آسلى مع إلوقـت

[على هونك]

مرحبا يالدوافير

حبيت إن آعطيكم من بين إورآقي شي رآق لي

آلي مآيبي يقرآء يديور ويرجع مع إثره وآلي يبي يحذف آلموضوع حلآلن زلآلن عليه


آلمهم حبيت اغير جو بـ نفحآت شعريه


تفضلوووو





~~~~~~~~




اسلى مع الوقت بين الربع وانساهـا
ولاادري الا بوسط القلـب طرياهـا

ماهو غرام وغلا يوم انـي اذكرهـا
اذكر جروح ٍ بحالي مـن سواياهـا

واذكر ليالي قديمه كنـت اصورهـا
تخلينـي احـس بالدنيـا ومعنـاهـا

لكنهـا غيمـة ٍ خايـلـت بارقـهـا
واقفت وانا مارويت الكبد مـن ماهـا

اقفـت وباقفايهـا عرفـت بالدنـيـا
حاجات ماكنت داري عـن خفاياهـا

ماكـل مـن وده بحاجـه يحققـهـا
واكثر ظنون البشـر سبـة بلاياهـا

من عاش بالعاطفه عاش بشقـا دايـم
لو يرضي النفس مره عشر ماارضاها

والحسن صورة على رغـم ٍ بفتنتهـا
ماهو ضروري تطابق حال فحواهـا

وانا اشهد ان العطايا لغير من يسوى
غبينـة ٍ ماهقيـت الرجـل ينساهـا

والمشكله لو هي بمن راح .. لايرجع
الارض ياوسعهـا والنـاس بانحاهـا

من لاتريـح بديـره يرحـل لديـره
ولابـد لمـدور الحاجـات يلقـاهـا

المشكله باصبعي واعمي بهـا عينـي
ياجمرة ٍ بس تحـرق مـن توطاهـا

والمشكله شفتها ببشت علـى جسمـي
ياحلوها بعين كـل انسـان راعاهـا

وان زاد بردي وانـا متقوبـع ٍ فيهـا
ياعنك ماقلت وقت البـرد ماادفاهـا

ماكنت ابـا ابيـح المسـدود لكنـي
كتمت يالين نفسـي بـان مااوذاهـا

هي تجربه والليالـي غيبهـا خافـي
وانا تحدثت عـن حالـي وشكواهـا

والشعر سلوى وانا الطاري يهيجنـي
علة وقول القصايـد عنـدي دواهـا

ياللي من اول كتبت الشعر باسبابـك
اهـل الجمـالات ماتاخـذ عطاياهـا

عليـك بالعافيـه مافـات واستانـس
خلك على ماتبـي نفسـك ومشهاهـا

اضحك ولاتحسب الدنيا تبي تضحـك
الله يحصي عمـل خلقـه ويجزاهـا

مااعطيتك الا غلا واعطيتنـي صـده
والناس تجزى بمساويهـا وحسناهـا

يعني غرامك توفى وانتهى الماضـي
وماباقي الا القصايـد فيـك وغناهـا

غنيت لك بالقصايد وانـت ماتسـوى
وقت مضى كنت تلهمني على بناهـا

لكن لأني وفي باقـول لـك شكـرا ً
انت الذي فجـر اشعـاري ودواهـا

واخر عبـاره بامـان الله ولاترجـع
طـرد المقفيـن عيبـه مانتجراهـا



يـلآ حآن وقت آلنوم تصبحون على خير...وشدو حيلكم

وإلصبآح ربآح