نيوهورايزن للنصب والاحتيال

[Genius Girl]

السلام عليكم ورحمة الله وبركاته

أخواني / أخواتي الأعزاء:

قصتي تتلخص في أنني التحقت بمعهد نيوهورايزن للنصب والاحتيال الذي مقره الاحساء عام 2004 دورة ست شهور برمجة واخذوا مني مقابلها 5000ريال قبل أن أبدأ دراستي , ووعدوني بدراسة شهر لغة انجليزية بالاضافة الى محادثات,لكن للأسف سرعان مانقضوا العهود والمواثيق استلموا الفلوس , ولاسمعنا للبرمجة صوت , بداية الامر درست تطبيقات الحاسب وبعدها جلست انتظر دورة البرمجة , كل مرة اتصل عليهم يقولون مابعد يتوفر عندنا مجموعة انتظري إلى أن تبدأ المدارس , ولما تبدأ المدارس اتصل عليهم يقولوا مابعد يتجمع عدد, وانتظر وتمر سنة اروح لهم المعهد وكمان مابعد انتظري , واستمرينا على هالحالة 4سنوات وكله ماعندهم دورات برمجة , وكمان الانجليزي مايتصلون علي, واذا رحت اراجعهم يتحججون أن المديرة موموجودة والمسؤولة في اجازة , والانكى من ذلك إذا طلبت اني احول لتخصص ثاني يقولون ادفعي فلوس زيادة علماً أني دافعة لهم 5000 ريال وهو مبلغ يزيد على قيمة الدورة المزمعة بكثير.
واليوم حدث مالايقبله عاقل اتصلت بي احدى الموظفات على غرار استفساري عن دورة صيانة واي سي دي ال ,

لانهم كل مرة اعلمهم بقصتي يقولون ماعندهم دورات هذي المرة انا قلت مابعلمهم بالسالفة , طيب قالت لي الموظفة ان عندهم دورة صيانة واذا انا حابة التحق فيها , انا ماصدقت وطوالي رحت للمعهد حتى اكلم المديرة واحول ,لكن كالعادة المديرة ماهي موجودة والمسؤولة في اجازة, رحت للسكرتيرة وكلمتها وقلتها اني لي اربع سنوات انتظر دورة البرمجة وهم مايتصلوا علي طبعا الموظفة انكرت وقالت انهم يتصلوا على كل البنات , ومايصير انهم مايتصلون علي, قلت لها طيب حولوني صيانة ابي ادرس واحلل فلوسي , (الحين شوفوا الكذب) قالت بس حنا ماعندنا دورة صيانة الحين , قلت لها انا ادري ان الحين في دورة صيانة قالت مافي اذا جات المديرة تفاهمي معها.


ومرت الاربع سنوات وفلوسي اكلوهم النصابين وانا مادرست والا أخذت الشهادة, لذلك نصيحتي يااخواني واخواتي انتبهوا من هذا المعهد لانه كله نصب واحتيال.

[براءة طفلة]

الله يكون في عونك مو بس هذا المعهد انا فلوسي نصبوها معهد العالمية لتقنية الحاسب كذابين بعد

[المجلس الطلابي]

مشكوره على الموضوع

[حلم الأمل]

صحيح الكلام أنا أخي يريد ان يدرس دورة انجليزي لمدة ثلاثة شهور وسلم لهم مبلغ وقدره 2500ريال

درس شهر واحد فقط ولظروف طارئة لم يكمل ولما رجع مره اخرى نقضوا العهد وقالوا لازم تدفع مرة ثانية

ولم يستلم الشهادة أيعقل ذلك أين العدالة ؟ والى أين نتوجه ؟

حسبنا الله ونعم الوكيل

[شذى الورد]

1. انا اخوي اخذ دورة اي سي دل ال ,ولكن لظروف دراسته اضطر لاخذ وقف,طبعا وافقوا ,بس بعد فتره شاف انه من المستحيل الالتحاق بالدوره ,طبعا اللي ردوا عليه الاداره ماتقدر تاخذ فلوسك واذا انت ماتقدر تدرس, جيب احد من طرفك ويدرس بدالك
2. وطبعا ماحد له خلق يدرس ,يعني راحت عليه