إلى جميع الطلبه النايمين طوال الترم وتوهم تذكرو انهم طلاب تعالو أبيكم

[إحساس سلطان]

[align=center]
السلام عليكم ورحمة الله وبركاته

بدون مقدمات لاني لا أجيد المقدمات

اسمحولي انا بسميكم الطلاب أصحاب المقاعد اللي بآخر الصف اللي يصحون بس اذا قربت الامحتانات

أنا ملاحظ إن اسئلتكم رجعتني بالذاكرة لأول الترم كلها اسئلة نستغرب منها بصراحه

واحد يقول شلون اكتب بمنتدى الحوار والثاني يسأل المواد سهله والا لا

والثالث يسأل المحاضرات المسجله عليها درجات والا لاء

ياجماعة الخير صارلنا ثلاث أيام بالمنتدى كله اسئلة مكرره

الواحد فيكم يدخل وبراسه سؤال ويسأل على طول وهذا خطأ وفيه مضيعه لوقتنا

اتمنى منكم أولا" البحث عن اجابة لأسئلتكم بمواضيع المنتدى وخاصه ان المواضيع اللي تهم

الطالب كلها موجوده بالمواضيع المثبته وفيها أجوبه لأسئلتكم

اما بالطريقة هذي صار المنتدى فوضي وأكثرة مواضيع مكررة

اذا انتم تو عرفتو مشكلة البلاك بورد ترا حنا من زمان نعاني منها يعني الواحد فيكم على باله جايب خبر جديد

بس يبي يسوي زحمه أهم شي يكتب موضوع خلاص لحد يكتب عن البلاك عرفنا انه يعلق

واللي يسأل عن الملخصات فيه موضوع مثبت خاص بالملخصات

لاحظو إن جميع الردود على اسئلتكم يجاوبونكم برابط أحد المواضيع المثبته

يعني مايصير تعودتو على إن الغير يخدمكم مايصير هالشي حنا ودنا نخدم الجميع

يستفيدون منا ونستفيد منهم لكن مو لهالدرجة انك تتكاثر على نفسك إنك تبحث عن إجابة لسؤالك وتفتح موضوع لهالسؤال كله بسب الاتكاليه

اتمنى التعاون من الجميع عشان اللي يدخل يبحث عن شي يحصله مو يلقاها مواضيع مخربطه وداشه ببعض

اتمنى محد يزعل لان هالشي من صالح الجميع

إما شارك بشي مفيد والا لاتفتح مواضيع باردة ترا انت بمنتدى مو بدردشة


وشكرا"
[/align]

[R :)]

[أم حيوو]

يسلم راسك ياشيخ

هيك الحكي والا بلا

[ولد ابو متعب]

صادق والله ياخوى زحمه على الفاضى

[ولد أبهآ]

صح لساانك
والله كلنا ف الهوى سوى نعاني ولكن قد نضطر لتنزيل بعض المواضيع
لاني بتكلم عن نفسي والله احيانا ف اي موضوع اذكر اي مشكله لي داخل الموضوع ف رد لي ولااجد اجابه عليه من الاعضاء يكون ردهم خارج سؤالي مع انه نفس الموضوع مو غريب
عشان كذا والله اذا مهم انزل موضوع مع اني مواضيعي ماتصل خمسه الظاهر مواضيع حتى الان
لاني والله احب ارد واستفسر عن مشكلتي ف اي موضوع مشابه لها لكن احيانا اضطر

ولا والله كلامك سليم ونبي يكون اي استفسار داخل اي موضوع شبيه به
ومتوفره جميع المشاكل والحلول ف مواضيع مطروحه حاليا
لكن اذا ماوجد اي تجاوب له ف تساؤله عادي يطرح موضوع جديد واحنا ندله ع مايريد
مجرد رأي شخصي

مشكوور يالغلا ربي يوفقك

[الحلانجدية]

ترا حنا من زمان نعاني منها

الغريييييييب اني اعاني

مثل كل الناس اعااااااااني

[ابوو نواف]

يعني مسوي مشرف الاخ خلي الناس تعبر عن شعورهااا ليش زعلان

[إحساس سلطان]

المشاركة الأصلية كتبت بواسطة ابوو نواف

يعني مسوي مشرف الاخ خلي الناس تعبر عن شعورهااا ليش زعلان

ياخوي الدعوة مو إشراف ويكون بعلمك قسما" بالله لو يعطوني إشراف ماقبلته

وأنت تقول خل الناس تعبر عن شعورها

برأيي إن الهدف هنا هو الفائدة مو تعبير عن الشعور

إذا أنت اتيت هنا لكي تعبر عن شعورك أنا أتيت كي أفيد وأستفيد

[ابوو نواف]

المشاركة الأصلية كتبت بواسطة إحساس سلطان

ياخوي الدعوة مو إشراف ويكون بعلمك قسما" بالله لو يعطوني إشراف ماقبلته

وأنت تقول خل الناس تعبر عن شعورها

برأيي إن الهدف هنا هو الفائدة مو تعبير عن الشعور

إذا أنت اتيت هنا لكي تعبر عن شعورك أنا أتيت كي أفيد وأستفيد

كفواااااااااا بيض الله وجهك بس وش تبي تسوي للعالم هذي خلهم ونت دور المفيد

[إحساس سلطان]

المشاركة الأصلية كتبت بواسطة ابوو نواف

كفواااااااااا بيض الله وجهك بس وش تبي تسوي للعالم هذي خلهم ونت دور المفيد

صراحه مالومك على ماتقول خاصه إن موضوعك عن الانجليزي خير مثال لموضوعي