محتاره مره

[سهى الحربي]

السلام عليكم
كيف حالكم انشالله طيبين
ياجماعه انا محتاره مره وياليت تفيدوني انا موظفه وطموحي اخذ بكالوريس وعزمت وسويت طلب للجامعه العربيه المفتوحه بس بعدها قالو لي انها مو معتمده بالنسبه للوظائف الحكوميه يعني مايعترفون فيها وبما اني موظفه حكوميه وابي هالشهاده تفيدني بوظيفتي من ناحيه ترسيم ومن ناحيه زياده راتب وطبعا رحت وفكرت بجامعه محمد بن فهد بالدمام وتفاجئت بالرسوم اللي ماينقدر عليها >>تحطمت مره وابي شوركم

[ايميل فاضي]

سهى الحربي

الصراحه ماعندي فكره عن مشكلتكــ

لكن بالتوفيقــ لكــِ

[++c]

بالنسبه للجامعه العربيه المفتوحه معترف فيها في شركات وفي شركات ما تعترف فيها


فالأحسن تسألي الجهه الي تشتغلي فيها اذا تعترف بالجامعه ولا لأ ؟


وبعدين قرري ...


غير كذا تقدري تطوري نفسك بدبلومات حاسب ولغه يمكن تفيدك ..

[ღMs.Kღ]

والله مااقدر افيدك في هالموضوعـ

لانو ما عندي خلفيه عنهـ،،:no2:

[ساهر بالحب]

السلام عليكم

بالنسبة للاعتراف بالجامعة العربية المفتوحة في الشركات للاسف لا املك اي معلومة

لكن ( شركة ارامكو) تعترف باي جامعة معترف بها لدى وزارة التعليم العالي والتي منها الجامعة العربية المفتوحة فقط فرع السعودية

الجامعة العربية المفتوحة جامعة جيدة حيث بامكان الطالب ان يدرس بها عن طريق التعليم عن بعد بالاضافة الى الحضور الحصصي الغير مقيد بالتحضير وتحتاج الى بعض الجهد والوقت والمثابره


لكن الجامعة لا تتميز بمبانيها حيث انها لا تملك حرم جامعي حاليا في الشرقية انما مبان مستأجره في فروعها الاقليمية في الاحساء والدمام

وربما الفرع الرئيسي في الرياض

وهذا موقع وزارة التعليم العالي يوضح الجامعات الاهلية المعترف بها وكذلك الدرجات العلمية
http://www.mohe.gov.sa/Arabic/Educat...s/default.aspx

بالنسبة لجامعة الامير محمد بن فهد

تعطي جو تعليمي ممتاز وتقني في نفس الوقت ولديها حرم جامعي في الخبر وخطتها الجامعية قوية ومن وجهة نظري الشخصية ارى ان الجامعة توفر للفتاة السعودية ما تبحث عنه في مجال الهندسة والادارة وا يضا من خلال الحرم الجامعي المميز لكن تحتاج الى مزيد من الوقت لكي تثبت فعاليتها

الرسوم عالية ولكن بامكانك الاستفادة عن طريق المنح الداخلية من الجامعة بشرط الحصول على معدل عالي

او ربما تستفيدين عن طريق المساعدات المالية التي تقرضها الجامعة للطالب او الطالبه لكن لا اعلم اذا هذا يشمل طلاب او طالبات الدوام الجزئي.
اذا كنت لا تقدرين على الامكانيات المادية فانصحك بالجامعة العربية المفتوحة حيث لا تكلف سوى 40000 ريال في السنوات الاربع الدراسية وحاولي ان تدرسي الموضوع جيدا

اذا كنت في حيرة كبيرة استخيري بالله واعزمي على مواصلة الدراسة حيث ان العلم هو الذي يرفعنا وليس المال

بالتوفيق مع خالص تحياتي

[محمد المدلوح]

بالنسبة الى الدوام الجزئي نعم يشملهم المساعدات المالية (منح وزارة التعليم العالي) لكن بشرط ان يكون منزل ساعات اكثر من 12 علشان يعتبر مثل الطالب العادي النهاري

لكن نصيحة اختي اذا تفكري تدخلي الجامعة اعتمادا على هاذا الموضوع فالافضل انك لا تدخلي لان هذا الموضوع مو شرط تنقبلين فية فتتورطي بعدين بالرسوم

اتمنى لك التوفيق والنجاح دوما.

[سهى الحربي]

السلام عليكم
مرحبا كيفكم ياربي طيبين
مره شكرا على تعاونكم وتفاعلكم معي(طموحه _Ms_ c_ساهر بالحب _محمد المدلوح )
كتبتو لي هالسطور من قلب متعاون تسلم هالانامل
ساهر مره افدتني وريحتني كثير تدري من متى وانا معزمه ؟ من سنوات كثيره خصوصا الدراسه بالنسبه لي جرح وابي اداويه بالدراسه لاني كنت بجامعه الملك فيصل سنتين ونص تخيل ومعدلي كويس خذيت وقف قيد والظروف امنعتي ارجع ويوم عزمت ارجع قالو تغيرت الاوضاع والقوانين صرت بعدها اخذ الدبلومات بالحاسب والتجميل والانجليزي احاول انسى موضوع الدراسه ماقدرت ابد وماخفيك الدراسه شاغله كل تفكيري رغم السنين اللي مرت ورغم اني موظفه حكوميه بمدرسه متوسطه لي اربع سنوات بس امنيتي اكمل اهلي ملو مني من زود ماشافو مني اشكثر متاثره وقبل كم سنه عزمت ادرس ورحت للجامعه العربيه المفتوحه بالاحساء بس يوم رحت تفاجئت يوم قالو لي ماندري للحين من وين اعتمادها تحطمت والحين يوم خويتي قالت لي انها سجلت بالجامعه العربيه وانها معترف فيها من التعيم العالي فرحت وقدمت طلب للجامعه ويوم بحثت ولقيت انها مو معترف فيها بالوظائف الحكوميه تحطمت من جديد ونفسيتي تعبت ويوم اتصلت بجامعه الملك محمد فهد وعرفت الرسوم تحطمت اكثر وجلست افكر وينا وين الدول باي مكان يقدر يدرس وباي عمر للآسف التحطيم جاري ..
اخوي محمد المدلوح بالنسبه للمنح اشون اعرف عنها ؟ يعني انا يوم سئلت قالو ارسوم كل شهر 7000 ؟ يعني بعد المنحه وش تصير وياليت تفيدني بطريقه اني اعرف معلومات عن المنحه ..
وسوري عالاظاله واعذروني ,,,,

[محمد المدلوح]

أختي سهى

بالنسبة الى السؤال الاول اشلون تعرفين عنها

طبعا لما تدرسين في الجامعة راح تسمعين عن عالمواضيع من الطالبات هادا شي طبيعي لكن الجامعة راح تبلغكم بان في تقديم حق المنح ويمكن الجامعة اهيه تقدم عنكم مو شرط التقديم يكون عن طريقكم.

بالنسبة الى السؤال الثاني بعد المنحة كم بتصير الرسوم

طبعا يفترض ان اذا جاتلك منحة المفروض ماتدفعين شي لكن الوزارة محددة المبالغ الي تدفعها سنويا فبذلك يكون في مبلغ تدفعية وفي مبلغ تدفعة الوزارة

للمعلومية الرسوم مش كل شهر 7000 هاذا غلط من الي قالك الرسوم عندنا ثلاث اقساط 7500 بعدين 15000 بعدين 5000

واذا في اي سؤال ان حاضر ان شاء الله.

[ساهر بالحب]

اخت سهى // اذا كان هذا الطموح يشتعل في ذاتك فاعلمي انك ستصلين الى هدفك بإذن الله ليس عليك سوى الصبر والمثابره وابتعدي عن الاوهام والخيالات التي تقف حجر عثرة لمستوى طموحك.

( بخصوص جامعة الملك فيصل ) بسألك // هل سألتي جامعة الملك فيصل اذا فيها انتساب او لا ؟ اذا فيها طالبيهم بالدارسة بنظام الانتساب

( بخصوص جامعة الامير محمد بن فهد):
حاولي دارسة الموضوع من جميع النواحي قبل ان تتورطي في المسألة المالية.

لربما الامور المالية تعيق مشوارك الدارسي فتصابين بخيبة امل مرة اخرى مثلما حدث في لك في جامعة الملك فيصل.

بخصوص الجامعة العربية المفتوحة // الجامعة معتمدة من وزارة التعليم العالي فرع السعودية فقط لكن اول دفعة تخرجت منها الصيف الماضي وتحتاج الى مزيد من الوقت لكي تثبت اعتمادها لدى الوظائف الحكومية ( راح احاول اتأكد من هذا الموضوع)


معلومة اخرى// جامعة الملك عبد العزيز توفر نظام الانتساب للطالبات في بعض التخصصات برسوم رمزرية مقدارها 3000 ريال لكل سمستر وبامكان القبول حتى لـ 10 سنوات سابقة ( يعني يتم قبول الطالبات والطلاب من خريجي سنة 1419هـ) وحاليا تم اغلاق القبول . ولا اعلم متى سيتم افتتاحه مرة اخرى

وهذا الرابط وان شاء الله يفيدك

http://www.kau.edu.sa/admission/MAIN...erv_1_1_2.aspx


تحياتي

[ღMs.Kღ]

جزاك الله خير اخ ساهر ع المساعدهـ،،