاف يسوي الامتحان البديل وانا مالي علم

[ولد الهفوف]

السلام عليكم انتي اختبرتي او لا او فاتك الاختبار وااذا تبغيني اروح استفسر عنده بشري دام مافي احد معبرك بشري والله قصدي خير يعلم الله ابغى بس دعواتك لي هاذى يكفي

[رفيف]

المشاركة الأصلية كتبت بواسطة ولد الهفوف

السلام عليكم انتي اختبرتي او لا او فاتك الاختبار وااذا تبغيني اروح استفسر عنده بشري دام مافي احد معبرك بشري والله قصدي خير يعلم الله ابغى بس دعواتك لي هاذى يكفي

عليكم السلام والرحمة ..

مشكور اخوي .. انا الاختبار النصفي فاتني لأن كان جدي متوفي

ولما كلمته قال بينعاد لي ان شاء الله بس ما ادري متى أخاف يفوتني لأن ما اشوف لا اعلان ولا حاجة

والمشرفة ما تدري عن شي !!


اذا مافي كلافة ولا عليك أمر لو تقدر بس تستفسر لي أقرب فرصة ... وجزاك من رب العالمين ان شاء الله ..




عذرا للازعاج

[ملامح هنديه]

ويش ماتدري بشي المشرفه هي لايش قاعده له مو هي حلقه الوصل بينا وبين الدكتور .....

بجد مالها حق كلش...


:o3:

الله يهديها ويصلحها ...

[ولد الهفوف]

مساء الخير يا اختي رفيف عظم الله اجرك انا فكرت بالموضوع قلت لو بروح له وبكلمه بيقولي وش اسمها وش بقولها هاذى الي فكره فيه ومن جد كلام الاخت وش جالست له المشرفه اهي المسؤله لاتخلينها على كيفها علقي لها انتي الي محتاجه لها والجامعه هاذى الي دايم يسوونه كل شي يرمونه على غيرهم مع احترامي لهم اتصلي عليه سامحيني يا اخت رفيف والله كان ودي اساعدك بس والله ما بيدي شي انزين اذا عندك احد من اخوانك خليه يروح له علشان ما ينسى تدرين الدكاتره دايم ينسون بسبب الاشغال اكررررررررررر اسفي والله ودي اساعدك واساعد الي يبغى مني مساعده بس مثل ما تشوفين ما بيدي شي اعتذر منك :

[رفيف]

حصل خير .. بشوف شيصير والله خايفه :s11:

على العموم مشكورين

[ولد الهفوف]

العفو وبالتوفيق انشاء الله الله يكون بعونك تحياتي

[نبض الوفا]

اللي اعرفه انا ان الأختبارات الأعاده أنتهى وقتها

لاتهملين الماده اكثر من كذا روحي راجعي المشرفه

وحاولي تستفسرين منها او كلمي وكيلات الكليه عن اهمال هالمشرفه
وعن عدم رد الدكتور عن الموعد المحدد او كلمي الدكتور نفسه من الشبكه اقرب لك
واذا تستحين تكلمينه من المايك خلي وحده تكلم بدلا منك

[رفيف]

المشاركة الأصلية كتبت بواسطة نبض الوفا

اللي اعرفه انا ان الأختبارات الأعاده أنتهى وقتها

لاتهملين الماده اكثر من كذا روحي راجعي المشرفه

وحاولي تستفسرين منها او كلمي وكيلات الكليه عن اهمال هالمشرفه
وعن عدم رد الدكتور عن الموعد المحدد او كلمي الدكتور نفسه من الشبكه اقرب لك
واذا تستحين تكلمينه من المايك خلي وحده تكلم بدلا منك

هلا اختي .. أنتي متاكدة ان وقت الإعاده انتهى ..؟؟

رحت للمشرفة وكلمتها كذا مرة والله .. والدكتور ما يرد لما ادق تحويلته !! الحين مالي الا انتظر للسبت


انا بلغته الاسبع الماضي اني ما اختبرت قالي تختبري مو مشكلة .. بس ما قال متى ولا شي ..!!