فكرة لدرجات المشاركة بالبلاك بورد

[شـــرق]

[align=center]
تعبنا واحنا كل يوم نعدل بدرجات المشاركة اللي ماشفنا من وراها الا كلام الصراحه لا يودي ولا يجيب

والمشكلة ان كل واحد يثبت درجته على 10 الا ويلقاها تنزل عن الـ 10 ليه ؟
لأن فيه غيره يشاركون ويحافظون على الـ 10 درجات ولأن مشاركاتهم تحتسب اكثر فتنزل درجاتنا

يعني فكرة المشاركة من اللي انا لاحظته ان الكل يوصل 10 بس مجرد احد يشارك زود يصير هو يحتفظ بالـ 10 وتنقص على الباقي
وبنجلس نطرد وراه وهو يطرد ورانا وبيضيع الوقت واحنا لا ذاكرنا ولا شي وجالسين تحدي من يشارك اكثر

الحل اللي انا اشوفه اتفقو كلكم على عدد مشاركات يعني مثلا الكل يشارك 20 مره وخلاص وقفو

وبكذا ضمنا الـ 10 درجات للكل بدون شد اعصاب وبدون مطارد ورى بعض

هذي فكرتي بس انتو اتفقو وخلو كلمتكم وحده وعلى قلب واحد
الظاهر الجامعه ماينفع معاها الا اللف والدوران عشان الواحد ياخذ حقه
ومثل ماقال دكتور القانون علي الزهراني الجزاء المرسل
و دكتور الاقتصاد بلغرسه المنافسه التامه
ودكتور الادراة مصطفى بخوش العلاقات الانسانيه بالمنظمه
و دكتور المحاسبة علاء زهران مبدأ الثبات
واخير مع حبيبنا الدكتور اسامة حنفي عندما تتحد الاساسات تجمع الاسس
فهذا جزاء مرسل ومنافسه تامه تحكمها العلاقات الانسانية وبثبات وكلنا متحدين

هذا اللي علمونا وهذا اللي بنطبقه فيهم
[/align]

[مدرس خصوصي]

الله يوفقكم

[ǺĽ ẕeeห]

طبقوها ونشوف انا شخصيآآ مو فاهمه سالفه منتدى الحوار صراحه وللحين مادخلت مزاجي "

بس الشكوى لله

كفوو عليك انت وموضوعك التووحفه هههههههههههههههاي

ربي يوفقك ان شاء الله "

[محد يستاهل الحب]

وانا معكم .. اصلا انا ضد موضوع المشاركة احس اني اشارك باي شي اي خربوطه اهم شي اكتب

[أشواااااق]

ع إللي فهمته .. رآيك نفس هـ الموضوع >

[اقتراح بشأن المنتديات الحوارية .. الحاضر يعلم الغايب .. انو]

[لاكوست]

الله يوفقك الجميع بس

صدقني ماراح يكون فيه اتفاق تام

لعدة اسباب منها أن الملتقي لدينا ليس به جميع طلاب وطالبات الأنتساب المطور

وكذالكـ فيه نسبة وليست بلقليله ماتدخل الملتقي بشكل يومي

وفيه ناس للحظه هاذي ماتدري عن موضوع الدرجات والمشاركه

فعشان كذا اتوقع ان الكل صعب انهم يثبتون على رأي واحد

اتمنى من الجميع متابعة وضعهم بخصوص الدرجات وأي نقص او تغير فيها

يرفع عدد مشاركاته بحيث يبقي وضعه في السليم

تحياتي لك

[dindo]

مبروك علينا النجاح اولا .
ثانيا .المفروض خلاص لما نوصل لعشره يثبتونها آليا ... ويخلونا نشوف شغلنا ورانا اختبارات ويبي لها تركيز ..اشغلونا الله يشغلهم

[Misho0o]

اوما

والله توني ادري ان الدرجات تنقص اذا وقفت وشو ذا غصب يعني ..

وبعدين كل مشاركاتي اسأله معيوده وش يبون خلاص ماعندنا اسأله زين

هوووف زين

[فَيْرُوْز]

[align=right]




كَفُو عَلَيْك فِكْرِك نَيِّر رَبِّي يُجْزِيْك خَيْر

مِثْلِي انَا امْس شَارَكَت وَكَانَت دَرَجَتِي ثَابِتَه الْيَوْم حَصَلَتَا نَزَلَت لِلّاسَف
نِظَامَهُم هَذَا ابَدَا موَحُلَو
تَضْيِيْع وَقْت لَا اكْثَر


مِثْل مَاقَال اخَوَي خَلَوْنَا نَتَّفِق عَلَى 20 مُشَارَكَه فِي كُل مَادَه
وَاللَّه يُوَفِّقَنَا اجْمَعِيْن


.
.
[/align]

[شـــرق]

اتفقو على عدد معين للمشاركات وانشرو الخبر قدر المستطاع

مو معقوله كلنا داخلين ادارة اعمال ومانعرف ندير مشاكلنا والا شرايكم ؟