ياليت يفيدني اللي تخصصه لغه انجليزيه

[ســراب]

صباح الخير
عندي سؤال للي تخصصهم لغه انجليزيه
كيف التخصص كل المواد تدرسونها بالغه الانجليزيه؟؟
صعبه دراستها والا
ناويه اغير تخصصي بس متخوفه شوي لأن اللغه بديره وانا بديره
فيه احد دخل التخصص وهو اموره مو كل هاذا باللغه ومشت امورة
حابة اتعلم اللغه بس خايفه تكون صعبه

[غُنٍوجَۃٱبوهآ]

الحين حنا والانجليش ندرس نفس المواد السمستر الاول والثاني وفي ثالث كل واحد يشوف طريقه يعني تبدا مواد التخصص وانتي شوفي نفسك اذا مستواك حلو حولي معهم

[H2O]

هلا فيك سراب
شوفي اذا ناويه على دخول هذا القسم ف التخصص مستوى ثالث اما المستويين الاولى مثل موادك حلو.
نيجي لسهل ولا صعب حسب ميولك وهدفك واجتهادك هذي لغة بصراحة قسم تحدي ورائع لك شخصياً حتى ولو ما توظفتي اذا ناويه توكلي على الله .صعب اذا ما ذاكرتي انصحك لا تفكرين في قسم غيره حتى لو احد واجهك وقال صعب انتي قدها ان شاء الله.
والله يدلك للخير.

[ابو نايف 99]

كــل شي يســهل اذا حبيته..

[ترآنيم الغلآ]

عزيزتي سرآب ..

اذا كآن ميولك للغه الانجليزيه جميل ..

وتأسيسك قوي .. مآرح يصعب عليك ان شاء الله ..

زي ما انتي عارفه ان اول مستويين

المستوى الاول والثاني تقريبآ نفس موآدكم ..

الانجليزي عآم .. آسس القوآعد العآمه .. وقليل من الكتابه والقراءه..

اذا شفتي انك ماشيه في الانجليزي العام وسهل عليك .. رح تتغلبين ع اللي آكثر منه ..

الكلآم مو ع صعوبة المواد الكلام ع ميولك انتي ..

لانك رح تبدعين لو بتدخلين تخصص من ميولك ورح تحبينه ..

بالنسبه لي انا ميولي لغه انجليزيه ولو صعب علي آحب آذآكره واحب صعبوته اذا انجزته ..

المستوى الثالث يحدد كل شي ..

شوفي وش ينآسبك انتي ولاتلتفتي في صعوبة المواد ..

فهناك من هو صعب عليه وهناك من هو سهل عليه .

لذلك لاتأخذي عموم الاجابات ..

بالتوفيق

[سمو الإحساس]

اتفق مع كلام اختي ترانيم الغلا في كل كلامها واحب اضيف لك

قدامك سنة قبل دخولك التخصص بشكل عميق وعندك خلال السنه هذي 3 مواد انجليزي
وفي الفصل الدراسي الثاني راح يكون عندك مادتين انجليزي قراءة وكتابه وهي لتخصص كلية الاداب ومن خلال المادتين تقدرين تقيمين نفسك في اللغة وهل عندك قابلية للتطور او لا .

وتأكدي يااختي انك خلال شهرين او ثلاثة اشهر تستطيعين تحسين مستواك في اللغة الانجليزية بما يتماشى مع متطلبات دراسة التخصص في الجامعه .

بالنسبة لسؤالك عن المواد فمن دخولك للمستوى الثالث تبدأ الدراسة المكثفة للغة الانجليزية بحيث مايقل كل فصل عن 4 مواد تخصص وعندك بعض المواد العربية لابد تاخذيها خلال دراستك وهي متطلبات للتخرج من الجامعة مثل حاضر العالم الاسلامي والحضارة الاسلامية والاخلاق الاسلامية وقواعد البيانات وبعض المواد بامكانك التعرف عليها من خلال هذا الرابط والذي يحتوي على خطة الدراسة في تخص اللغة الانجليزية كاملة :

http://www.4shared.com/document/beTfPHOv/__online.html

دعواتي لك بدوام التوفيق .

[طموح فتاه]

حسب ميولك واجتهادك ,, مافيه ماده سهله ونهمل وننجح فيها ومافيه ماده صعبه مع الجد والاجتهاد ,,

الانجليزي يبغاله تأسيس قوي حتى لو مو تأسيسك قوي تقدرين قدامك سنه كامله ابدأي من الصفر

كلمات +قواعد+كتابه +استماع +تحدث+فهم قادره بأذن الله اذا مهتمه بدراسة الانجليزي ,,

انا الآن مستوى ثالث تخصص الانجليزي عن نفسي مستواي حلو باللغه ماقول ممتاز بس جيدجداً ,, شرح الدكتور للمحاضره كلها بالانجليزي .. عندنا دكتور اجنبي لمادة الاستماع والاستيعاب ,, والدكاتره الثانين في المحاضره احيانا يترجمو الكلمه الجديده ,, ولكن اذا مستواك جيد راح تفهمي لأن بيكون الكلام كله مار عليك وبتكوني عارفه ايش الدكتور يقول ,,

احب اضيف شغله هنا بالمنتدى الطلبه والطالبات متعاونين ملخصات وشروحات ومراجعات تساعدك كثير

والنت مليان دروس وشروحات للانجليزي وعندك قوواميس ومواقع للترجمه اي كلمه موعارفتها ترجميها ,,

الشي اذا صعبناه يسهل واذا سهلناه يسهل

وكل التخصصات الجامعيه محتاجه اجتهاد ..

والخيار لك وبالتوفيق ,,

[طموح فتاه]