فهمت الرياضيات كذا

[ابو عزام]

السلام عليكم ورحمة الله وبركاته
اخواني واخواتي

السلام عليكم ورحمة الله وبركاته

حبيت اعلمك حسب علمي وانتم اعلم مني

انا لاحظت كما تعلمون ان الدكتور بالترم الماضي مخلي المتواليه اربع اسئله


المتواليه نوعين حسب علمي عدديه وهندسيه


هندسيه اللي تجي كذا 2 و 6 و 18 .....

وعدديه تجي كذا 2 و 5 و 8 ......

كيف نفرق بينهم ؟

العدديه الاخلاف بين الارقام ثابت

والهندسيه الاختلاف بين الارقام متغير


طبعا انا بقولها بدون قانون وبدون اي فلسفه

نبداء كيف يجي السؤال وكيف طريقة حله؟

متوالية 2 و 5 و 8 .....

نجي من العدد الاخير اللي هو 8
ونطرح منه العدد اللي قبله اللي هو 5
يعني 8-5= 3
اوكي
ونسوي مره ثانيه
العدد 5 نطرح منه العدد 2
5-2= 3
الحين عرفنا انها متواليه عدديه لان المتغير ثابت اللي
هو 3 ويسمى اساس المتواليه ويرمز له بالحرف( د )
يقولك ماهو الحد الاول للمتواليه ؟
على طول الجواب 2 لانه اول رقم
الحد الثاني 5
الحد الثالث 8
الحد الرابع ماهو مكتوب نقول 8+3= 11
الحد الخامس نقول 11+ 3 = 14
والحد السادس 14+ 3 = 17
رقم 3 هو المتغير بالمتواليه العدديه المذكوره بعاليه
نزوده على العدد حتى نصل الى الحد المطلوب
طبعا الرموز موجوده بالمحتوى واعتقد ماراح يجيبها

.................................................. ...........................
الحين نشرح المتواليه الهندسيه
مثال
2 و 6 و 18 ......
كيف نعرف انها هندسيه
نطرح
18 - 6= 12
6 - 2 = 4
يعني ماصار المتغير ثابت
وكذا نقول انها هندسيه
الحين نسوي قسمه
نقسم العدد الاخير على العدد اللي قبله
18 / 6 = 3
6 / 2 = 3
الحين صار اساس المتواليه هو الرقم 3
ونرمز له بالرمز ( ر) لانها هندسيه
طبعا الحد الاول 2
الحد الثاني 6
الحد الثالث 18
الحد الرابع 18* 3 = 54
الحد الخامس54 * 3 = 162
حتى تصل الحد المطلوب ؟؟
وهكذا


رمز اساس المتواليه العدديه هو ( د )
رمز اساس المتواليه الهندسيه هو ( ر)

طبعا الكلام اللي قلته له قانون واضح بس انا اختصرت وحلي كذا صح بدون قانون


ان اصبت فمن الله وان اخطاءت فمن نفسي والشيطان

تحياتي لكم

[نادر العنزي]

يعطيك العافيه ما قصرت

شرحك وافي يالغالي

فالك a+

[الطرف الخجول~]

اوما عندنا متواليه هندسيه <<

مامرت علي

وربي بس حسبتها متواليه عدديه بس

مشكور خيووو

[abo khaled]

كلام كبييييييييييييييير يا استاذ

وازيدك من الشعر بيت على قولتنا يالشعار فيه نقطه ماذكرتها الي هي

المتواليه الهندسيه تضرب العدد في المتغير مثال:

2 و 6 و 18 كيف الطريقه؟

2 ضرب 3 طلعت 6
6 ضرب 3 طلعت 18
وهكذا نضرب العدد في المتغير الي هو 3

واتمنى شرحي واضح حسب فهمي

[ابو عزام]

حبايبي انتي هل الاوله
بس انا حبيت اشاركم
نادر العنزي
الطرف الخجول
اشكر مروركم
واخوي ابو خالد كلامك صح بس لازم تطلع المتغير اول شي
عشان تعرف تطلع الحد المطلوب سواء الخامس لو السادس
تحياتي لكم

[ميرامار]

طيب فيه لها طريقه حل بالاله الحاسبه ولا؟

[اهم واحد]

يعطيك العافيه على هالشرح الوافي بالتووووووفيق

[زيدان9]

قسم بالله انت

يا شيخ شرحك ولا قصيدة شعرية باعذب الابيات

[بحر الخواطر]

شاعر رايق انت والله ذا المعلومات بالنسبه لي تستاهل التقييم وربي الله يعافيك فرجتلي كربتي مع المتواليات الله ييسر لك وفالك الفل مااااارك يارب

[مشاعل محمد]

موفقيـــــــــــن