 |
|
||||||
| منتدى كلية العلوم الزراعية و الأغذية منتدى كلية العلوم الزراعية و الأغذية ; مساحة للتعاون و تبادل الخبرات بين طلاب و طالبات كلية العلوم الزراعية و الأغذية و نقل آخر الأخبار و المستجدات . |
 |
|
|
أدوات الموضوع
|
|
#1
2008- 9- 7
|
||||
|
||||
مستجدة وضااااااااااااااايعة ... (( رجااااااءً ساعدوني))
السلام عليكم ورحمة الله وبركاته
يسعد مساكم/صباحكم .... بكل خير ،، يابنااااااااااااااات طلبتكم تساعدوني ... بزعجكم بأسئلتي أنا عارفة لكن غصب عني أنا طالبة مستجدة وماني عارفة شي أبد ضااااااايعة وربي إني تايهه ....بس أبغى معلومات موثوقة منكم .... بجد أنا محتارة وخايفة وداخلة في تجربة جديدة راح تستمر أربع سنوات .... أبغى أأمن مستقبلي ... رجااااااااااااااااءاً تساعدوني بالرد والجواب على أسئلتي الله يوفقكم ... كانت رغبتي طب لكن الخيرة فيما اختاره الله وتم قبولي بكلية الزراعة والأغذية . أنا عارفة اقسام هذي الكلية وعارفة وشو تقدم من مواد لكن السؤال في الجامعة نفسها .. أنا في الدمام وراح انتقل للأحساء على اساس الكلية في الأحساء بس ... يعني أبغى معلومات عن سكن الطابات هناك .. سمعت انه مو زين .. وقلق وهم وكل حاجة صعب الحصول عليها ... صحيح هالكلام ولاكيف ؟؟ طيب كيف نظام الغرف في هذا السكن ... سمعت انو كل طالبتين في غرفة <<<< ( مافيه خصوصية أبد) .. أنا بصراحة أحب الخصوصية وماأحب أحد يشاركني في غرفة خصوصاً إذا جيت أدرس ... وشو تنصحوني فيه أسكن في السكن ولا كيف ؟؟ وهل في سكن يكون غرفة خاصة للطالبة ؟؟حتى لو كان برسوم مومهم عندي أهم حاجة أبغى غرفة لحالي .. وشو السواة .. تكفوووون فرجوا همي ... وين اسكن فيه ... أبغى أعرف معلومات عن السكن بكل شي .. يعني هل في وسائل ترفيه ؟؟ ... كيف يكون الأكل عندهم ؟؟ كيف الخروج من السكن مسموح ولا ؟ والمواصلات أبغى أعرف معلومات عنها ... وأنا مااستغنى عن النت أبداً .. عندهم نت ولا كيف .. وإذا ماعندهم هل مسموح لي أضع شبكة نت خاصة فيني ؟؟ يعني مثل موبايلي كونكت ؟ أو آفاق دي اس أل ؟؟ ..... أبغى أسأل كمان عن موقع السكن قريب من الجامعة ولا يحتاج سيارة ؟؟ طيب هالسكن يظل لي لمدة أربع سنوات ولا يجي يوم ويقولوا الله معك شوفي لك مكان ثاني؟؟ سمعت عن السكن الخاص .. وشو هالسكن؟؟ يعني غرفة خاصة للطالبة برسوم ؟؟؟ ( ياليت ) هذا اللي أبغاه.... طيب كيف اتفاهم معهم على السكن؟ عند مين اروح ومتى؟؟ طيب ابغى اشوف شكل الغرف مسموح ولا ؟؟ كمان عندي مشكلة ثانية ... أنا يوم رحت للأحساء ودخلت الجامعة عند عمادة القبول .. اجروا معي المقابلة والفحص وسلمت أوراقي وكل حاجة وبعدين عطتني ورقة مكتوب فيها تم ترشيحك ... وبس .. يعني كذا خلاص انتهت السالفة ولا في شي ثاني بعد؟؟ يعني الإجراءات خلصت مافيه شي ثاني ؟؟ يعني مااروح للكلية نفسها اللي راح ادرس فيها واعطيهم هالورقة ... ؟؟ ماني عارفة حاجة والحين انا بالدمام وأبغى اعرف المعلومات عشان لو في شي اروح للأحساء بدري قبل لاتبتدي الدراسة ... تخيلوا يابنات اني حتى موقع الكلية نفسها ماني عارفته والله !! ( لا تضحكوااا علي ) .. من وين أروح لها ؟؟ دلوني بروح هناك ماني عارفة شي وماعندي لا صديقة ولا احد .. ومافيه ماما ولا بابا ... وربي اني خايفة مدري وشو اسوي .... طيب يالحلوات قولوا لي ... الحين وشو اسوي؟؟ هل دراسة الطالبات المستجدات راح تبتدي مع بقية الطالبات القديمات ( المغبرات بالجامعة ))!! هههههههههه أمزح معكم لا تزعلووووووون طيب؟ .... كمان عندي سؤال ... كيف الجدول ؟ هل اداوم أول يوم لو ماحطوا الجدول؟ طيب إذا داومت وين اروح بالكلية ؟؟ ... أوووف وشو هالأسئلة تعبتكم صح؟ معليه تحملوني لسه في اسئلة .... بس مو الحين إذا جاوبتوني ... جاوبوني الله يخليكم ... بتبتدي الدراسة وانا لسه ماني مأمنه سكن ولا شي !! ...... ( الله يوفقكم ويريح بالكم أجمعين). 
|
|
2008- 9- 8
|
#2 |
|
أكـاديـمـي
|
رد: مستجدة وضااااااااااااااايعة ... (( رجااااااءً ساعدوني))
مرحبـا أختي
أنا كمان ابي معلومات عن سكن الجامعه الي اعرفه دقيت عليهم استفسر قالوا لي المبنى جديد بس ما اقدر احصل غرف انفراديه انا ما اعرف اذاكر الا بوحدي قال صعب تحصلي او مافيه وفيه اسكان خاصه لطلابات مثل الحمادي ونجمة الرضا يوفروا غرف انفراديه بس الحين خلاص العدد اكتمل انا كنت بروح عند الحمادي بس لما راح اخوي عشان يحجز لي قالوا خلاص الحين مااافيه ونجمة الرضا والله مادري عنه بس اتوقع بعد اكتفى العدد اما عاد الاكل انتي دبري حالك بحالك  اتمنى كمان البنات الي جربوا سكن الجامعه يقولوا لنا فيه غرف انفراديه او لا >>> هذا الي مأزم نفسيتي اخاف ما اعرف اذاكر اذا معاي احد |
|
|
|
2008- 9- 8
|
#3 |
|
أكـاديـمـي ذهـبـي
|
رد: مستجدة وضااااااااااااااايعة ... (( رجااااااءً ساعدوني))
السلام عليكم ورحمة الله وبركاته وعليكم السلام ورحمة الله وبركاته ... كانت رغبتي طب لكن الخيرة فيما اختاره الله وتم قبولي بكلية الزراعة والأغذية . مبروووك قبولك بكليتنا  ... ومثل ما قلتي الخيرة فيما اختاره الله ... :praying:بخصوص أسئلتك عن السكن إعذريني وإن شاء الله بنات السكن يفيدونك أكثر مني ... تخيلوا يابنات اني حتى موقع الكلية نفسها ماني عارفته والله !! ( لا تضحكوااا علي ) .. من وين أروح لها ؟؟ دلوني بروح هناك ماني عارفة شي وماعندي لا صديقة ولا احد .. ومافيه ماما ولا بابا ... وربي اني خايفة مدري وشو اسوي .... يا الغلا الكلية موجوده داخل الجامعة اللي إنتي رحتي فيها ... هل دراسة الطالبات المستجدات راح تبتدي مع بقية الطالبات القديمات ( المغبرات بالجامعة ))!! أكيد راح تبتدي مع بقية الطالبات .... كيف الجدول ؟ هل اداوم أول يوم لو ماحطوا الجدول؟ طيب إذا داومت وين اروح بالكلية ؟؟ ... يا الغلا في إحتمال كبير أن الكلية هي اللي تعطيكم الجداول مثل ما سووا معنا والدفعة اللي قبلنا على ما أعتقد إنتي بس تابعي إعلانات الجامعة أول بأول وأكيد راح ينزلون لكم إعلان ... وأنتو تسجيلكم في شوال يعني تو الناس ...  أختي هدي بالك شوي ... وإن شاء الله بتنحل الأمور ... :praying:
أتمنى إني أقدتك ولو بالقليل .... واعذريني على القصور .... :c8: وإنتي تصفحي المواضيع الموجودة بالقسم يمكن تفيدك بشيء ... :011: |
|
|
|
2008- 9- 9
|
#4 |
|
عضوة في الفريق الإعلاني 
|
رد: مستجدة وضااااااااااااااايعة ... (( رجااااااءً ساعدوني))
مرحبا
الف مبروك قبولك حبيت افيدك بالي اقدر عليه بس ما عندي معلومات عن سكن الجامعة الي من الدولة نفسها بس انا بروح بسكن خاص مع الحمادي وفيه نت بعد والاكل تتصلي ويجوا الك الاكل مع فاتورة وباصات خاصة توديك وتجيبك الكلية وقت الي تبغي ووبعد باص يوديك ويجيبك لبلدك ووبس وهذا كله بسعر على حسب :066: تبغى لوحدك بغرفة او معاك ثنتين او ثلاث وان شاء الله تكوني مبسوطة بالكلية والدراسة :praying: تحيتي ::وديعة:: |
|
|
|
2008- 9- 9
|
#5 |
|
أكـاديـمـي
|
رد: مستجدة وضااااااااااااااايعة ... (( رجااااااءً ساعدوني))
يالوديعة ممكن تعريفينا على اسعار الحمادي؟؟؟؟؟؟
|
|
|
|
2008- 9- 9
|
#6 |
|
أكـاديـمـي
|
رد: مستجدة وضااااااااااااااايعة ... (( رجااااااءً ساعدوني))
مـــــررحبـا بنات
أنا لما رحت أقدم اوراقي بالجامعه .. قالـوا انه مافي سكـــــن وش السالفه يعني انا بالدمام وصعب اجي كل يوم !! هو في سكن طالبات والا لا ؟؟ 
|
|
|
|
2008- 9- 11
|
#7 |
|
عضوة في الفريق الإعلاني
|
رد: مستجدة وضااااااااااااااايعة ... (( رجااااااءً ساعدوني))
الغرفة ثلاث بنات بـ 3800
وثنتين ب 5 الاف ووحدة 8 الاف لنص الترم وفيه بعد من المميزات مشغل نسائي ووبس |
|
|
|
2008- 9- 12
|
#8 |
|
أكـاديـمـي
|
رد: مستجدة وضااااااااااااااايعة ... (( رجااااااءً ساعدوني))
حبيت اقول شي بالنسبة للسكن الجامعي
اللي اعرفه ان اول يوم رحت فيه علشان اقدماوراقي عطونا ورقه فيها تعهدات ومن ضمن التعهدات اللي وقعنا عليها "لايسمح للطالبة مطالبة الجامعه بتوفير سكن" وشكرا::s11: |
|
|
|
2008- 9- 17
|
#9 |
|
أكـاديـمـي
|
رد: مستجدة وضااااااااااااااايعة ... (( رجااااااءً ساعدوني))
مشكورين على الرد ... الله يوفقكم .
|
|
|
|
2008- 9- 22
|
#10 |
|
أكـاديـمـي
|
رد: مستجدة وضااااااااااااااايعة ... (( رجااااااءً ساعدوني))
يا ليت الي يعرف معلومات عن نجمة الرضا يرد علي
فيه نت ولا لا ؟ اقصد دي اس ال |
|
|
|
| مواقع النشر (المفضلة) |
| الكلمات الدلالية (Tags) |
| مستجدة, رجااااااءً, ساعدوني, وضااااااااااااااايعة |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لو سمحتم أنا في أمس الحاجة لكم ؟ ساعدوني | happy lade | منتدى كلية الآداب بالدمام | 2 | 2008- 7- 7 02:56 AM |
| من فضلكم ساعدوني ياطالبات الطب | طالبة جديدة | ملتقى الكليات الصحية بالاحساء | 8 | 2007- 9- 12 03:43 PM |
