من ينصحني وماانساه بالدعااااء

[نبض الوجود]

السلام عليكم ورحمة الله وبركاته


يعطيكم الف عافيه والله يوفقكم لكل خير ماقصرتو من قبل ومن بعد جزاكم ووالديكم الجنه


بصراحه انا الى الان مافتحت ولا مااااااده ونفسيتي متوتره وتعبانه ورب البيت

سؤالي اللي ذاكر ربي يوفقه ايش المواد الصعبه لاني ابي احذف كم ماده وابي نصيحتكم لاني متأكده ما اقدر الحق ولا شرايكم

وش تنصحوني فيه ربي لايضيع تعبكم ياااااااااااااااااااااارب

[الوادعي]

نصيحه لا تحذفين شي توكلي على الله
وباقي وقت كافي لمذاكره جميع المواد

[الحفراوية]

أختي كلنا ماذاكرنا بس بإذن الله الأسبوع الجاي راح ننزل جدول للمذاكرة
وراح تبدين معانا بإذن الله

[قـف و نـاظـر]

اختي انا بالنسبة للترم ذا .. انا موو مثل الإترام الي راحت انا بشهر 10 كان عندي اجازه 45 يوم ولا جلست بمكان ورجعت داومت 5 ايام وطلعت للحج وانا حالياً بجده منتدب وربي يرجعنا لأهلنا سالمين .. ولا قد فتحت شيء يعني متنح بس ربي بيسرها .. انا فكرة اني احذف مادتين بس عندي مادتين من االترم الثالث وانا ابي اخلص ما ابي اتراكم علي .. نصيحتي لك .. لا تحذفين شيء وابدي من الاسبوع الجاي الحين حلي الواجبات الي نزلت والمحاضرات المباشرة والمسجلة تخلصينها في 3 ايام تقريباً لاني بديت بالخمسة ايام حليت الواجبات بس مايعتبر اني بديت والاسبوع الجاي على خير رتبي لك جدول حق مذاكره واتوقع مثل ماقالت اختي الحفرواية بينزلون جدول مذاكرة ونذاكر مع بعض وربي يوفق جميع الطلاب والطالبات ... يالبيه لو اجيب الجامعة ويقولووون يالله امر ملكي اي واحد مع جامعة نعطيه رتبه ملازم ياووويلي قسم اصير تحفه ههههههه


الله يرزقنا الجنه احس اني طلعت من الموضوع بس طفشان بجده يالبيه يالرياض ...

اخوك/بندر

[للقـ أطمح ــمة]

وعليكم السلام ورحمة الله وبركاته
كل عام وأنت إلى الله أقرب عيدك مبارك وعساك من عواده ...
شوفي يا حبيبه ... ترا كلنا مثل بعض تقريبا ... بس نصيحه مني لا تحذفي شيء ،،، توكلي على الله واستعيني به ... وثقي تماما إن ربي بيفتح عليك وييسر لك أمرك ...كله بس أيام ويخلص العيد ... ضبطي لك جدول وذاكري وثقي تماما إنك ـ بإذن الله ـ راح تخلصي مذاكرة قبل اللإمتحانات ما تبدأ ,, بعدين ترا المواد حلوة وممتعة ،، وأنت خلال هالأيام ابدئي بتنزيل المحاضرات وحل الواجبات (طبعا إذا لقيتي وقت ما في ضيوف )وربي ييسر لك ويوفقك دنيا وأخرة

[نبض الوجود]

صراحه مو عارفه كيف اشكركم مشكورين على نصايحكم ودعواتكم وكل عام وانتو بخير

اوووما قف وناظر باين طفشان وطالعه عيونك ربي ييسرلك ويردك لاهلك سالم غانم بالقريشات لاتنسى العيديه

اصلا المستوى هذا استغفر الله

إلا تعالو وش سالفة هالاعجاب كل شوي جايني اعجاب ترى انا ما احب هالسوالف والله امي تذبحني وتشرب من دمي


ممكن تعلموني كيف ارسل اعجاب برسل لكل اللي بالملتقى <<<هذا اللي امها بتذبحها

[الفهيدية]

اختي العزيزه .. نصيحتي لك ولكل انسانه تطمح للاعلى رغم ظروفنا ان تكتبي
هذه الجمل وتظعيها على كل حائط في منزلكي ..والله والله ستتغير نفسيتك لكثرة قرائتها وانا
اكبر مجرب لهذه النصيحة ... وللعلم هذه نصيحة من دكتور علم نفس ..



((( تفاءل فرغم وجود الشر هناك الخير ،، تفاؤل فرغم وجود المشاكل هناك الحل ،، تفاءلفرغم وجود الفشل هناك النجاح ،، تفاؤل فرغم قسوة الواقع هناك زهرة أمل....))))

اتمنى لكي السعاده والتوفيق ..

[الفهيدية]

نبض لا وصيك يا اختي دعائك لولدي ( تميم ) ربي يشافيه ويعطيه العافيه ..

[ابو خالد998]

لاتحذفين شي كلنا ما قد سوينا شي هونيها وتهون ان شاءالله ولسة بدري ع المذاكرة بس شدي الحيل شوية ومن صار على الدرب وصل تحياتي

[نبض الوجود]

الله يبارك فيكم ويسترعليكم فوق الارض وتحت الارض ويوم العرض يارب ياكريم وكل من قرأ حتى لو العنوان

مشكور يابوخالد ننتظر جدول الحفراويه عساها دوووووم للقمه

الفهيديه الف الف شكر يالغلا
يارب ياشافي يامعافي لايعجزك شي فالارض ولافي السماء مايعجزك سبحانك ان تشفي تميم والدها وترفع عنه كل مرض مايعلمه ومالايعلمه وكل مريض ياقادر ياكريم برحمتك ياارحم الراحمين
اللهم امييييييييييييين