[ شعر ] : طريــق المــــوادع ما يــرجعنـا لشاعر فلاح عشوي العنزي

[مضاوي الشعر]

يسري بنا الليل لنادت مواجعنـا = ويفرح بنا الهم لماتت أمانينا
أغراب والحزن فالغربة يجمّعنـا = أجساد نمشي وتتبعنـا خطاوينـا
كان الأمل في ظلام الوقـت يزرعنـا = لين الليالي تجي باليـاس تجنينـا
كنّا نعلّـم جـروح الوقـت توجعنـا = والحـزن كنـا نناديـه وينادينـا
نكتب : طريـق المـوادع ما يرجعنـا = نقـرأ : طريـق المـوادع ما يودينـا
نبعد عن الهم نلقى الهـم يتبعنـا = من وين نبعد نلاقـي همنـا فينـا
كنّا والحين كنّـا وش بتنفعنـا ؟ = نادى الرحيل وسرق دربه خطاوينا
رحنا ورى الحب لين الحب ضيّعنا = مدري نسينا الزمن وإلا تناسينا !!
الين عشنا بلا صوره ولا معنـى = أرواح تشبه لنـا ظلمـة ليالينـا
واليوم معاد باقي شـي يجمعنـا = إلا الوجع والضياع وحزن ماضينا
علـى كثـر ما حلمنـا ما توقعنـا = ينسى الزمن كيف كنـا يـوم حبينـا
شكراً لإحساسنا اللي كان يخدعنـا = شكراً لوقتٍ خذانـا قبـل يعطينـا
شكراً لعمرٍ تركنـا قبـل يسمعنـا = شكراً لأيامنا اللي جـت توصينـا
شكراً لأحلامنـا اللـي وقفّـت معنـا = شكراً لأحزاننـا شكـراً لأغانينـا
بكت لنا الأرض يـوم إنا توادعنـا = لأن الأرض أحضنتنا يـوم حبينـا

لشاعر فلاح عشوي العنزي
منقوووله

[ريــمــا]

سلمت يمناك

أختيار رائع

دمتي بخير

[مضاوي الشعر]

مشكوررره

[sιlєит ṡσυl]

صح لسانه ولاهنتي ع الاختيار

[مضاوي الشعر]

أحذرك لاتصدقين الزيف ومعسول الشفاه.
بس اطرديطاري المحبه لو على بالك لفا.
الكل يرجي مـصلحه الكل يطلبمبتغاه.
لما وصل للى يبيه انكرالـحـب وجفا