الأمن في الجامعة <<<<مشكلة

[واحة الموت]

السلام عليكم ورحمة الله وبركاته

عندي مشكلة ياريت ألقى لها حل

لكوني أدرس في كلية التربية حبيت أطرح المشكله هنا وياريت ألقى تجاوب معي

مشكلتي تكمن في السائق المخصص لتوصيلي للجامعة وأمن الجامعة

أنا لدي سائق خاص يوصلني الجامعة وجنسيته مصري
ولله الحمد أنا مرتاحة معاه كثير في التوصيل وهو معروف كثير بالنسبه لإهلي
وعايلتي واثقة منه كثيير ومرتاحه منه وطبعا يوصل معاه أطفال مدارس وأحيانا ألتقي معهم
وكان العام اللي راح يوصلني الكليه قبل لاأدخل الجامعة وسعره مرة معقول ومناسب لي كطالبة
عموما أنا الترم الأول في الجامعة كان يوصلني سائق سعودي بباص ولكن كان يأخذ مني 300 ريال وأنا كطالبه ماأقدر أدفع 300 حدي 200 بالكثيير 250 وحرام أدفع 300 وأنا عندي أيام أوف طبعا أستمريت ترم واحد مع السعودي وفي يوم من الأيام طلبوا أمن الجامعة عند الخروج إني أستخرج تصريح خروج للسائق الحمدلله طلعت تصريح له لكني في الترم الثاني ماقدرت أتحمل السعودي بسبب السعر قلت لازم أغيره وأرجع للمصري عموما رجعت للمصري وخليته يوصلني الترم الثاني بس المشكله إن الأمن مرة من الأيام طلبوا تصريح وحاولت أستخرج تصريح للسائق المصري بس ماقدرت لأن كان من ضمن شروط إستخراج التصريح موافقة الكفيل وسائقي أتي للسعودية بنفسه هو وعائلته ليشتغل يعني بدون كفيل كذلك من ضمن الشروط ضروري أن يكون مكتوب في الإقامه في خانه المهنه إنه سائق وسائقي يشتغل في محل بالإضافه إلى عمله كسائق لإنه بالمرة فقير فيترزق الله بالسواقه
طبعا الأمن نادرا مايفتشون على البطاقات يعني مرات نطلع عادي وهم عادة يفتشون الساعة 9 أو 10 أو 11 لأن هذا الوقت مو وقت خروج فمن حقهم يفتشون لأن المشاكل كثيييرة الله يستر علينا
ولكن أنا أخرج عند الساعة 12 وفوق فالمفروض مايفتشون لأن هالوقت وقت خروج المهم هالسمستر أخذت مواد الساعة 1 يعني خروجي راح يكون الساعة تقريبا 2 أو 3 طبعا بسبب هالمشكله
تتوقعون الساعة 2 أو3 فيه تفتيش
لأن هذا الوقت وقت خروج والمفروض مافيه
بلييز ساعدوني لحل هالمشكلة والله ودي أكون نظاميه في كل شئ بس شسوي وربي مضطرة
لأن سائقي ماأبي أغيره حرام والله مرتاحه منه وماأعتقد أحصل مثله وأصلا حتى لو لقيت ماأضمن ألقى واحد أمين وثقه وهذا أهم شئ بالنسبه لي ولعايلتي الأمانه والثقة حتى لوكان يتأخر علي مايهمني أهم شئ الأمانه والسعر
ساعدوني أنا مرة خايفه

[D5oon]

السلام عليكم ورحمه الله وبركاته

انا اشوف ان امن الجامعه دايم يفتشوون احسن طبعا 000

انتي خلي الوالد او واحد من الاخوان يجي للجامعه ويقول السالفه هذي كلها وشوف وش يردون عليه

الله يسهل امررك ان شاء الله

[فتوش =)]

مرحبا اختي

أنا بعد رأيي من راي الأخت دخون ..
اذا أنتي ماتبين تغيرين السايق ..
خلي ولي أمرك يتفاهم مع إدارة الأمن والسلآمة يوضح موافقته يمكن يعطونه تصريح أو
ورقة خروج ..
واذا ماوافقوا مالك الا تغيرينه .. احسن مايقفونك يوم من الأيام ويسوون لك سالفة
موفقة

[واحة الموت]

مشكورين على الرد
بس المشكلة إن ولي امري اللي هو والدي مايسوق أبدا
عندي أخوي ودي أخليه يروح يكلمهم بس أخاف يطلبون موافقة والدي
ووالدي مايطلع داايم لأنه مريض والجامعة قسم الرجال كبير لذلك هو مايقدر يمشي يعني يبغالها واحد شباب
بس أخاف مايوافقون على كلام أخوي
عموما انا حاليا عندي ورقة أنا مسويتها وكاتبة فيها أن والدي موافق على هالسائق
وكمان فيها توقيع والدي ورقم اخوي
بس ماأدري عادي
وأنا فكرت حاليا أصبر اللين أشوف الأوضاع وربي يحلها

[مدائن فكر]

الفتاة الملتزمة كان الله في عونكِ يا أخيه !

انتِ بنفسكِ قد ذكرتي انه ومن الشروط الأساسيه حظور كفيل السائق ان كان اجنبياً للموافقه
لا اريد ان اقطع الأمل .. فهو بالله كبير ! ولكني بحق استبعد الموافقه ..

كل ماعليكِ هو حث اخاكِ بالذهاب والتحدث مع المسؤولين وباللِّين تُحل المصاعب ..

دمتِ بحفظ الرحمن دائما وابدا

[واحة الموت]

مشكورين على الرد
وجزاكم خيرا
يارب تنحل مشكلتي

[azziz]

الله يساعدك اختي

[عباب الليل]

الله يساعدك يا أختي

والله العظيم الأمن سالفتهم سالفة

أنا صار لي موقف معاهم

وحلفت ان أي شيء يصير لي وان شاء الله مايصير

اني ما أروح أتعنى لهم

عالعموم الله يوفقك أختي

ويسل دربك ان شاء الله