رأيك يهمنا !!!!

[Alhayani]

أخواني وأخواتي الطلاب الكرام

السلام عليكم ورحمة الله وبركاته

أتمنى التوفيق للجميع في هذه الأيام وأن تثمر الجهود المبذولة من الجميع بالنجاح والتوفيق ،، جميعنا متواجدين هنا من أجل هدف واحد هو التعليم الذي حرمنا منه لأسباب متعددة وكثيرة ليس هذا مكان حصرها أو مناقشتها ... ولكن بنعمة من الله ثم بفضل جهود المخلصين في هذا البلد وهذه الجامعة أستطعنا الحصول على الفرصة التي حلمنا بها طويلاً ونشكر كل من شارك في هذا الأنجاز ونقدر له ذلك ..... ولكن نحن هنا لنتعلم ونشارك ونجتهد ونضحي ثم ننتظر النتائج ... ولن يأتي كل ذلك من فراغ ، أضافة الى أن هذه الفرصة التي أتيحت لنا لم تكن بالمجان أو منحة أو مكرمة كما تعودنا على هذه المسميات في مجتمعنا .... لهذا فأن ملاحظاتنا على بعض الأختبارات ومراكز الأختبارات والمراقبين لن تؤتي ثمارها بالمشاركة في هذا المنتدى فقط ... الأهم هو أيصال الفكرة والهم والمشكلة الى المسؤول وصانع القرار ثم نعطي فرصة للأستجابة لمطالبنا وأقتراحاتنا ... وأذا كان الرد هو أذن من طين وأذن من عجين !! كما تعودنا في الأيام القليلة الماضية ... فلكم مني البشرى بأن حقوقنا ومطالبنا لن تهمل أو تهمش مادام أننا نهتم وندرك بأنها حقوق ... والقنوات التي تخول لنا الحصول على هذه الحقوق كثيرة ومتعددة .. والأهم من ذلك هو عزيمتكم ووقتكم وجهدكم وتعاونكم معاً لنيل ماتريدون وما أريد وما يريد كل من يشاركنا هذا الطموح ..... من أجل ذلك فأني أرجو منكم أن تشاركوني ملاحظاتكم في أيقونة ملاحظات الطلية حول الأختبار والمتوفرة في بوابة التعليم عن بعد أو عن طريق الرابط التالي

http://www.kfu.edu.sa/AR/DEANS/ELEAR...ages/main.aspx

أهم الملاحظات التي أرجو التركيز عليها ( أذا كنتم توافقون معي في الراي ) :

1- تعبئة بيانات ورقة الأجابة تحتاج من 10 الى 15 دقيقة من ضمن الوقت المخصص للأجابة وهذا حق لنا يجب أن نمارسه بعيدا عن بيروقراطية تعبئة معلومات الطالب
2- مراكز الأختبارات سئية جداً مقارنة بالفصل الدراسي الماضي .. عبارة عن مدارس حكومية تفتقد الى النظافة على أقل تقدير
3- بعض المراقبين للأسف يعتقد أنه يتعامل مع طلبة الصفوف الدنيا ، في نظري يحتاجون الى التأهيل اللازم

أذا كان لديكم أي أقتراح أو مشاركة فلا تحرمونا منها ..... أرجو منكم التعاون في سبيل مصلحتنا جميعاً

أحتـــــــــــرامــــــــــــاتــــــــــي

[Business manage]

كلامك سليم ميه بالميه
بس المشكله انو لما نشكي من حاجه معينه يفكرون كيف يبرئون انفسهم قبل محاولت حل المشكله الي تخص الشكوى

[آسـfـف]

يعطيك العافيه اخي الكريم لكن هذا الموضوع من الافضل انه يكون في موقع الجامعه الرسمي وليس بعيدنا عنه اقصد هنا

ثانيا انا اشوف المدارس الحاليه افضل من المدارس الاهليه لان الترم الماضي كنا نختبر في ساحة المدرسه لصغر حجم المدارس الخاصه وهي لا تكفي لجميع الطلاب الانتساب

وبالنسبه للمراقبيب انا معك يحتاجون الي اعادة تأهيل لا يوجد لديهم اسلوب الحوار مع طلاب الانتساب يضنون انهم طلب المتوسط
شاكر لك اخي الكريم جهودك وفعلا نحتاج الي انشاء مجلس لطلاب التعليم عن بعد

تحياتي لك

اوافق واتطلع للمشاركه فيه

[بندر العسيري]

جيت بطلع اليوم قبل ماينتصف الوقت ووو تخيل جاني المراقب يقول نو وييييييييييي .. وين يبو الشباب اما تطلع قبل نصف الوقت هذي كثر منها !! لابد تراجع اجاباتك ... قلت ياخي انا ترى مو طالب ثانوي ولا متوسط .. انا عارف مصلحتي زين ووراي اشغال الى الليل خلني اطلع .. قال والله مااقدر وهذي تعليمات جامعتكم ومدري اشلون .. يارجال والله متعبين بشكل هالمراقبين الله يصلحهم بس ويعينا عليهم

[Hanoo Abdulaziz]

//


يعطيكـ العـآآآآفيهـ آخووي على المووضوع ..
آممممممم كنت رآآح آفتحهـ بعد الآختبــأأرات ولكن بمــآآآ آنهـ فتحح فـ بعطي رآآيي

انــآآ آوآآفقك بشغلة وحدهـ وهي تعبية البيـــانــــــــــات فقط ....

لأنهــــــــــآآ تحتـــآآج وقت وو نص سااعه من وقت الإختبــار يرووح بالتعبية ..
المفرووووووووووض الآخبتـــأر ساعتين ونص آكيد موو لكل الموآد على الآقل محاسبة .. رياضيات
المواد العلمية اللي تحتاج وقت ..

بالنسبة للمدآآآآآرس ... والله الترم هذا آحسن وو بكثيييييييييييير مدرسة مرررررررهـ رآآئعه
على الآقل الكرآآآسي وو الطااولات سنعه <<< الترم اللي رآآح تعقد كرسي لاصق في الآرض وو طااوله شااطحه فووووق ... حااطيناا مدرسة آبتدآآئي

ووو الحمدالله هالترم مدرسة متووسطه مرررررررررررتبه ..


بالنسبة للمشرفــــــــــــــــــآآآآت ... <<< يالبى قلبهمـ بس هذا اللي آقدررررر آقوووووووووووووولهـ
مرررررررررررررررررررررررررهـ عسل وو يجننوووون وو تعااملهم رآآآآئع كل ماآآ طلبت شي قاالت سمي آن شاء الله آبشررررررررررررررررررري <<<< يالبيه بس الله يحفظهم ..




تقبل مررووري ..
كل الود

[Alhayani]

Business manage

أهلاً بك وبمرورك ... عندك حق التبرير ماهو في جامعتنا وبس في كل مكان وهو شي طبيعي بس تخيل في واحد يبغى له شي من عندك وقاعد لك كل يوم عمال بطال ... ايش بتسوي ؟؟ أكيد بتحاول تتخلص منه أو تعطيه أي شي تفتك منه ،،، للأسف أقولك هذا نظامنا .... أذا سكت ما أحد سأل فيك ،، وأذا تكلمت يكون فيه أمل وهو ( أضعف الأيمان )
شكرا لك

آسـfـف

مرحبا الساع أو بلهجتي المحلية ( مرحباً ألف )
بالنسبة لمنتدى الجامعة الرسمي فأنا أشارك فيه من الفصل الماضي ومن المؤسف أنه أصبح بؤرة لتجمع موظفين الجامعة والمحسوبين عليهم ، حتى أسلوبهم في الرد زي أسلوب المراقبين اللي تشتكي منهم ، وسبب كتابتي الموضوع هنا شي بسيط .. شوف كم فيه طالب في منتدى الجامعة الرسمي وكم عدد المواضيع وقارن هنا بالنسبة لي أعتبر أن هذا المنتدى هو منتدى الجامعة .... هذاك لموظفين العمادة والجامعة ... ( مثال بس ) خذ موضوع اللقاء مع عميد الجامعة اللي كان في الفصل الماضي . باقي مثبت الى الآن وأيش من ديباجة سواها صاحب الموضوع للعميد تقول بيشارك في المنتدى ...... لا وأذكر لك كلمة عجبتني ( دعوه يقرأكم هنا ولنُحسِن الصنعة ) يعني خلك من السلبيات والملاحظات وصورة العميد في كل سطر ، ياشيخ بغيت أرقيه هنا مدير مكتب العميد هههههه وأعطيه بشت كمان ... وايش صار بعدين التفاعل كان بالسالب من الطرفين ولاحياة لمن تنادي .
الهدف من هذا الموضوع هو القيام بالعمل بالطريقة الصحيحة ( هم وضعوا هاذي الأيقونة ) بنشوف الأستجابة ، ماصار شي لكل حادث حديث .
بالنسبة للمراكز أكيد كلامك في محله ، تخيل أنا صاير معاي العكس كنت الفصل الماضي في مدارس السلام وكراسي مريحة ومراقبين محترمين وذوق والفصل هذا كراعيني فوق الطاولة والمدرسة الله بالخير والمراقبين البعض منهم جيد أما الأغلبية للأسف .... وأكثرهم صغار في السن عكس الفصل الماضي .... شكرا لحضورك وبالنسبة للمجلس أتطلع الى تعاونك ومشاركتك

أحتراماتي

[اصايل نجد]

موضوعك حلووو,,,بس ياريت نطااالب بحقوقنا ف الاسئله
لانو اللي صاااير مسخرة نقاارن مع الانتظام وهذ ظلم
والدكاترة يقولون كلام ويثبتون ف الورقه كلام ثاني
مثل العقيده لاتتذاكرون التواريخ واحفظو القرون
ويفجعناااا ف الاسئله بصراحه الوااحد يشك في فهمه
يحس ع شعره لتر زيت من كثر مايشككونه في نفسه
اتمنئ من جميع الطلاب ارسال فاكس او رفع موضوع
بشأأأن المسخررره اللي صايره ف الاسئله
الواحد يدفع م قلبه ويرسب ع كذا بندرس انتساب عادي
ناااهيك عن30 درجه مايعطونك الاوالشيب ف رااسك والضغط مررتفع ونبضات قلبك مش منتظمه واذا استمر الوضع بيجلطونك ويموتونك بكيررر

[Alhayani]

بندر العسيري

مرحبا مليووووون ، دعيت لك اليوم لين تعبت علشان تقنية المعلومات ، تستحق الشكر دائماً يابطل .
أما بالنسبة لموضوع الوقت فأعذرني أخالفك الرأي ، هذا نظام متعارف عليه ومن حقهم يطبقونه .

ماعطيتنا رأيك بمجلس الطلبة ؟ وملاحظاتك على الأختبار ؟ هل شاركت فيها ؟

أحتراماتي

[Alhayani]

night angel

شرفتينا بالمرور فشكراً ، بالنسبة لتعبئة البيانات صدقيني متعبتني نفسياً كمان ، وقت وجهد ومعلومات كثيرة ومن ضمن حقنا في الأختبار ..
بالنسبة للمراكز والمرافبين ... صاير معاي العكس الفصل هذا .... الله يعين ..
ماعطيتنا رأيك بالمجلس ؟


أحتراماتي

[Alhayani]

اصايل نجد

حياك وياهلا ، هاذي الملاحظات لازم توصل لهم ، لازم يعرفونها ... عندك الرابط وأكتبي اللي فخاطرك بس يكون صح لازم نكون واقعيين كمان ... أذا دكتور قال شي وثبت العكس نكون جاهزين بالدليل ... ونطالب بحقنا لين ما نأخذه ...


أحتراماتي