بين التفلسف والعشوااائيه ايهم تختار ..

[تشتيتي مركز]

مراحب جميعا ...
لي كم يوم عاكفه على النت .. اتابع مواضيع المنتدى .. ما بين من يتفلسف تفلسف هادف ومن يشجب ويستنكر .. ومن يحط لك عنوان تهاويييييل تجي ما تشوف الدرب .. ماسك راسك .. وبالاخير تلقى السالفه الله بالخير وفيه من يحط موضوع تستفيد منه ومن كل حرف مكتوب فيه ..

صراحه اثرتو قريحتي .. ومن كم يوم احاول اطلع بموضوع يرضي طموحاتي .. بردودكم .. ومنها اشغل مخي قبل ينجلط من انتظار النتايج ..
اول كلمه طرت على بالي كانت (( مخ )) ومو من فراع الا من الزلزال اللي جا مخي من الامتحانات واظنه تسونامي بكبره هز خلاياي الفكريه ... المهم عجزت يركد احس فيه نفاضه للحين ..
فكرت وش السوات وشلون ارجع واعيد تنظيمه والملمه بعد اللي صار .. شكلي ابطلب مساعد اليابانيين مشاءالله ضبطو ديرتهم بيومين .. >> نموذج مثالي عن الاداره الكفؤه..


ثقافه التفلسف بين المزح والجد ..>> وش رايكم بهالعباره ..
تعني لي الكثير صراحه ..
اول شي اللي اعرفه ان الناس ثقافات ... وحنا هنا بمنتدى واحد وكلن يعبر عن نفسه بردوده وتوقيعه .. ومن هنا انا احكم على الناس .. واصيغ اسلوب ردي عليهم ..
طيب بالنسبه للجامعه كيف تعرف ثقفاتنا وفروقاتنا الفرديه .. اذا كان الاختبار اختياري الله يديمه .. والنقاشات لطش يا من ملزمه يا من منتدى برضوو الله يديمه .... والواجب طب وتنقى ولك ثلاث محاولات وبرضوو الله يديمه ولا يغير علينا ..
ثلاثين درجه بجيبك بس انت تابع اول باول مو اخر لحظه وتقول بلاك بوردوهم خربان بعذره جاه فيضان انكبيتووو مره وحده لو هو نيوتن مخترع هالنظام كان جاه اللي جا نظامنا ..
نرجع لسابق ذي بدء .. يعني كل شي سهالات وعلى قول حنفي ذي الدنيا سههههله خاللللص .. وما فيه شي يجي ببلاش وما تجتمع دراسه ووناسه سهله صح بس يبيله ((مخ )) <<
بس السؤال اللي يطرح نفسه لما نتخرج .. بنقدر نعبرر عن اللي درسناه بلسان طلق .. والا بنصير زي اللي شارري شهادته وقرا له كم كتاب عن قولت ..

نصيحتي دامنا باول الترم .. خل نعزز ثقافتنا عشان تصير امورنا صح .. ونثبت وجودنا مستقبلا ..

لان الدنيا ما تسوى بلا تفلسف .. والتفلسف ما ينتج عن ثقافه ضحله ..

موضوع هادف بلا هدف .. على حبتين تفلسف

ودمتم سالمين

[منذو مبطي]

حجز مقعد في مقدمة الركب ..

لأن الموضوع حواري .. وشكل القريحة عندي تبي تروج


الله يعينكم على الفلسفة الزائدة

[تشتيتي مركز]

المشاركة الأصلية كتبت بواسطة منذو مبطي

حجز مقعد في مقدمة الركب ..

لأن الموضوع حواري .. وشكل القريحة عندي تبي تروج


الله يعينكم على الفلسفة الزائدة

قل كل اللي بخاطرك لا يردك الا كيبوردوك .. الحبر ببلاش والورق ببلاش .. بس انتبه للحروف لا ينمسحن من الحماس ..

يسعدني مرورك

[منذو مبطي]

المشاركة الأصلية كتبت بواسطة تشتيتي مركز

لي كم يوم عاكفه على النت .. اتابع مواضيع المنتدى .. ما بين من
يتفلسف تفلسف هادف
ومن يشجب ويستنكر ..
ومن يحط لك عنوان تهاويييييل تجي ما تشوف الدرب .. ماسك راسك .. وبالاخير تلقى السالفه الله بالخير
وفيه من يحط موضوع تستفيد منه ومن كل حرف مكتوب فيه ..

أما كثر الهرج .. دوريه عندي بعض المرات هههههههه

المشاركة الأصلية كتبت بواسطة تشتيتي مركز

صراحه اثرتو قريحتي .. ومن كم يوم احاول اطلع بموضوع يرضي طموحاتي .. بردودكم .. ومنها اشغل مخي قبل ينجلط من انتظار النتايج ..

طيب لو ما ردينا عليك .. وش تبين تسوين بقريحتك ؟؟!!!

المشاركة الأصلية كتبت بواسطة تشتيتي مركز

ثقافه التفلسف بين المزح والجد ..>> وش رايكم بهالعباره ..
تعني لي الكثير صراحه ..
اول شي اللي اعرفه ان الناس ثقافات ... وحنا هنا بمنتدى واحد وكلن يعبر عن نفسه بردوده وتوقيعه ..
ومن هنا انا احكم على الناس .. واصيغ اسلوب ردي عليه ..

والله قوية هالعبارة .. وشلو جبتيه بس ههههههه


كلامك منطقي .. فالأمر هنا متباين ويجمع مختلف الشخصيات

ويكون الشخص محظوظاً لو عرف أسلوب أو شخصية شخص

لأن متابعة الجميع هنا صعبة لكثر العدد ..

المشاركة الأصلية كتبت بواسطة تشتيتي مركز

طيب بالنسبه للجامعه كيف تعرف ثقفاتنا وفروقاتنا الفرديه ..
اذا كان الاختبار اختياري الله يديمه ..
والنقاشات لطش يا من ملزمه يا من نتدى بضروو الله يديمه ....
والواجب طب وتنقى ولك ثلاث محاولات وبرضوو الله يديمه ولا يغير علينا ..

ثلاثين درجه بجيبك بس انت تابع اول باول مو اخر لحظه وتقول بلاك بوردوهم خربان
بعذره جاه فيضان انكبيتووو مره وحده لو هو نيوتن مخترع هالنظام كان جاه اللي جانظامنا ..

أقول .. شكلك تبين تضربينا عين

الله يديم علينا وعليك النعمة .. وهم كرماء وحنا نستاهل

بعدين مع الأسف .. مع كل هذا الدعم نجد التهاون في التحصيل << شي يبط التسبد

المشاركة الأصلية كتبت بواسطة تشتيتي مركز

نرجع لسابق ذي بدء ..
يعني كل شي سهالات وعلى قول حنفي ذي الدنيا سههههله خاللللص .. وما فيه شي يجي ببلاش وما تجتمع دراسه ووناسه سهله صح بس يبيله ((مخ )) <<

بس السؤال اللي يطرح نفسه لما نتخرج ..
بنقدر نعبرر عن اللي درسناه بلسان طلق ..
والا بنصير زي اللي شارري شهادته وقرا له كم كتاب عن قولت ..

آه .. هذا الموت

وكأنك يا أبو زيد ما غزيت


هذا يتوقف على الشخص نفسه واهتماماته للتحصيل المعرفي بقدر كبير يفي ويزيد عن حاجة النجاح

أتمنى أن يعي الجميع هذه النقطة .. والتي يستوجب معها الاستعداد المبكر وشد المئزر



نكمل في الحلقة القادمة بإذن الله .......

[منذو مبطي]

تمنيت لو كان هناك خيار إضافي

أطلع على الكثير ( بدل كل شي ) وأرد على ما يهمني

مجرد رأي ..

[أبو راكان.]

شوفي سلمك الله


موضوعك رائع وحلو وذو شجون

لكن سلّمك الله يحتاج شوي روقان مع حبتين تركيز



لي عودة بإذن الله

[tamoha]

عليك نووور

اكيد بنكون مثقفين لو طبقنا كل اللي ندرسه موشرط يكون عندي منشأه عشان اطبق
مايحتاج نقدر ندبر اموور الراتب لجل ما يرووح في الهوى مثل كل مره
انا بالنسبه لي استفدت كثير وعرفت اشياء كثيره
اهم شيء المعلومات هذي ما تننسى

[معشي الجن]

والموضوع الحد زاتو حلو وانا اييد اللي تقولونه واما الفلسفه فانا احبها واعشقها اطبقها على الحياة اليوميه

[ẤĽSЙΪфRẪΉ]

تشتيتي تعجبيني يابنت وربي احبتس واحب سوالفتس وقريحتس

وهـ فديتك انا

بالنسبه لدراستنا تدرين من أول مادخلت القسم وانا اطبق الي ادرسه وحيييييييل والله استفدت من الي ادرسه ..
وأكثر ماده عجبتني هي مبادئ الأداره مش الماده بكثر ماعجبني شرح دكتور الماده مثقف حيييل وشرحه رووعه يمزج بين المحتوى وأشياء تخليك تطلعين من المحاضره بقيمه ثقافيه والي ربطني بشرح الدكتور ثقافته الفرنسيه عشقي العشوق ..

فاالي بقوله لك الواحد إذا يبي هالدراسه عشان الشهاده بيحصلها ..
وإذا يبيها عشان الشهاده والثقافه برضو بيحصلها ..
وكلها بأيدينه .. والي يبيه يختاره ..

وبالنسبه للتصوت الصراحه ماصوتت لنو مالقيت الي يناسبني من الخيارت
يعني انا شخصياً ماأدخل الصراحه كل موضوع ..
أدخل فقط الي فيها استفسارات ومحتاج مساعده ..
او شي خااص بالماده العليمه وفيه فايده ..
يعني على حسب العنوان للموضوع ..
وبالنسبه إذا دخلت لابد اني ارد ..
بس أحيان اكل مطبات ادخل الموضوع واحصل الي فيه غير العنوان وأطلع من غير ماأرد ..
وبث غلاتي ..

شاكره لتس موضوعتس مررره يهبل مثلك

[WALEID]

موضوعك جميل وشيق وفي الصميم وفي وقته أيضاً
واريد ان اسئل عدة اسئله

سـ 1 : هل عندما يطرح موضوع يحق للاعضاء النقاش فيه ام انهو ممنوع النقاش والانتقاد وهل يعتبر الانتقاد والنقاش في الموضوع إهانه لصاحب الموضوع ؟

سـ 2 : هل الثقافه مقتصره على الرد بالشكر وطرقه المختلفه ام ان هناك ثقافه اسمها الانتقاد والتصحيح ؟

سوفا ترا انواع الإجابات على هذي الاسئله بانواع الثقافات وانواع الحضارات
قد تستخدم كلمات ثقافيه من قبل اناس غير مثقفين
وقد تجد من يفهم الردود والمنتدى والانترنت بمفهوم خاطاء وذلك باعتقاده ان لا احد يراه ولا احد يعرفه وتراه يطرح الردود والمواضيع والكلمات الغير لأقه وتتكلم مع اناس بصفتهم اناس ذو ثقافه عاليه وتتفاجاء بجهلهم ورجعيتهم الشديده
نحن نعكس ثقافاتنا للعالم ونحن نعيش داخل مجتمع عالمي انتهاء العصر المضلم الذي يمنع التواصل بين الشعوب والجنسيات والاجناس انتهت العنصريه نحن في حصر الحضاره الثقافيه الحضاره الداخليه وليست الحاضره المضهريه فقط فعندما تجد الردود المشينه تنصدم عندما تعرف انها من قبل ناس يعكسون لك بمضهرهم انهم مثقين ولاكن عندما تتعمق في داخلهم لا تجد اي ثقافه

المنتدى مكان لنقاش وتصحيح المعلومات والاستفاده والفائده وهوا مكان أيضاً للحريه وطرح المواضيع الهادفه والاستفسارات