ادارة اعمال او انجليزي ايهم تختار

[talal5588]

السلام عليكم ورحمة الله وبركاته

ياشباب انا سجلت ادارة اعمال للترم الثاني ومحتار وخايف بنفس الوقت انه يكون صعب ويحتاج

حفظ وفهم وعندي رغبه اني اغير الى اللغه الانجليزيه خصوصا انه عندي لغه ومتمكن منها بالمره

ابغى نصيحه منكم الله يجزاكم خير ولا يحرمكم الاجر وايهم الافضل للمستقبل

وبغيت اسأل مع انه بدري على هالسؤال كيفية الدراسه بالنسبه للترم الاول وهل المواد اختياريه او

الزاميه

[بنت سالم]

هااي والله نصيحتي البسيطه لك الانقلش حلو مره وانت شف ميوولك ورح ورااه واستشير القراب منك بعد..
وبالنسبة للترم الاول اكيد المواد الزاميه موووفق

[my Dreams]

الافضل هي اللغة الانجليزية ثم ادارة الاعمال الدراسة السنة الاولى عامة الترم الاول المواد اجبارية ومن بداية الترم الثاني يكون لك حق الاختيار في عدد الساعات موفق اخي الكريم

[{ نُ }..]

بالنسبه لي ادارة اعمال واللغه الانجليزيه تقدر تاخذها من معاهد

[,متـــكـ تــكـ,]

انصحك تواصل ادارة اعمال لان مجالاتها واجد

واذا تحس انك متمكن من اللغه هم انا مثلك متمكن منها حيل واجيدها تحدث وكتابه بس المشكله موب باللغه المشكله بالمواد الثانيه الي بالتخصص

يعني كلهم فيها صعوبه بس شوري عليك كمل ادارة اعمال

انا عن نفسي قدمت ادارة اعمال بس للاسف صار عندهم اكتفاء وماقبلوني

انصحك تكمل هذا رايي

وانت عاد وميولك هو الاهم

[إسلامو]

اسمع نصيحتي ادخل ادارة اعمال ممكن الانجليزي اسهل من ناحية الدراسه بس الاداره بعدين لها مستقبل ومثل ما قالولك الشباب بما انك متقن اللغه كافي
بعدين تسجل بالسي في خريج اداره اعمال و لديه لغه انجليزيه
انا الحين قدمت على اداره اعمال اذا ماقبلوني ما رح ادرس اي اختصاص ثاني

[جمال العنزي]

شوري لك ادارة اعمال يكفيك اسم التخصص ...

واللغة الانجليزية تعتبر شي متميز فيك بعد ما تتخرج من هالتخصص
الحين اكثر الوظائف الحكومية ان يكون لدية بكالوريوس ادارة اعمال + لغة انجليزية ان يجيدها فقط وما قالوا لازم يكون عندة شهادة فهمت يا الغلا ..
الله يوفقنا جميع قل امين

[لــوســي]

انا كانت رغبتي أنجليزي قبل لأني أحبه .. لكن انقبلت أدارة ..

وصرااحه صرااحه الحمد لله ما انقبلت انجليزي ..



فكــر فيها أشوي ...

الأداره مستقبلها أفضل ومن جامعه معروفه ..وخصوصا لكم أنتم الرجال ..

وماراح تلاقي هالشهاده المعتمده في هالتخصص بهالسهوله ..

بعكس الأنجليزي ممكن تلاقيها من أي معهد دوره او دبلوم

الأنجليزي في الجامعه يدروسون معاه 5 مواد مالها أي علاقه فيه ..



وهذا الي ما أبيه أبدا .. أبي أدرس أنجليزي بسسسس .. ماأبي معه المواد الثانيه

يعني تدرس:
أنجليزي + العقيده + فقه + النحو التطبيقي + التذوق الأدبي + علم الأجتماع +التحرير العربي + الصحه واللياقه

والترم الثاني زيه .. مواد كثييره وتسد النفس ..

تضيع منك سنه كامله ..في مواد مالها علاقه بالأنجليزي



وفي النهايه شهادة أنجليزي ..

ممكن اخذها من معهد بدون هالمواد الي مالها داعي وماراح تفيدني

الا اذا كنت تبي تصير معلم لغة أنجليزيه .. فأنصحك فيه ..



على العموم .

أهل الأنجليــزي راح ينصحونك في الأنجليزي .. وأهل الأداره راح ينصحونك في الأدارة

أنت فكر فيها وأستخر ربك

وهو راح يسخر لك الأفضل

[بحر السكوت]

لايفوت الاوان ادا كنت متمكن في اللغه الانجليزيه فعليك بها لان مجالها اوسع واريح حتى من جهة الدوام حيث يقال والله اعلم ان وزارة التربيه والتعليم تدرس حاليا وضع اللغه الانجليزيه في المدارس الابتدئيه من الصف الثالث حتى السادس
والله اعلم ولكن الانجليزيه للمستقبل هي الافضل

[غيوره على الدين]

انا اشوف ان اللغه الانجليزيه افضل وخاصه لما تكون بكالوريوس من جهة التوظيف اما ادارة الاعمال تقدر تاخذه دبلوم اداره اعمال او دورات في مجال الادراه بس في الاول والاخير الرئي هو رائيك انت لاتعتمد على رائي الآخرين شوف التخصص الي يناسب ميولك وبالتوفيق ان شاء الله .