تقديم طلب تأجيل دراسة ؟؟؟

[abeer-y]

السلام عليكم ورحمة الله وبركاته

((بداية تقديم طلبات تأجيل الدراسة للفصل الدراسي الثاني من العام الجامعي 1432/1433 هـ

تاريخ 6 / 2 / 1433 هـ ))

اللي يعرف أي شي عن هالموضوع يفيدني

يعني لازم أدفع الرسوم والا لا اذا اعتذرت عن الدراسة

لأن غريبة اذا بدفع الرسوم وأنا معتذره عن هالترم يعني يبغالي أسجل المواد وأدفع قيمتها مع اني معتذره من قبل ؟؟

واذا لازم أدفع الرسوم هل يطولون حتى يرجعونها لي ؟؟

الله يخليكم أبي شرح وافي

[ام طموحة]

والله ماعندي علم انا كمان استفسر مثلك طيب متى ينتهي الاعتذار لان ولادتي بالامتحانات الجايه ودي ادرس وخايفه وحاله حاله ودي كمان تاجيل مو اعتذار عشان مايخلص رصدي حق الاعتذار مادري هالنظام متاح او لا بجامعتنا ليت احد يفيدنا وكم اقدر اخذ اقل عدد ساعات

[ام طموحة]

اللي اعرفه انك كاتدفعين اذا مقرره انك تعدتذرين من البدايه
بس انتي تاكدي

[abeer-y]

نفس حالتي ولادتي مع الاختبارات بنفس الشهر
طيب وش الفرق بين التأجيل والاعتذار ؟؟

[قلم طموح]

انا كمان نفس الوضع اسبوع الاختبارات موعد ولادتي
لكن اللي متأكدة منه ان التأجيل يبدأ السبت 6 صفر بدون دفع رسوم للترم وتقديم عودة عند الرغبه بذلك لكن الاعتذار يكون بعد انتهاء فترة التأجيل وبدء فترة تسجيل المواد ودفع الرسوم
ايش رأيكم نأجل ولا نسجل اقل عدد ساعات اللي هو 12 ساعة ويوم الاختبار اذا قدرنا نحضر او نغيب ويكون معانا عذر طبي بس اعرف وحدة قالتلي انه اذا غبنا حتى لو معانا عذر يرسبونا وبعدها يختبرونا وبكذا يطيح المعدل فاللي عندها رأي تقول تستفيد من بعض

[قلم طموح]

لقيت شرووط العذر الطبي
يجب أن يكون لديك إجازة رسمية من مستشفى حكومي يفسّر هذا العارض الصحي.

1- ترفع العذر الطبي الرسمي بالاسكانر على الخدمات الطلابية أيقونة (تقديم الأعذار للمتغيبين عن الإختبار بعذر) :

لايتوجب عليك الذهاب في يوم الإختبار وتسليم العذر للمركز الذي تختبر فيه ، بعد إنتهاء الإختبارات يتم تفعيل هذه الأيقونة إن شاء الله تعالى ، تضعها في السكانر وترفعها على ايقونة استقبال أعذار الغياب .


2 - خلال فترة تسجيل المواد للفصل الدراسي القادم بإذن الله تعالى ؛ تدخل على أيقونة (الإستعلام عن أعذار المتغيبين عن الإختبار النهائي بعذر) وهي موجودة على الخدمات الطلابية :

سترى في هذه الأيقونة قرار الجامعة بشأن قبول عذرك أو عدم قبوله (يتم قبول الأعذار الطبية من المستشفيات الحكومية فقط)


3- إذا قبلت الجامعة عذر غيابك في المادة فستنزل لك المادة في سجلك الأكاديمي على البانر بشكل تلقائي دون أن تقوم بتسجيلها :

وجود المادة لك في نظام البانر ونزولها من الجامعة يعني أنك لاتقوم بتسجيلها بنفسك ولاتدفع رسومها ، وإذا أخطأت وقمت بتسجيلها فإنها تُحسب عليك برسوم فآمل الأنتباه لهذا الأمر جيداً .


4- عند قبول عذرك في المادة تقوم بتجميع درجات الأعمال الفصلية لها من جديد ، وتختبرها في موعدها الجديد المكتوب في جدول إختبارات الفصل الدراسي القادم بإذن الله تعالى.


5- إذا غبت عن المادة ذاتها بعد قبول عذرك فيها لايتم قبول أي عذر تأتي به وتعتبر راسب في المادة .


6- تقديرك في المادة التي غبت عنها يظل f أي راسب وتؤثر سلباً في معدلك ، إلا أن هذا التقدير وهذا التأثير السلبي في المعدل يكون مؤقتاً ويتغير حسب درجتك الجديدة التي ستحققها في الإختبار بإذن الله تعالى ، أي أن هذا التقدير ( f ) يتغير ويصبح تقديراً جديداً حسب التقدير الذي ستحرزه في إختبار المادة التي تم قبول عذر غيابك فيها .





بالتوفيق للجميع ...
منقول من طالب جامعي منتسب الله يوفقه

*: http://www.ckfu.org/vb/t274973.html#ixzz1i4PQxC5i

[ام طموحة]

السلام عليكم
الله يسهل علينا الحمل والولاده يارب
انا عن نفسي راح ااجل وريحي راسي طبعا بعد مااستخير ويكفي علي الكرف حق الترم اللي فات
وكل وحده تشوف قدرتها وتستخير
انا من النوع اللي ولادتي ماتتاخر دائما قبل الموعد والله اعلم هالمره عشان كذا ماظمن اختبر اي ماده