انتهى المستوى الاول ، ملاحظات ونقاشات

[راكان الشمري]

السلام عليكم ، ورحمه الله وبركاته

انهينا المستوى الاول ، ودعواتي الصادقه للجميع بالتوفيق والنجاح


ولكن ابي اطلعكم شوي عن جو الاختبارات ، وعن جو النجاح والرسوب


ابي ملاحظتكم ، ومناقشتكم حول قاعه الامتحانات ، مواعيد الاختبارات ، وتوقيتها

المطالبه بالترم الصيفي للتعويض ،



وبما اني من حائل لي بعض الملاحظات على مقر الاختبارات .......


قاعه الامتحان غير مناسبه جداً ، لا اضاءه ، لا مقاعد مثل الناس


مافيه اي خدمات مثل الماء ، يعني مو قادرين يجيبون احد يوزع ماء على الطلاب ، ساعتين وانا جالس ، مو من المنطق تتركني بدون ماء

القياس ، واختبارات الثانويه يعطونهم ماء ، ويهيئون لهم جو حلو


ليش جامعه كبيره مثل جامعه الملك فيصل مو قادره ، تجيب ماء للطلاب !!!!



خدمات ثانويه ، مثل الشاهي والقهوء ، بنشتري مانبي مجاناً ، بس حطو لنا شي نقدر نجيب منه .

وامور كثيره ،







ابي اسمع منكم ، ملاحظاتكم واقتراحكم ...


>> اتمنى مااطلت عليكم


تحياتي ، ومودتي للجميع

[راكان الشمري]

معقوله

>> مالكم اي ملاحظات

[aziz_ksa]

اضم صوتي لصوتك بصراحه مراكز الاختبارات تجيب الهم وخصوصا بعض المدارس معفنه والطاولات وصخه وكلها بويه وشخاميط هالبزارين

انا اتمنى من ادارة الجامعه تهتم بحالة اماكن الاختبارات والخدمات

[طَمُوح]

عادي اخوي جيب مويتك معاك ولو انت راعي شاي جيب لك كوب شاي من ستاربكس ولا د كيف

الاكواب اللي تمسك الحراره ساعتين ودخله وياك

وكل ماحسيت انك انزنقت اشرب لك شوي هههههههههههههههههه


<<<< واحد جايب العيد ومروووق ع الاخر

انا عندي ملاحظه وحده بس ... ليه يحطوني عند الجدار في الاخير

عقدتي بالثنوي كنت دايم اخر كرسي والحين حطوني عند الجدار يعني يمين طالب وحاط ورقته الجهه الثانيه ويساري جدار كل ماطفشت اطالع بالجدار

ابي واحد دافور جنبي هههههههههههههههههه


بس هذي هي كل ملاحظاتي ض=