اسئلة ممكن الاجابة عليها ؟؟

[نـــدى]

بسم الله الرحمن الرحيم ...

السلام عليكم ورحمة الله وبركاته ...

1- طلاب وطالبات كلية الطب كم مكافاتهم ؟؟ وهل كما سمعنا ان تكلفة الكتاب تصل احيانا الى 500 ربال !!

2- في سنة الامتياز كم يستلم طلاب وطالبات كلية الطب .... لان سمعنا 10 الاق ريال .. وناس يقولوا خفضوها الى 6 الاف ريال ( مامدى صحة هالكلام ) ؟؟

3- عادة خريج كلية الطب اذا اتوظف في المستشفى كم يكون راتبة هل يصل من اول سنة الى 16 الف ريال ؟

4- وهالايام اشوف الطلاب والطالبات هابين على Cpc في شنو يعني هي احسن من الطب .؟؟؟ هل من حيث المستقبل او من حيث الرواتب في التوظيف ..؟؟

ارجو الاجابة

[Dr.7amad]

وعليكم السلام ورحمة الله ..

بالنسبة للسؤال الأول

1- طلاب كلية الطب ياخذون مكافاة الجامعه العاديه
اللي هي 1000 ريال وناقص منها 10 لصندوق الطالب = 990 ريآل !

2- في سنة الامتياز واللي هي السنه السآبعه .. يستلم الدكتور حاليآ 6 آلاف ..
كآنت قبل كم سنه 10 آلاف وخفضوها إلى 6 :( ..

3- ممكن يوصل 16 على حسب علمي للطب العام .. وبعد التخصص فوق العشرين بالراحه ..

4- الـ cpc هي بعثات تسويها أرامكو للطلبة المتفوقين .. مستقبلها الوظيفي مضمون في أرمكوا ورواتبها قوية .. وأغلب تخصصاتها هندسه .. بس لازم البنت تطلع تدرس برا .. ومانقدر نقول الطب احسن ولا الـ cpc احسن .. كل مجال غير وعلى حسب التخصص وكذا

أتمنى أكون أفدتك أختي ..

[نـــدى]

طيب من حيث الرواتب ... من الافضل ... cpc او الطب ؟؟؟

يعني انا واحد من اهلي يشتغل في ارامكو .. يعني من سنين اجدادنا ايام ارامكو عادي حتى تاخذ خريح المتوسط والحين راتبه 35 الف ريال .. وماشاء الله عليه راهي بيت من احلى البيوت ومزرعتين كل وحدة تقول الزود عندي .. ؟

وواحد ثاني من اهلي دارس طب .. مايقارب ال 10 سنين واحس حالته المادية عادية ..

فانا مستغربة الى هالدرجة البترول وارامكو رواتبهم حيل حيل عالية ؟؟

[Dr.7amad]

قلتلك متقاربين .. يعني دكتور تخصصه دقيق ومهندس تخصصه عادي

.. الدكتور بيكون افضل ..


بس لو cpc بس تخصص نادر ..

ودكتور بس طبيب عام بدون تخصص .. اكيد الـ cpc .. وهكذآ

[Dr.7amad]

مالحقت على تعديل الرد سوري ..

انا عمي الاكبر بترول .. والوالد طب تخصص أطفال

عمي هو الاكبر ..

بس مع كذا المستوى متقآرب مع الأفضليه للوالد(الدكتور) وراتبه أقوى بشوي ..

على حسب المستشفى وعلى حسب الشركه اللي تشتغل فيها ..

مافيه رواتب محدده لكل وظيفه ..

[نـــدى]

آسفة دكتورنا ... بزعجك معاي


يعني مثلا تقدر تقول Cpc افضل من دراسة الطب العام دون تخصص؟



سؤال ثاني ..

نقدر السنة الجاية نسجل بعثاث طب وعادي ننقبل علما اننا لسنا خريجين نفس السنة ؟؟؟


مشكور سلفا

[Dr.7amad]

ههههههههههه انا مو دكتور ولا شي انا توني مقبول هالسنه وبالدف :P

الـ cpc من ناحية الرواتب ايه .. بس شغلها مو لعب ..

كرف وتنقلات لاي منطقة حتى وسط البر بالنسبه للاولاد

مدري البنات وش وضعهم مااتوقع ينقّلونهم اي مكان ..


بالنسبة للبعثات (برنامج خادم الحرمين)

ايه ماعندك مشكله تسجلين السنه الجايه وتنقبلين ان شاء الله :) ..

[نـــدى]

ان شاء الله بتكون دكتور قد الدنيا ..

طيب يعني لو درسنا سنة اهني في جامعة فيصل اقدر السنة الجاية اقدم على البعثاث وتتوقع يكون قبولي كم بالمية ؟؟؟


سؤالي فضولي اشوي :

يعني انت لو انقبلت في Cpc والطب وش راح كان تختار ؟؟

آسفة على كثرة الاسئلة

[Dr.7amad]

المشاركة الأصلية كتبت بواسطة نـــدى

ان شاء الله بتكون دكتور قد الدنيا ..

طيب يعني لو درسنا سنة اهني في جامعة فيصل اقدر السنة الجاية اقدم على البعثاث وتتوقع يكون قبولي كم بالمية ؟؟؟


سؤالي فضولي اشوي :

يعني انت لو انقبلت في Cpc والطب وش راح كان تختار ؟؟

آسفة على كثرة الاسئلة

لا عآدي خذي راحتك اسالي اللي تبين اختي :)


للأسف انا ماعرف درجآتك عشآن

أحكم على نسبة قبولك .. على فكرة التحصيلي لازم فوق الـ 77 !

..

و الصراحه كان عندي فرصه ادخلهم كلهم ..

بس اخترت الطب لاني احبه اكثر !

[اورجوان]

أختي الكريمة

لكل مجال صعوباته

و كلا الـ cpc و الطب صعب

و اذا كان اهتمامك هو الناحية المادية فارامكو تدفع الاكثر كما اسمع

و من ناحية أخرى جمع المال هو بيد الشخص نفسه يعني البعض يشتغل في ارامكو و عليه ديون وش كثرها و ناس العكس على قد حالهم لكن يا سبحان الله ما عندهم ديون ولا شي

يعني الحكمة تكمن في عقل الانسان و طريقة تفكيره



و انا اسمع ان المشاغل النسائية تحصل 50 ألف في الشهر من العرايس في موسم الاعراس احيانا بمعنى , لكل مجال نصيب في التحصيل و طريقة خاصه في تجميع المال

يعني انتي بداية لابد تفكرين

انا الى اي ناحية اميل

الى عمل انساني

الى ناحية مادية

الى مستقبل مشرق

الى منصب

و على هذا الاساس

تحددين انتي شنو تبقين و شنو تحسينه الافضل بالنسبة لك و لشخصيتك



لكل انسان وجهة نظر

يعني مثلا واحد من زجهة نظره cpc أفضل من الطب

وواحد ثاني يقول ان العكس افضل

فحددي وجهة نظرك حسب الافضل و الانسب لك

موفقه عزيزتي

عذرا للإطالة