استفسار ياخوان للي في المستوى الثاني والاول

[rsaaam]

السلام عليكم روحمة الله وبركاته

اخواني مادري اغير تخصص ادارة اعمال او استمر فيه بصراحه احس انه صعب تنصحوني اغير التخصص او استمر فيه واذا غيرت وش تنصحوني بأي تخصص سهل وهل الترم الاول يضيع او كيف تكون الحسبه فيه الله لايهينكم افيدوووووووني بسرعه ومشكورين

[جاك سبارو]

تخصص إدارة أعمال حلوو جداً
بالنسبة للتغيير كل اللي هنا تخصصهم إدارة أعمال يعني ماإختاروه الا هم راغبين فيه يعني مستحيل أحد ينصحك تغير التخصص لأن اللي بينصحك في الإدارة يعني من باب أولى اللي بينصحك تغير هو المفروض يغير ولا أنت شرايك .؟

الله يوفقك ويسهل أمرك شووف اللي يناسبك أنت ويرضي طموحك وبتلقى نفكسك فيه وتوكل على اللـه

[الهذلي]

لا صعب ولا شي ونا اخوك الي يجيبون معدلات عالية احسن منك
اكيد لا شد حيلك والدراسة محتاجة جهد واجتهاد سواء ادارة اعمال او غيرها

ومستقبل الادارة حلوووو والشركات في ازدياد وتبحث عن موارد بشرية كفؤة ذات شهادة عالية لتسيير لها مصالحها وتزيد من ارباجها<< تفلسف زيااااااادة
اللة يوفقك ونا اخوك.

[Adel.D]

انا بصراحة مااشوفه صعب .. ياشيخ اولى ثانوي كانت اصعب ..

بس يبيله دراسه او بالاحرى لاتراكم عليك الدراسه .. وصدقني امورك بتصير طيبه


الله يوفقك

[السلطان الحاكم]

اعتقد ان الادارة اجمل واحلى تخصص

وصدقني اي شي مافيه صعوبة مايجيله طعم

حلاة الشي ان تناله بصعوبة

تحياتي

[أم ليــــان]

بالمتابعه اول باوووول وماتخلي شي يتراكم عليك

وتسال عن اللي مو فاهمه

بهالطريقه باذن الله كل صعب يسهل

[ابونوآآآف]

شف كل التخصصات صعبه لكن اسهلها الاداره بس توكل على الله

[المحبة]

مثل ما قالك الارض الادارة هو التخصص الزين وممتع بعض الشئ ويفيدك في حياتك العمليه ان كنت موظف او للحصول على وظيفة وعساني وفيت وكفيت

[زيــونــه]

كل الدراسات والنخصصات تحتاج الى جهد
بس مثل ماقالوا لك الادارة افضل تخصص
تتيح لك الفرص الوظيفيه اكثر
توكلي على الله ...... والي فيه الخير يقدمه ربك

[abufajr]

المشاركة الأصلية كتبت بواسطة rsaaam

السلام عليكم روحمة الله وبركاته

اخواني مادري اغير تخصص ادارة اعمال او استمر فيه بصراحه احس انه صعب تنصحوني اغير التخصص او استمر فيه واذا غيرت وش تنصحوني بأي تخصص سهل وهل الترم الاول يضيع او كيف تكون الحسبه فيه الله لايهينكم افيدوووووووني بسرعه ومشكورين

ان انصحك تستمر
وشد حيلك من البداية
لا تخلى المنهج يتراكم عليك
ذاكر اول باول وان شاء الله تعدي الاربع سنوات وانت ناجح بامتياز
بالتوفيق