شـــكـــوووووووووووووووووووووووووووووووووووى

[فوشيه مبرقعة]

:no2:السلام عليكم ورحمة الله وبركاته

سبب زيارتي لكم هي اني حبيت اني اعلق على الرسوم

كما هو متعارف انه رسوم الجامعة هي 45 الف في السنه مقسومه على اثنين يعني كل فصل دراسي يدفع الطالب\الطالبة 22.5 الف

بس صدمت اليوم يوم وصلني خبر زيادة الرسوم مايقارب 10 الاف ريال في السنه يعني 5 الاف كل فصل دراسي منها

2500 الف على التكنولوجيا >>>للاسف من البداية مافتحت الجامعة كانت رسوم التكنولوجيا من المبلغ الا انهم الحين يطالبون فيها برغم ان ادارة الاعمال مايستخدمونها وحتى اللابات الي يكون فيها الدكتور يلقي محاظرته على الطالبات يضطر يستخدم الصبوره العاديه ويترك البروجاكتر عشان يقدرون يشوفون ويتابعون معه بسبب بعد الادواة التكنولوجيا عن مرمى البصر حتى الموقع الجامعي البلاك بورد مايستخدمونه بنات الكلية الادارة.

2500 الف على الكتب>>>مين قال انه الكتب توصل له مبلغ الحد الاقصى الي توصل له عند بنات كلية الادارة هو 600 ريال فقط لمواد الفصل الدراسي الواحد كلها وتوجد كتب اجبوا الجامعة الطالبات على شراها وفي النهاية طلعت مش مطلوبه وفي كتب ثانيه اشتروها البنات وماستخدموها غير مره وحده يعني هي السالفه استغلال وخداع

بعد حبيت اعلق على المواصلات الي هي الباصات للاسف اول فصل دارسي في الجامعه كانت مجانيه فجاة صارت الفصل الثاني 1000 ريال والسنه الثانيه 2000 ريال طيب كل طالبه تدفع هل مبلغ على باص نوافذه تالفه وطول الطريق تهتز وتحس انها اشوي وتفك من مكانها والباص غير مريح تماماً ويهتز بالطالبات كذالك.

بينما الصناديق الجامعيه المتعارف عنها ان التامين يكون اكثر من مبلغ للايجار بس الجامعة طالبة 100 ريال تامين و150 ايجار هل مره كم بتطلب بعد ماغيروا الصناديق

حبيت اوضح ان مبالغ الصناديق الجامعيه والمواصلات كذلك تندفع كل نص سنه مثل كل شي

وش ذنب الطالبات القدامى الي من اول دفعه يدفعون مبالغ اضافيه خاصة وان دكتور انصاري ذكر لهم انه ماعليهم شي من اول دفعه لجامعة لحد التخرج وكل الي مطلوب منهم من رسوم لجامعة غير الصناديق والمواصلات هو مبلغ 45 الف كل سنه لمدة خمس او اربع سنوات من بداية حياتهم الجامعيه ليوم تخرجهم ... كما ذكر على لسان الدكتور في مقابلة مع جريدة اليوم (ليوم الثلاثاء) هي ان الرسوم مراح تزيد ابد بس للاسف اعرفوا اشلون يلعبونها وخلوها 55 الف في السنه اجباريه على الطلاب والطالبات بعد مازادوا 10 الاف لاشي هي من مسئولية الجامعة مش البنات بس وش نقول حسبي الله ونعم الوكيل.

اخيراً التكيف معطل ووالكفتيريا اصغيره وين اللفلوس الي ادفعوها ... مين المسئول عن هل تصرفات وهل طمع.

دمتم بحفظ الرحمن ... في امان الله

واسفه اذا حسيتوا انه كلامي فيه شويت الفاظ خارجه عن قوانين الملتقى.
اخر شي حبيت اعلق على قسم كلية الاعمال

ملاحظة ترا هذا المعلومات كلها موثوق فيها يعني مااخذتها من احد ولا سمعتها كلها حصلت على مسمع ومراى مني

[ورد ..]

عذرا بس السالفه فيها خداع

يعني تجين ويقولو لج دفعه اولى ومدري ايش

وبعدين لمن تدفعين يقولون يلا بعد دفعه لمدري ايش

وكل شوي يطلبون دفعه زياده

عشان تتدبسين وياهم وتصيرين مجبوورة انج تدفعين الباقي وتكملي معهم ..

بس وش نقول ..

لا تعليق

[KKLLKK]

:t1:والله كانت صدمة كبيرة :t1:
حتى الموظفين نفسهم يقولون كثير لو 5 الاف كان قلنا امرنا لله لكن 10 الاف كثير مرة
واحنا ما بنسكت وبنحاول
كل كلامة صحيح الا نقطة الي هي
الـ2500 ريال حق الكتب هذي تنفتح لك حساب بالمبلغ المذكور يعني مثل حساب البنك مو لازم تستخدمة كلة وتبقين الباقي للسيميستر الثاني
يعني اشتري الكتب المهمة وصوري الباقي او خذي حق الدفعات الماضية
تصدقون ان مادة الكومينكيشن 5 كتب و الرايتنق 4 كتب تقريبا مو كانها كثير:mh19:
عموما الله يعين ويعاون
و مشكورة عالموضوع

[*نجمة سهيل*]

زياده مالها داعي لكن انا الاحظ بأن كثرة الطلبه هالسنه خلتهم يطمعون


الله يعين بس وكل كلامك صح يافوشيه وماازيد شي عن اللي ذكرتيه

[Chocolate Cake]

انا بعد معاكم ..

اصلا الموضوع كذا سخيف جداً ..

يعني مو معقوله نسجل معاهم على اساس ان المبلغ 45000 بعدين يقولو لنا المبلغ زاد عشره الاف ومضطرين ندفع ..

المشكله مو بالعشره الاف .. والله لو انها عشره ريال غلط .. المشكله الأسلوب بصراحه بصراحه اكثر من الزفت

واليوم لما قلت لأبوي قال انتوا المفروض تحتجو عليهم .. يعني مثل اللي شاري سياره اقساط وبعدين يجو يقولوا له السياره ارتفع سعرها <<<< تشبيه بليغ هههههههه

والله بجد بجد .. احنا المفروض ما نسكت لهم .. كذا يستغفلونا .. احنا مو لعبه عندهم ..

اصلا ما يقدروا يجبرونا ندفع .. لان احنا اتفاقنا كان على المبلغ الأول ..

ولو صحيح رفعوا الرسوم المفروض ما تشملنا احنا اللي سجلنا ودفعنا لهم القسط الأول ..

وبعدين اذا عالكتب .. وش هالكتب اللي تكلف عشره الاف بالسنه !!!!

لو كتب هندسة وراثيه أو هندسة بترول ما بتكلف عشره الاف ..

طيب انا وحده بشتري الكتب من برا .. ما يقدروا يقولو لي مو موجوده الا عندهم لأن الكتب مو مخصوصه للجامعه بس ..

لو اطلبها من امريكا ما تكلفني حتى 3 او 4 الاف بالسنه ..

والوايرلس ما يكلف شييييي ..

طيب هم بالأول كانو البنات اللي يشتروا الكتب .. ليش غيروا النظام ؟؟ انا متأكده غيروها علشان يكسبوا فلوس اكثر ..

صارت السالفه نهييييب مع احترامي للجميع ..

لااا وفوق هذا كله .. ما بلغونا .. يعني شايفين المبلغ بسيط ما يحتاج يعطونا عليه خبر ويخسروا حق مسجات ..

انا تفاجأت اليوم .. والمفروض ومن باب الأدب والاحترام ان يبلغونا مو كذا نكتشف بالصدفه ..

ولو نجي للمفروض .. المفروض انه ما ندفع الزيادة هذي .. لأن احنا ما لنا دخل احنا مسجلين وخالصين ..

بس وش نقووول .. إذا من اولها كذا !! الله يستر من الجاي ....

[*نجمة سهيل*]

لك يا تشوكليت




خلاص نتفق مع القروب نسوي هجوم عليهم


نسوي مثل هالاخ

[Chocolate Cake]

شوفو الناس بالفيس بوك كلها معترضه ..

لازم نعترض .. ومو بروحنا هنا .. لازم بالجامعه نوصل لهم .. ان احنا مو لعبه عندهم

شنو يعني يلعبوا عليناا ؟؟

[invader911]

هيييييييي والله انا انبط قلبي يوم قالي المحاسب حق الجامعه عن الخبر الفاجع

وفعلا 10 الاف ريال مو بس استغلال وهم بعد مبالغ في المبلغ بغير وجه حق او مبرر

العالم في البداية يالله بلعت سالفة 45 الف الحين وبكل بساطه يقولون بين يوم وليله صارت 55 الف ريال :mh19:

بصراحه الكل رافض اشد الرفض وفيه كذا واحد سحب من الجامعه وحول الدراسه على الخارج يعني اوفر وافضل

واذا هم يبون يبررون والا يقنوعونا بانها في الكتب واللابات والانترنت فالله غني عنهم وعن اللي قالوه يخلونا زي اول و لا نبي لا انترنت ولا شي حتى بوفيه ما نبي احنا جاين ندرس ونتعلم مو جايين نورط اعمارنا ونتساوم على رفع المبلغ والا تنزيله :s12:

والله بصراحه ودنا نوضح رفضنا هذا وانا من ناحيتي راح اكلم اللي ارعفهم كلهم ونكتب خطاب طويل عريض ونكتب اعتراضنا وبعد نبي ينزلون في 45 الف نيهاهاهاها ولازم نتغدى فيهم قبل لا يتعشوا فينا

اليوم بربرة حكي وبكره بربرة فلوس :no2:

من ناحيتي ومن ناحية قسم الطلاب راح اسوي اللي اقدر عليه ولازم كلنا نتظافر ونرسل خطابات الا الدكتور الانصاري عشان هو يوضح للي فوقه وجهة نظرنا وانا رافضين بقوة واكيد كثر الدق يفك اللحام

مشكله اذا كان الطمع سبب ولله راح تنتكس الجامعه فوق حدر لانه راح يكون غرضها مادي قبل ان يكون غرضها علمي يعني راح تنهدم وهي في بدايتها والله حاله

على العموم لازم لازم نوضح وجهتنا باسرع وقت قبل ما ينفذون

[ღMs.Kღ]

يعني الخبر صحيح:s12:



وانا امدح فيها اقولهم مو زي العربيه كل شوي تزيد ع طلابها...من جد بتشوه سمعتها انها ماديه

بس الحين ايش يبيلنا نسوي...نتفق مع مين؟!:mh19:

[فوشيه مبرقعة]

هلا مس كي

بنسبه للاتفاق ان شاء الله بنعطيكي خبر انتي والبنات

على العموم مشكورين على التفاعل

دمتم بحفظ الرحمن...في امان الله