قبل سؤآاْلك أو حكمك عن الدكآاْتره »» دعوهـﮯ عـاْمه للنقاْش ••

[celina]

السلآام عليكمْ

كيفكم بنآات .. ؟
ومبروك للي نجحوآا
وهـآاردلك للي حملوآا موآاد ..

بنآات بليز بتكلم معكم عن موضوع مهم جدآ جدآا جدا وراح يفيدنا حاليا ومستقبلاً
أتمنى تقرونه كآامل ، وبالأخير ردكم بصرآاحه ..

أنا رآاح أتكلم عن مشكله تعآاني منها أكثر البنات وخصوصآ هالفتره
فترة تسجيل الموآاد

فـ تكثر الأسئله عن الدكاتره وكل بنت تحب تستفسر أن الأستاذ أو الأستاذه آللي رآاح
تدرس عندهآا < مو هنآا المشكله لأن هذا حق كل بنت

المشكله هي
أنو لمن تسألين عن دكتور أو دكتوره تطيحين في دوووووامه من الحيره كبيييره
وممكن تندمين أنك سئلتي

لسبب مهم هو :
أنو أول شي تجي بنت تقول تمام وشرحه حلو وهو درسني ويساعد وكذا

شوي مايمديك فرحتي الا تجي بنت ثآانيه تقول لا لا لااااااااااا نصيحه
أبتعدي عنه تررررراه ظالم ولا يساااااعد ويرسب البنات .. ألخ

هالبنت المسكينه " واللي انا منهم احيانا " بيصير وجهها كذا >

تصدق مين أو تكذب مين !

وبالآخر تضطر تسجل عند دكتور ثاني
مع انو ممكن يكون هالدكتور تمام

اللي ودي أتناقش فيه معكم هو :
على إي أساس تحكمين على الدكاتره .. . ؟

هل من :

1/ تجربه شخصيه " يعني درسوك وفعلا شفتي فيهم هالشي "

2 / من كلام البنات " يعني سمعتي بنات ماامدحوه وكذا وحكمتي على هالأساس "

3/ نظره خاصه او موقف مريتي فيه " بمعنى انو صار بينكم وبين احد الدكاتره موقف
وأساء لك او تضايقتي منه وخلاص انطبعت هالفكره السيئه ببالك "

4/ لأنك مانجحتي بمادته " مع انو احيان بيكون عدم نجاحك ، ظروف - أو أهمال .. ألخ <~ يعني مو سبب للحكم عليه

بنات تأكدوا أن الظلم شييييين جدآا
فـ لاتخلين موقف أو تجربه او ماده حملتيها تخليك تحكمين وتاخذين هالفكره
السيئه عن دكتور لانك انتي بكذا تضرين غيرك للأسف
وغير كذا ربي راح يحاسبك على كل كلمه قلتيها بحق دكتور او دكتوره

تخيلوا :

مثلا : لووو جت بنت وقالت دكتوره فلانه ماتساعد وظالمه ومن هالحكي
وهالدكتوره دخلت المنتدى وشافت رد هالبنت مع انو هي عكس هذا تماما

تتوقعون شنو ردة فعلها

مآالومها لو قلبت وغيرت تعاملها مع البنات !!

ولا تنسين انو بيجي يوم يمكن ماتلاقين غير نفس هالدكتوره وتضطرين تسجلين معها .. !

قبل حكمك على اي دكتور :

1 / الأمانه " تكلمي بأمانه وخلي حكمك عليهم بأمانه وبعيد عن مشآاعرك
وغيرها

2 / لاتخلين كلام البنات اللي تسمعينه عنهم يخليك تحكمين عليهم بهالشكل
وانتي ماجربتي الدكتور ، لان ممكن يكون هالكلام مو صحيح ، وتتحاسبين عند ربي على كل
كلمه قلتيها بحق الدكتور

3 / تأكدي البنت مصيرها ممكن يتحدد من كلامك فـ خليك صادقه مع نفسك
لان ممكن ماتسجل عنده وتسجل عند غيره وبالاخير يطلع الأول كويس والثاني
مو كويس ..

4 / لاتنظرين لأي دكتور بـ نظره سلبيه وهو لسه مادرسك

< ومن تجربه انا حكمت على دكاتره بنظره سلبيه قبل يدرسوني وللأسف اثر علي
سلبا اني كونت هالفكره السلبيه انه راح يرسب كل البنات وأسئلته صعبه ومن هالكلام
" وكله بفضل كلام البنات :011: " وبالأخير أكتشششفت العكس ..

قبل سؤالك عن إي دكتور :

1 / أسئلي " اللي تثقين فيهم " يعني مو حيا الله بنت تقابلينها وتسئلينها
وتقولك لا ابتعدي عنه و تسمعين كلامها

2 / أسئلي أكثر من بنت ولاتحكمين عليه وتقررين تسجلين عنده او
لا من خلال سؤال واحد ، لا أسئلي كثييير لان هذا مستقبلك ..

بعد سؤالك عن دكتور :

إذا حسيتي انو ماستفدتي من سؤالك او البنات حيروك ووحده
تمدحه ووحده تخوفك

أول شي استخيري وشوفي وش يطلع معك
ثانيا توكلي على الله وسجلي عند اللي تحسين ارتحتي له
ثالثا وأهم شي شدي حيلك بالمحاضرات وذاكري اول بأول وصدقيني بتنجحين

فكره أحذفوها من بالكم :

في شي أبي نسوي له delete
فكرة انو الدكتور ظالم وراح يرسبنا قبل مآاندرس ونجربه
" ولو كان فيه فهم نادرين وقله "
لان ببساطه مافي دكتور ظالم صدقيني كل دكتور له استراتجيه معينه

مثلا في دكاتره مايحبون البنات يختصرون بالاجابه ويحبون الرسم وغيرها
وللاسف تجي بنت وتجاوب بالأختبار وتظن ان اجابتها كامله وتتفأجئ انها ماحصلت
على الدرجه او رسبت وتقول ظالم وغيرها
مع انها لو ركزت مع الدكتور بشرحه راح تعرف هو شنو يبي ..

آخيرا سؤالين لكم .. :

1 / على إي أساس تحكمين على دكتور معين .. ؟

2 / موقف مريتي فيه .. يعني بنت مثلا مدحت لك دكتور او بنت خوفتك من دكتور
وأكتشفتي العكس ؟؟

وعذرآا على الاطالة
بس من جد هالموضوع رافع ضغطي ومسبب لي أزمه نفسيه :s2:

أختكم : سيلينا
من : جغرافيا فرقه ثانيه

[الوردة المخملية]

صح كلامك
جزاك الله خيرا
لا بد من الاجابه جواب صريح مش على موقف مثلا تقولين مو زينه او ما نجحتي بالمادة وتقولين مو زينه او تسمعين من البنات وتنقلين الكلام غلط
ربي يوفق الجميع

[celina]

صح بدنك

بس مآاجاوبتي على السؤآلين ! :011:

عمومآا نورتي غلآاْي
وأسعدني حضورك

وآلله يوفق الجميع

[المشتاااقة]

موضوع رائع ومميز تشكرين عليه وياريت المشرفين يثبتونه

[celina]

تسلمين حبيبتي

شآاكره لك وآلله

وأنآا مآيهمني التثبيت بـ قد مايوصل كلآامي للكل
ويستفيدون منه ، والأهم أشوف آارائكم بصرآاحه =/

[الوردة المخملية]

صراحة ما عندي جواب لان انا على النظام القديم ما مريت بهل المرحله انا نختاردكتور وعلى اي اساس احكم
اعذريني:
011:
بس كل وحده بتحكم على دكتور او دكتورة لازم تراجع نفسها عدل لا تظلم احد
الواحد يكون مظلوم ولا يتمنى يكون ظالم صح؟
ربي يوفقكم جميعا:s12:

[SWEET LIFE]

غلاتي سيلينا يعطيك العافيه ع هالموضوع ..

فعلاً هالشي عانيت منه كثير وعانى منه غيري..

لكن اللي اتمناه من اللي يكتبون عن اي دكتور او دكتوره يكتبون بذمه وضمير ..

ولا تخلون الامور او المواقف اللي مريتوا فيها مع اي دكتور اوغيره هي اللي تحكم عليه ..

يعني مو شرط انكم تحبونه عشان تمدحونه او تكرهونه عشان تذموا فيه ..

ياليت تذكرون الايجابيات والسلبيات اللي فيهم مو بس تحذرون منهم

وخلاص بدون مانعرف السبب..:mh19:

لان مو شرط اللي يعجبني يعجب صديقتي ..

& الاختلاف في الراي لا يفسد للود قضيه &

اتمنى وصلت الفكره واسفه ع الايطاله ..:c8:

ودي

[كفآيه يازمــــــن ..]

وربي صااااااااادقه كلمة قلتيها:g8:

انا بقولك موقف صار لي .. <<< بدت تتفلسف

سالت البنات عن دكتورة معينه وقالوا لي عنها انه شينه ولاتسجلين عندها و .. و .. و الخ

لدرجة اني كرهت الدكتورة ..
بس لما جيت ارتب جدولي صارت الدكتورة هذه هي الوحيده اللي ضابطه معي بالوقت .. وضقت حيييييييل وكنت كارهه احضر المحاضرة ولكن ..

شفت شي غير عن كلام البنات ..

الدكتورة كانت قمممممه وشرحها مره حلو واسئلتها كانت مررررررررره سهله ..

عشان كذا صرت مااصدق البنات الا اذا كانت هي مجربه بنفسها ...


اما بالنسبة لي انا ..

مااجاوب الا عن تجربه شخصيه


وااااااسفه ع الاطاله

[بنت غير]

1

/ تجربه شخصيه " يعني درسوك وفعلا شفتي فيهم هالشي "

انا حكمي على الدكتور/ة من هذا الجانب

2 / موقف مريتي فيه .. يعني بنت مثلا مدحت لك دكتور او بنت خوفتك من دكتور
وأكتشفتي العكس ؟؟

فعلا دكتورة ودكتور سمعت عنهم كلام شين وبالاخير أطلعو يساعدون الطالبه ..

بنات تأكدوا أن الظلم شييييين جدآا
فـ لاتخلين موقف أو تجربه او ماده حملتيها تخليك تحكمين وتاخذين هالفكره
السيئه عن دكتور لانك انتي بكذا تضرين غيرك للأسف
وغير كذا ربي راح يحاسبك على كل كلمه قلتيها بحق دكتور او دكتوره

كلامك سليم ..

يعطيك العافيه على الطرح المفيد..

[فريشتآ]

وعليكم السلام ورحمة الله وبركاته

،

أهنيك ع الطرح .. بالفعل موضوع مهم ويستحق النقاش

،

1 / على إي أساس تحكمين على دكتور معين .. ؟


ما أحكم على دكتور معين إلا من خلال تجربتي وتدريسه لي .. وأرفض الحكم على دكتور من كلام أحد..

بس هذا ما يمنع إني أسأل كذا بنت وأستفسر بشكل عام عن الأسلوب وغيرهـ


2 / موقف مريتي فيه .. يعني بنت مثلا مدحت لك دكتور او بنت خوفتك من دكتور
وأكتشفتي العكس ؟؟

آووووووهـ .. حدث ولا حرج

مارح أذكر أسماء الدكاترة بس بذكر المواد ..

لما قلت للبنات عن دكتورة مادة الأدب الأموي الكل ذمها .. وقالوا انسي إنك تنجحين في هالمادة

بس انا عطيتهم الأذن الصمخآء .. وجديت على نفسي وعديت الأدب الأموي``جيد جداً``

ودكتورة الصرف .. قالوا لي محاضراتها حلوة وممتعة بس أسئلتها خارجية وبتشوفين الويل
وجديت على نفسي بعد وصرت انتبه لكل شي تقوله الدكتورة .. وبصراحة كل إللي جا بالاختبار من شرحها وعديت الصرف "ممتاز"


^الحمدلله


وفيه كثير مواقف علمتني ما أحكم على أي دكتورة من كلام بنت أو عدة بنات


لأن كل بنت رح تحكم بنظرتها وموقفها النفسي من الدكتور أو الدكتورهـ

ومثل ما تفضلتي أختي .. مستحيل بيكونوا كل الدكاترة ظلاّم ويرسبوا بكيفهم

فيه نظام يحكمهم..

ولكل واحد فيهم أسلوبه الخاص وإللي تكون مع الدكتور بالمحاضرة ومفتحة مخها رح تعرف أسلوبه أكيد

وفيه دكاترة يعتبرون الزيادة مثل النقصان ويحاسبون عليها
ودكاترة تعجبهم البنت إللي تتوسع في الموضوع "وهلم جرا" <كيف الجملة بس

وأنا أنقهر من البنات إللي طول السنة لعب×لعب وإذا جات الإختبارات يروحون يدورون دفتر فلانة وعلانة عشان يطبعونه وآخر شي يحملون المادة ويقولون الدكتور حملنا!
<يجيبون لي أم العبيد

عذراً ع الإطالة <عندها مخزون فائض من السوالف

،

عجبني موضوعك وطريقة طرحه

يعطيك العافية يا قمر


تـ ح ـيآتي