تكفون ابي تشجيع ....انا تعباااانه

[بنوته كويتيه]

السلام عليكم ,,,,,,,,


بصراحه احس راسي مصدع والوقت يمر بسرعه وخصوصا عندي ظروووووف خاصه ملتزمه فيها لازم اشوفها .....واحس مو منظمه وقتي كله انا ماجله 3 مواد يبيلها قعده الي اهى (الانجلش/الاحصاء/التحرير )) ومتضايقه منو اللي ابتدي فيها واشلون راح اذاكر انا بس افتح التحرير اشوفه حجى وايد اسده وافتح الانجلش اللي عقدتى وانا صغيره ما احبه واسده وافتح الاحصاء انا احب الرياضيات وانا كان تخصصي علمى ......بس احسه وااااااااااااااااااااايد يبيله تركيز ابي منكم اللي مر علي 3 مواد شنو رايكم فيها شنو اهم شيء اركز عليه ,,,,,,,,انا بصراحه ذاكرت المقدمه الخاصه ومبادي التربيه علم النفس والصحه والياقه وللحين ولاماده ختمتها ودراستى بدون تركيز لانى افكر بشغلات ثانيه وزوجى دووووووووووم يخانقني ذاكري ذاكري <<دافع الفلوس وخايف عليها ههههههههههابي تشجيييييع

[هتآآن]

[align=center]
[align=center]
انا ابشجعك بكلمتين

انا الا الحين ما فتحت ولا شى تعرفين ولا شى

والوقت قدامك وانتى ما شاءالله عليك ذاكرتى كم ماده

انا مابديت في شى وربك يسهلها

شفتى الفرق وعلى فكرره ترى انا غبى ماستوعب بسرعه

شدى حيلك واضغطى على نفسك شوى هانت ما بقا شى

وربك يسهلها
[/align]
[/align]

[سلطان...]

ابدي بماده سهله

تربيه خاصه

تعطيك دافع للاحصاء

وبعدها ابدي بالتحرير او الانقلش

واللي ماتفهمينه خليه لبعد ماتنتهي من الماده

وبالتوفيق لك

[جامعيه123]

الوقت قدامك اعملي جدول نظمي فيه المواد على حسب ظروفك
وانصحك تبتدين بالأحصاء سهل وبسيط جدا وبعدين تحرير وبعدين انقلش
طبعا اذا ماتفهمي بالنقلش
ترا والله سهله ما عدا الانقلش يمكن لاني ما احبه

[جامعية طموحه]

والله انا مثلك وشفت الردود اتحمست بس يلا خلينا نشد حيلنا لاني مثل حلاتك

[*امال*]

كويتيه اتكلي على الله وابدئي بالاحصاء او التحرير والاخر انكليزي
وترى ياختج انا اردئ منج ماذكرت بس قرئت كم مادة
بس والله لي ايام وانا مريضه عندي حاله نفسية من الاختبارت اذا قربت تعبت صداع فضيع وطول اليوم وانا نايمه

وربك كريم

[الحلانجدية]

انا مثلك

مافتحت المواد ذي للان

ومعاك شهر كامل ، روقي وقسمي وقتك وصدقيني بتفوقين مو بعد تنجحين

[pearl-030]

سلام للجميع
شوفي يإختي والله إلين ألحين ماذاكرت بس بالبداية تحمست وشفت لي كم محاضرة بعدين تجمدت
عندي بنوته الله يصلحها مو راضية نخليني اذاكر ولا أنظم وقتي... بس ربك يفرجها
حتى قررت ماأشوف إلا محاضرات الإحصاء والإنجليزي
والحمد لله باقي وقت شهر مو شوي .... ونصيحه مني خلي الإحصاء والإنجليزي في الأخير
وأكثري من الاستغفار
والله يوفق الجميع

[*الرؤوم*]

والله انا مثلك واخس بشوي
لاني لسى ماذاكرت شئ

[جنتي أومي]

بنوته كويتيه روقي روقي ياعمري

كل شي سهل صدقيني بس الخوف لاعب فينا كلنا مو فيك بس

امشي على هالخطوات

انسي ان باقي شهر على الاختبارات تنجنبا للتوتر والخوف والنوم الزائد بغير حله خخخخخخخ <كله مجرب

ابدئي بالاحصاااااااااااء ذاكري مثلا خمس محاضرات وربي اتفه ماده هي بتقولين بنفسك الحين لاني احبها وربي اكره شي اسمه الرياضيات بس سبحان الله طلع شرح الدكتور جدددددددددا واضح وسهل اصلا الاحصاء مو زي الرياضيات صعبه مدري كيف اشرح لك بس والله سهله افتحي شرح الدكتور واستمعي يمديك باليوم خمس محاضرات امسكي المحاضره المسجله وكل ماخلصتي من وحده امسكي محتواها
واليوم الثاني امسكي التحرير
عاد التحرير انا مو اكرهه الا عدوي اللدود للحين ماقربته وبجيب مدرس فيه خخخخخخخخ
والانجليزي حاولي تفهمين القرمر وفيه قطع ريدنق اتوقع كذا اسمها خخخ المهم ترجميها واذا مافهمتيها صميها صممم احفظيها يعني ترا الدكتور يقول بجيب لكم بالاختبار قطعتين من المحتويات بينسخها نسخ
والتدريبات وراء كل محاضرات صميها بس افضل افهميها عشان تفهمين لما تجين تحلين واحتمال يغير بعض الكلمات فتكونين فاهمه افضل

وش بعد
بنسبه للمواد الى حفظ كوووويس برافوووووو عليك شاطره والله ماشاء الله ذاكرتيهم لو نصهم نعمه
ترا اغلب الى هنا دجه وينجحون بس خلك متوكله على الله ولاتخلين الخوف يضيع عليك وقتك
انا مثلك مرتاعه وحالتي حاله بس اطمن نفسي كل شووووي واهديها
وبسس
اخ يدي عورتني