لو اعطوك فر... عذراً تم القطع [ ادخل لتعرف ]

[Hamad Bin Fahad]

السلام عليكم
هلا حبياايبي
كل سنة وانتم طيبين

عمووماً بشكل سريع
لو اعطوك فرصة تقابل الملك عبدالله [ الله يحفظه ] اليوم في مكتبه الخاص ومافيه إلا انت وياهـ وما بقى معاك من الوقت إلا ساعات قليلة عشان تروح له

نبغاك تجاوب لنا عن هالاسئلة التالية :-

1] ايش راح تكون نوع المقابلة
2] تفضل انك تعطيه خطاب جاهز او انت تقول له طلباتك
3] ايش نوع اللبس اللي بتلبسه وهل تلبس معاهـ بشت ولا لا
4] لو مامعاك بشت وانت ملزم انك بتاخذهـ معاك .. ايش راح تسوي ؟
5] ايش نوع العطر المفضل عشان تقابله
6] ايش السيارة اللي بتروح بها لمه .. هل تستاجر سيارة فخمة ام تروح بالسيارة اللي معاك

يالله ياشبااب ويابناات نبي تفااعل
ادري انو الاسئلة كثيرة بس يالله عاد جاوبو عشان خاطري

[L U X U R Y]

ولو أنو السؤال موجّه بشكل " خـآص " لِ الشبآب ,
إلآ آني رآح أشآرك وَ أجآوبك إذآ مآعندك مآنع . . .


1] ايش راح تكون نوع المقابلة

مقابلة بين بنت وَ أَبوهآ بلا شك !
بعيدة جداً عن الرسمية . . . وَ عن المجاملات :)

2] تفضل انك تعطيه خطاب جاهز او انت تقول له طلباتك

أنا ما أفكر أطلب منه شيء شخصي , لأني وَ لله الحمد مانيب محتاجة شيء :)
إذا طلبت , بطلب شيء يتعلق بالمصلحة العامة وَ الكثير يعرفها
مثل زيادة الأماكن الترفيهية بالمملكة وَ غيرها من هالأمور "

3] ايش نوع اللبس اللي بتلبسه وهل تلبس معاهـ بشت ولا لا

لبس راقي وَ جميل يناسبني وَ يناسب ديني :)
وَ أظن أنها عباتي وَ الشيلة "

6] ايش السيارة اللي بتروح بها لمه .. هل تستاجر سيارة فخمة ام تروح بالسيارة اللي معاك

صحيح جميع الأسئلة أضحكتني
لأنك تركّز فيها ع المظهر وَ هالشيء مطلوب ,
لكن مو لدرجة إني أتصنّع كوني بقابل ملك لازم أصير ملك !
لا بالتأكيد راح أقابله بسيارتي فخمة كانت أو من مستوى أدنى ,
ما أظن أنو الملك راح يحتريني عند القصر عشان يشوف سيارتي وش هي
أفضل أكون بشخصيتي الطبيعية بدون ما أتصنع بشكلي أو بأسلوبي كوني بقابل ملك :)

[L U X U R Y]

شاكرة لك الموضوع , وَ تقبل مُروري [ ~
لـآهنت . . .

[Abu ali55]

شكراً لك اخوي على الموضوع وهاذي مشاركتي :

] ايش راح تكون نوع المقابلة
اكيد مقابله اب مع واحد من ابنائه من شباب الوطن ...
2] تفضل انك تعطيه خطاب جاهز او انت تقول له طلباتك
ما عتقد راح يكون فيه خطاب لاكن راح يكون كلامي عن اناس ظهرو في المجتمع كالسرطان ويحاولون يسرطنون المجتمع كامل

3] ايش نوع اللبس اللي بتلبسه وهل تلبس معاهـ بشت ولا لا
لبس عادي ثوب وشماغ وصلى الله وبارك ...
4] لو مامعاك بشت وانت ملزم انك بتاخذهـ معاك .. ايش راح تسوي ؟
موجود البشت ماهنا مشكله ان شاءالله
5] ايش نوع العطر المفضل عشان تقابله
اي عطر موجود عندي ما راح يشكل فارق
6] ايش السيارة اللي بتروح بها لمه .. هل تستاجر سيارة فخمة ام تروح بالسيارة اللي معاك
يمكن اروح بسيكل عشان تجيني سياره هديه اكيد بروح بسيارتي .. استأجر سياره فخمه ليه .. بروح اهايط على الملك مثلاً

واخيراً الله يحفظ لنا ابو متعب ويجعله ذخر ويمده بالصحه والعافيه

[تشتيتي مركز]

الجواب كالتالي ..


1] ايش راح تكون نوع المقابلة

مجرد نظره عن كثب .. (( ابي اشوفه من قريب على الطبيعه ))

2] تفضل انك تعطيه خطاب جاهز او انت تقول له طلباتك
افضل اسلم واسكت واروح .. لاني حسه مال من كثر الطلبات والتضجر والمدح والمدري ايش ..


3] ايش نوع اللبس اللي بتلبسه وهل تلبس معاهـ بشت ولا لا

عبايتي .. بدون اي اضافات ..

4] لو مامعاك بشت وانت ملزم انك بتاخذهـ معاك .. ايش راح تسوي ؟

فيه بشت ابوي


5] ايش نوع العطر المفضل عشان تقابله

ما اعتقد احط عطر تكفي النظافه والاهتمام المعقول بالمظهر للقاء
6] ايش السيارة اللي بتروح بها لمه .. هل تستاجر سيارة فخمة ام تروح بالسيارة اللي معاك

جيبنا


والله يخلي لنا ابونا وملكنا ..


سلمت على الموضوع ..

[Abu ali55]

تشتيتي نسيتي البشت


تفضلي

[تشتيتي مركز]

المشاركة الأصلية كتبت بواسطة Abu ali55

تشتيتي نسيتي البشت


تفضلي

ههههههههههههههههههه والله ميب شينه بس وين يلبس هذا فوق العبايه والا تحت العبايه ..


جابه الله بغيت اخذ بشت ابوي الا دقيقه عاد وشلون اقنعهم اني منيب بويه ..

[~Mrs.ENGLI$H~]

مسكككككككككككككككككككككككككت البشت

مسكت .. والله وصارت وسووا بشت وردي

[ابونواف1]

شوكراً اخوي ع الموضوع وأليك مشاركتي

] ايش راح تكون نوع المقابلة

[COLOR=Blue]ا مقابله اب مع واحد من ابنائه

وراح اضمه بقوه واعطيه بوسات كثيره ع راسه وخده ويده لأني احبه ...

[/B] 2] تفضل انك تعطيه خطاب جاهز او انت تقول له طلباتك

[COLOR=Blue] بقولها له ما دام مافي الا انا وهو...

3] ايش نوع اللبس اللي بتلبسه وهل تلبس معاهـ بشت ولا لا

[COLOR=Blue]طبعاً ثوب جديد وشماغ جديد وبدون بشت

لأني متأكد ما دام الجلسه خاصه ما راح يلبس ابو متعب بشت فصعبه أكون ببشت وهو بدون ...

4] لو مامعاك بشت وانت ملزم انك بتاخذهـ معاك .. ايش راح تسوي ؟
البشت موجود يا مال السلامه

5] ايش نوع العطر المفضل عشان تقابله

العطر الرسمي الشرقي ويفضل ان يكون برائحة دهن العود

[B]6] ايش السيارة اللي بتروح بها لمه .. هل تستاجر سيارة فخمة ام تروح بالسيارة اللي معاك
لو سيارتي وانيت اكيد بغيرها بأي طريقه

بس سيارتي تواجه موديل2011
[COLOR=Blue]
شوكراً صاحب الموضوع وعلى فكره ممكن تقابل ابو متعب

[زيدان9]

اولاً شكرا على الموضوع الغريب والجميل والحساس 3 في 1

لكن مثل ما تفضلت اختنا المشرفة الفاضلة "ترف " ليش كان التركيز على الشكليات الموضوع عن مقابلة ملك وليس مشوار رؤية شرعية او خطبة .


1] ايش راح تكون نوع المقابلة

مقابلة يسودها الود والاحترام تجاه رجل عظيم بمكانه خادم الحرمين الشريفين.

2] تفضل انك تعطيه خطاب جاهز او انت تقول له طلباتك

اكيد ابي اشك المعروض لأن خبرتي في الحياة علمتني ان العلم في الكراس مش في الراس


3] ايش نوع اللبس اللي بتلبسه وهل تلبس معاهـ بشت ولا لا

اكيد آخر اصدار من البدل الرسمية حقت روبيرتو كفالي
وش فيه غيرها ثوب وشماغ واكيد العقال

4] لو مامعاك بشت وانت ملزم انك بتاخذهـ معاك .. ايش راح تسوي ؟

بشت عرسي الى الآن بحاله جيده ويجمل قدام الرياجيل.
ابرك من بشت تشتيتي الوردي

5] ايش نوع العطر المفضل عشان تقابله

دهن عود اكيد والعطر اللي شريته حق العيد " مون بلان "

6] ايش السيارة اللي بتروح بها لمه .. هل تستاجر سيارة فخمة ام تروح بالسيارة اللي معاك


يمكن اتسلف ددسن عراوي قديمه عشان يقول شكله مندق وعطوه فلوس وسيارة جديدة

وهي فرصة عشان ندعي له بالسلامة وبالصحة وبطول العمر والله يجزاه عن الشعب خير الجزاء.