أحلى فراولة و بنات الانتساب - تاريخ , مواضيع العربي .. و غيره

[سمــاح]

هلا و غلا أخواتي .. بنات الانتساب ..
العربي يا حبيباتي سهل بس يبي له شوية ترتيب .. لكن أسئلة الدكتور هي المشكلة ..
رغم إنها في الاختبار الأول كانت حليوة بس مو ع البال ..

صدقوني يا بنات .. لا تستهينون في أي نقطة و تقولون لااااااااا ما راح يجيبها .. تأكدوا إنها بتجي ..

المهم ..

بقولكم المواضيع و بشرح بعدها المطلوب .. و تأكدوا إن كل كلمة أقولها صح 100% لأني ما فوت ولا محاضرة إلا الأخيرة لأني كنت مريضة , و لأني متابعة مع الدكاترة كلهم و عارفة مستواي زين ..

و الأشياء اللي ما أقدر أفتيكم فيها راح أقولكم خصوصاً المواضيع العامة اللي لازم ترجعون فيها للكلية ..

نبدأ بسم الله ...

1- الأمثال كله مطلوب و على الأقل تفهمين شروحات الأمثال ..
بالاختبار طلب منا نذكر أمثال مع إنه ما طلب مننا نحفظهم .. عشان كذا أقولكم يجيب شي مو ع البال
2- الجاحظ كذلك معانا كله و افهمي القصص لأنه ممكن بيطلبك تسردين له أحد القصص \\\
3- خطبة الوداع للرسول صلى الله عليه و سلم ..
4- المدائح النبوية لأحمد شوقي
5- إلى القدس لزاهر الألمعي ..

بالنسبة للمدائح و القدس .. مهم جداً شرح الأبيات لأني سألته شخصياً على التلفون بمكتب المناولة و قال راح يجيب شرح أبيات
و سرت إشاعة بإنه فيه حفظ أبيات , أطمنكم ما فيه ..
و قال في أحد المحاضرات : فيه إعــراب . بس ما رجع كرر التنبيه هذا يعني احتمال وارد جداً و أعرب معانا بشكل سريع بس موجودة بالكتاب ..
طبعاً الكلمات ومعانيها إحفظيها أو إفهميها ما قال احفظوها بس عشان تعرفين تشرحين الأبيات ..
فيه أسئلة قال لنا اكتبوها .. و لا كررها و لا حلها أصلاً ..
بموضوع الجاحظ :
1- اشرحي مع الاستدلال على ما تقولين :
- وفر الجاحظ لقصص بخلاءه من الأدوات الكمية التي اتاحت لها البقاء و السيرورة . < السيرورة معناها الانتشار
2- ما خصائص البناء الفني لقصص البخلاء ؟
3- اذكري مظهرين من مظاهر الواقعية بالتفصيل ؟ يعني اختاري 2 من 3
يا واقعية الأداء - واقعية المضمون - واقعية التصوير ..
بموضوع الأمثال :
1- وازني بين الأمثال من جهة و غيره من الفنون الإنسانية الأخرى في حياة الأمم مبينة سبب تفوق الأمثال على غيرها من الفنون ؟
و الإجابة هي الصفحة الأولى رقم 5 اللي هي مقدمة من أمثال العرب فيه موازنة بين الشعر و الامثال ..
2- تعدد مصادر الأمثال في تراثنا العربي أذكريها ؟ أو بصيغة أخرى : منابع أو مناهل تكونت منها الأمثال أذكريها ؟
اللي هي القرآن و الحديث وأقوال الأنبياء و أقوال العوام و أدعية و ماجاء على ألسنة الحيوانات و الامثال المترجمة من شعوب أخرى ......... إلخ ..
3- أذكري ( 5- أو 7 ) من أسماءء الكتب التي خصصها أصحابها لجمع الأمثال العربية ؟
4- مالقيم الجمالية ( أو الأدبية ) التي نستنبطها من الأمثال التالية ........ : و يذكر عدد من الأمثال ..

هذي هي المواضيع اللي درسناها في اللغة العربية مع د.عبدالمجيد الاسداوي الفرقة الأولى/تاريخ
و هي قليلة لأن كل موضوع ياخذ محاضرتين أو ثلاث .. لكنها كثيرة و عميقة في محتواها ..

و دعواتكم لي بصلاتكم ..

و بالنسبة للمواد الثانية إذا حابين تسألوني شخصياً .. اسألوني هنا بهذا الموضوع ..
لأني ما أدخل دردشة التاريخ إلا نادراً ..

[عيوني لك ~]

هلا ريم تقصدين قسم التاريخ؟ والله يجزاك الجنة ويوفقك
فيه اشياء كثيرة ابسألك فيها اعذريني بطول عليك

ابسألك عن مصر الفرعونية واليونان وش سالفتهم وش نركز عليه انتي تحضرين المحاضرات

[سمــاح]

ايه أختي أنا انتظام .. قسم تاريخ ..
اسألي و صدقيني ما راح أتضايق و مطووولة بالي..
مصر الفرعونية كله معانا .. أهم شي تحفظين الملك تابع لأي أسرة و أعماله لازم تحفظينها .. لأنها أكثر شي يلخبط
اليونان : تأكدي إن اليونان أسهل بكثير من الشرق الأدنى ..
اليونان و الشرق الأدنى مافيهم أي حرف محذوف و بالنسبة للتواريخ مو كلها لكن ...
تواريخ المعارك .. هي المهمة ..
لأن الدكتورة ما حددت لنا بس قالت احفظوا اللي تشوفونه مهم .. مثل المعارك ..
لكن تاريخ ولادة ملك أو مفكر مو مطلوب أبداً ..
عندك الأجزاء الأخيرة من اليونان من الباب السابع و اللي بعده مهم جداً جداً ..
لأن أحداثه كثير و الدكتورة كذلك قالت لنا مهم يا بنااااااااااااااااات ..
هذا عموماً .. إذا تبين شي خاص اسألي سؤال معين و أجاوبك عليه ..

[سمــاح]

الشرق الأدنى فيه حذف بس بسوريا .. إذا ما أخذتي الحذف قولي لي أعطيك ..

[nice^-^girl]

ريــــــــــــم الخبر ..تحياتي لك ويجعلها بميزان حساناتك يارب ..والله ماقصرتي لاهنتي ..ومــــــــــــــــوفقه

[الدموع الغزيره]

يعطيك العافيه اختي ريم ومشكوره لتعاونك هذا اكتبي اللي محذوف في الشرق الادنى

[nice^-^girl]

ريـــــــــم أعذريني ..بس نسيت أسألك وشو المحذوف بسوريا؟ واسمحيلـــــــي ..

[الدموع الغزيره]

اختي ريم ممكن تكتبين اي شي عن مواد قسم التاريخ لان نحنا متابعين معك اي جديد تكتبينه لان نحنا مهما سالنا راح يفوتنا اشياء ماندري عنها والله يوفقك ويستر عليك وياليت تقولين لنا ايش المهم في مدخل علم التاريخ لان الدكتور قال لنا ان الاختبار تحدثي وهو صعب مرررررررررررررررررررررررررررررررررررهه اسفه على الاطاله

[miss zooni]

الله يجزاكِ خير ريم الخبر

سمعت انه الباب الثامن والتاسع والعاشر من اليونان محذوف

ياليت احد يفيدني عن هالشي

وبالنسبه لمصر الفرعونيه كيف نذاكرها :s

[nice^-^girl]

هلاmiss zooni
حبيبتي الفصول اللي قلتيهم اذا ماخاب ظني انها قالت لناأساسن محذوفه بالمحاضره الاولى اذا مانيب ناسيه ؟لأني كاتبته عندي بالتوصيف .. أحتمال يكون الأنتساب غير عنهم في المحذوف..ومــــــــوفقه ..