ثقافة مجتمع

[ابونوآآآف]

متى نكوّن ثقافتنا بالشكل الصحيح

ننتظر يطيح الفاس ع الراس,أو ننتظر الغريب يزينها لنا

ليه ما ننهض بأنفسنا ,هل تتوقعون السبب فينا حنا ,او في الظروف اللي حولنا

واذا كان السب حنا ليه ما نثور على انفسنا ,واذا في الظروف اللي حولنا ليه ما نعلن الحرب عليها

سؤال يراودني دائماً ,لأني اشوف حاجات غريبه لا هي من الدين ولا تمشي مع العقل

الى متى نسلم عقولنا للعادات التي جعلتنا مجتمع منغلق ومكبوت على نفسه

لا نفكر الا الناس وش تقول , او ما احد سواها ,او ما خبرناها ,اخاف من المجتمع يطردني

الى هذه الدرجه عطلنا تفكيرنا واصبحنا خايفين حتى من مجتمعنا

المجتمع الذي يعطل تفكيرك لا يستحق ان تسمع كلامه

لا بد هذي المره هو اللي يسمع كلامك حتى تكون سبب انه يساعد الناس في تشغيل ادمغتهم

وحنا في منتدى علمي يتواجد فيه من يطلب ان يتطور الى الأفضل

فرصه تساعدنا على النقاش الهادف

شكراً لكم

[Ameerh..~]

بصرآحه انا اعتقد انو السبب الاول إحنا والسبب الثآني الظروف المحيطه بنا
يعطيك العآفيه على هالمموضوووع

[دموع الورود]

صح لسااانك
الى متى والمجتمع كذا
يعطيك العافيه المتوكل

[ابونوآآآف]

دعوه للمناقشه والتأمل

اشكركم ع اطلاعكم

[Om Shahad]

موضوعك رااائع جدااا

كن كما تريد ولا تكن كما هم يريدونك

من سلم عقله للناس ماجاه الا الصداع والفشل والاحباط والخوف

يعطيك الف عافية على هالموضوع القيم

[فرحة التخرج]

يعطيك العافيه بو نواف1
السبب الاول هو المجتمع !!
لان حتى لو تثقفة انت عايش مع المجتمع
مجتمع متحجر
صاحب عادة وتقاليد ومتمسك فيها للاخر يوم في عمره
والبلا اخر وصيه لما يموت
العادة والتقاليد >> عمي روح موت احسن ما نبي الوصيه
ما فيها الا انك تغير المجمع اللي انت فيه !!
فيه بعض المجتمعات ماشاء الله وربي اني احسده حسد محمود >>
شيبانهم مثقفه >>لبى الشيبان
ماعندهم لا مايصير
عندهم انه حلال ولا حرام يفكرون بربهم
مو حنا نفكر في العادة والتقاليد
وش حصلنا من العادة والتقاليد
خليني ساكته بس
كل هذا وخليني ساكته بس >> حريم هههه

[ابونوآآآف]

^
كل هذا وما علقتي يا ام توته

بس تعليقك اعجبني , واحس ان ودك تنطلقين في الموضوع .

اتمنى انك ترجعين وتكتبين اكثر عن نظرتك ولا تصيرين ساكته

[تشتيتي مركز]

شي متعب نفسيا ..

واذا كنت مختلف فانت علماني او لبرالي .. او منتب طبيعي هل هذا عدل ..

اول شي افهمو تعريف كل فئه قبل لاني اختلف عنكم هذا ما عني اني ضد الاسلام .. حللو مشاعري وتصرفاتي صح .. ومو كل شي تحت نظام حرام ..

الدين واضح .. ومشكلتنا كلن بدا يفتي من راسه ليفرض على نفسه تصرفات .. ومن ثم يفرضها على غيره .. ويسيس الادله من القران والسنه معه .. وانت عليك تطبق وياويلك تسال .. والا تخرج عن المله ..

بعيد عن الدين لان الدين نعرفه ونعرف وش يجب علينا ووش ما يجب ..


الحمدالله في زمننا هذا بدت تصحى الناس وتفكر .. وتحلل .. ليه كذا وليه نسوي كذا وهذا صح وهذا غلط .. لكن لازالت بيننا فئه تحتاج زلزال ثلاثي ابعاد عشان تصحى وتطلع نفسها من معمعه الخزغبلات اللي فايدتها تربيط الفكر وتحنيطه لاجل غير مسمى .. ولا زال بعضنا يعرف الخطا و موافق عليه .. ويفرضه على غيره ..

اوكيه بكيفك انت بحريقه عقد نفسك ووسوس على كيف بس لا توسوس بي معك ..

منها مثلا ..

وحده دقت تخطب ... اختي

طبعا طرحت عدد من الاسئله ..

الاول .. عندكم دش ..
قالت امي ايه عندنا دش قالت ايه الله يهدينا .. تابعو محاضرات ترا باب التوبه مفتوح ..
وراه وش قلنا حنا .. عندنا دش معنته حنا نناظر افلام اباحيه .. الدش فيه الصالح وفيه الطالح .. وكلن وثقافته وكنتروله على نفسه ..

الثاني .. انتم راعين سفرات تطلعون بناتكم برا ..؟؟
يعني وشلون يعني .. اذا القصد من السؤال هل تتغطون اذا سافرتو الحمدالله الستر شي واجب ..
لكن اللي استنتجته ان المقصود ماله داعي تسافر البنت برا يفتح مداركها لامور لاحول ولا قوه الا بالله هل صحيح هالكلام ..

الثالث .. بنتك تلبس عباة على الكتف ..
معها حق تسال ..
كثير في مجتمعنا يرى ان عبايه الكتف غير ساتر .. لانه يوم يحكم حكم على ابشعها من ناحيه التكلف كعبايه للستر .. لكن ما نظر لانواعها من حيث الستر .. المهم مو هذا النقاش ..
الغريب بالموضوع واللي لفت انتباعي من رد الام اللي اتصلت تخطب .. قالت ايه مو مشكله بعدين هو يعجنه على كيفه ويسنعه للحين موجوده هذي النظره ان البنت مجرد عجينه يتم تشكيلها على المزاج .. مو كيان وجد لعيش بالحريه المباحه والمتاحه ..

لسؤال الاخير .. بنتكم بيضا ترا ولدي حلو .. خخخخخ

يالله كلن تخليله .. يمقن حلو يمقن لا ..

وابجي اشوفه .. طيب ليه هي تجي تشوفه .. ليه ما يجي هو نظره شرعيه..
ما احب فكره ان الاهل يجون يشوفون البنت لانهم مهما وصلو تفاصيل هالرجل نفسه له راي ثاني وتفاصيل ثانيه ما توصل الا بالنظر ..

واخر المكالمه وختامها ايه ابسال ولدي ان وافق رجعت لكم ..
ردت امي وانا ابشوف راي البنت ونسال ..
قالت يعني بنتكم تترفض ولدي انتم اللي تعلمونه توافق والا ترفض ..



هذي نبذه بسيطه عن عاداتنا المتاصله .. البعيده كل البعد عن واقع يجيب ان نكون عليه ..


تحيه لك دكتورنا .. وللنقاش بقيه ..

[منذو مبطي]

أمممم .. موضوع شائك جداً

والله يا دكتور موضوعك يبي وقت عشان يكون للمشاركة معنى


لكن بشكل عام .. التقاليد الاجتماعية وإن تهاوى بعضها

قد تكون ذات مردود ايجابي ..

ولا نستطيع أن ننحي جميع تلك التقاليد أو العادات ونوصمها بالسلبية

ولنأخذ مثال :

( وش يقولون الناس )

البعض تعني له أكثر مما يعني له الخوف من الله ..

وهنا وإن كان الوضع بشكل عام خطأ .. إلا أن العرف الاجتماعي أصبح إيجابي في هذه النقطة


الموضوع كما ذكرت لك متشعب

إن كتب الله لي عودة .. فسنبحث نقاط عدة


شكراً لطرح موضوع قيم ..

[ابونوآآآف]

أهلين فيك تشتيتي مركز

تعليقك في محله لأن العقل عندما يرى ان كل ما يفعله صحيح وغير قابل للنقاش

ويرى ما يفعله غيره غلط ولا يقبل فيه ولا يريد من يحاوره ويناقشه بسلبيات وايجابيات فكرته

وهذا ما نسميه بعدم تقبل الاخر

فنبينا نبي الرحمه كان يستوعب جميع الناس وحتى اليهود حينما يتلمس ما يحبون بنية هدايتهم

حتى انه كان يطلب منهم المال ولا يقول هذا يهودي ولا اريد منه خدمه بالعكس يذهب لهم ويدعوهم

حتى انه كان يذهب للفتى اليهودي ويدخل الى بيت اهله وهو على فراش الموت ويقول له قل لا اله الا الله

فبالله عليك من يفعل ذلك في هذا الزمن وهو يهودي ولن ينفع الاسلام بشيء لأنه على فراش الموت

ولكن عند النبي صلى الله عليه وسلم لا يريد نفس تتفلت منه الى النار

وهل يوجد شخص مثل النبي في تحسس مشاكل الناس وهموهم لا ..والف لا

يتفقد الجميع ويفتقد الجميع ويزور ام ايمن كثيراً ويجلس مع النساء ويسمعون حديثه

فالشرع ما حلل الله لا المجتمع والحرام ما حرم الله وليس المجتمع

تحياتي المليئه بالسعاده بسبب مشاركتك