 |
|
||||||
| مدونات الأعضاء قسم خاص يستطيع العضو انشاء مدونة خاصة به يكتب فيها مايشاء حسب قوانين الملتقى. |
 |
|
|
أدوات الموضوع |
|
#1
2011- 6- 8
|
||||
|
||||
|
وانت رايح كثر الفضايح *_*
السلام عليكم جميعاً واسعد الله اوقاتكم بكل خير طبعاً صراحه فكرة المدونه كانت تدور في ذهني لكن اجلتها الين اتفضى لها زين عاد صراحه انا احب اجعل هاذا المكان ليكون كمساحه حره لي اكتب فيها ما أشاء وبدون أي قيود اجتماعيه يعني الواحد يكتب ويطلع ذكرياته ومايشيل هم أي احراج ( عاد تكفون لا تفضحون *_* ) وطبعاً رح تكون ان شاء الله مدونتي عن ذكرياتي وحياتي ومواقفي المحرجه وبشكل اكيد اقولكم من الحين تراني مو راعي شعر ولا أكله أقصد ولا اتذوقه لكن ان شاء الله رح يكون معنا لزحف معناً آخر *_* وأزحف حتى تنحف ومرحباً بكم وكما قال المثل الجاهلي ( عاشر من تعاشر فأنت داشر )
 
|
|
2011- 6- 8
|
#2 |
|
أكـاديـمـي ذهـبـي
|
رد: وانت رايح كثر الفضايح *_*
بغيت اخذ راحه في البدايه قلت اخذ راحه لمدة يومين بس قلت ماش رح تقولون هاذا شكله فيه عرق سوداني او تصير الأسلاك مشبكه غلط  استغفر الله العظيم *_* المهم اعرفلكم بنفسي اخوكم : المذكور أسمه اعلاه ومن زمان وانا موجود والحمد لله الحين احس اني مبسوط على الآخر عشاني خلصت الاختبارات وعاد بقولكم قصه حدثت عند يوم ولادتي طبعاً ولادتي تمت في أحد الأيام ( أحلف ) ولدت وخرجت لدنيا وصادف يوم ولادتي هو نفسه يوم ميلادي ( حتى يومكم مادري شلون صارت )وماخفيكم سراً انه في يوم ولادتي كان في احد ليالي الرياض المليئه بالغبار ولدت وخرجت لدنيا في هاذا اليوم وبسبب خروجي في هاذا اليوم علموا اهلي انهم انجبوا ولداً سيكون معروف سيكون ابنهم معروف في مستشفيات الصدريه بسبب ( الربو *_* ) وعاد من يوم طلعت وانا ( أكحكح ) ويوم فتحت اول شي قلته ( الله وش هالعج ) ومن يومها وانا كل هدفي اني ( أسيطر على العالم ) عشان اتنقل بين الدول بدون جواز ( امحق طموح )
 |
|
|
|
2011- 6- 8
|
#3 |
|
أكـاديـمـي ذهـبـي
|
رد: وانت رايح كثر الفضايح *_*
طبعاً برجع لكم بعد قليل
لكن عاد ياجماعة الخير ترى كل الي يكتب مزح والله يتوب علينا لو طلعت كلمه هنا او هناك *_* |
|
|
|
2011- 6- 8
|
#4 |
|
أكـاديـمـي ذهـبـي
|
رد: وانت رايح كثر الفضايح *_*
المهم عاد بعد مانولدت بكم يوم كنت متكي انا والوالده ( الله يحفظها ) ومجلسين عصريه في الشمس والوالده ( فاكه ) الحفاضه واسمعها تقول ( ودي أريح وأهوي على وليدي ) وانا أضحك واقول ( والله من الفقش الا من ريحة الخياس الي طالعه من ورى ( لاحظوا قلت طالعه الريحه من ورى عشان توي هاذاك الوقت مادري وش فيه ورى ومادري ليش الريحه ماتجي الا من هناك ) *_* ) المهم واشوف الا الوالده تناظر في الحفاضه ومستغربه وصار صور الحيوانات الي موجوده على البامبرز الارانب والضفادع والفيله الي يضحكون حصلتهم منحاشين الله يرجهم من قوة الخياس *_* المهم عاد وانا متكي بهالشمس ومبسوط على الاخر شوي وجاء شايب يسلم واشوفه يناظر فيني ويضحك وصراحه اوجست خيفه منه واسمع الوالده تمدح فيني عنده شوي واسمعه يقول لها ياشيخه اسكتي انتي وولدك الي وجهه يشبه ركبته صراحه حسيت انه أهاني المهم قلت ياولد أقوم عليه ولا شلون وبجي اقوم الا ماش هالرجلين غبيات توهن ماتعلمن المشي وعاد من يومها الا هاذا اليوم وانا متعقد وصرت مالبس شورتات
عشان اخاف اطلع ركبتي الاصليه ويصير وجهي جد يشبها عاد وش يفكني من هالعالم ههههههه |
|
|
|
2011- 6- 9
|
#5 |
|
أكـاديـمـي ذهـبـي
|
رد: وانت رايح كثر الفضايح *_*
الله يحييكم جميعاً
ويازين يوم الاربعاء اذا صرت فاضي وماوراك شي ياناس من جد فاقدين هالشعور مع الاختبارات والله يسهل النتائج ان شاء الله للجميع وعاد بشوف سالفه جديده من الذكريات *_* |
|
|
|
2011- 6- 9
|
#6 |
|
أكـاديـمـي ذهـبـي
|
رد: وانت رايح كثر الفضايح *_*
وفيه واحد ماشاء الله عليه مو سهل في المنتدى
رفع تقييمي اليوم بستمائه نقطه مره وحده يعني شخص واحد عملي تقييم ومره وحده وارتفع تقييمي من 700 الى 1300 وعاد المشكله ماكتب اسمه عشان اتشكره  وهاذا يجعلني ان شاء الله احاول اكتب اكثر والله يسعدكم |
|
|
|
2011- 6- 9
|
#7 |
|
أكـاديـمـي ذهـبـي
|
رد: وانت رايح كثر الفضايح *_*
ونرجع عاد لسالفتنا الأولى وبعد ماجلست وحسيت اني منهان من هالشويب الي متكي عندنا اكتشفت بعدها ان هالشايب يصير ابوي عاد وش اسوي وانا وش عرفن توي طالع وماعرف شي وبعدين وش هالأبو الي يذب على ولده وين عطف الأبوه وين الرحمه والشفقه يالله الشكوى لله وشوي الا تجي امي وتسدحن على بطني وتكب على ظهري بودره قلت افا حتى انتي يايمه وش هالعائله الزاحفه وش الي قردن وأطلع عندهم والله لو اني طالع كنغر أصرف المهم قلت بس شكلهم من يوم حطوا البودره ناوين يفرقون على ظهري ويلعبون كيرم ويوم شفت الوضع تأزم وارتفع ضغطي قلت مالي الا اني انام وان شاء الله يحلها الف حلال
|
|
|
|
2011- 6- 9
|
#8 |
|
أكـاديـمـي ذهـبـي
|
رد: وانت رايح كثر الفضايح *_*
حياكم الله جميعاً
واليوم الخميس وان شاء الله الجميع مبسوط ومروق والله يبعد عنا وعن الجميع ضيقة الصدر والهموم ويالله بحاول اتذكر تكملة السالفه ( تخبرون تراها قديمه انا تراني من الأولين *_* ) والله يومي صغير أذكر ( هاذي جد طبعاً ) اذكر وانا صغير كنت دايم اسمع سوالف بعدين يقولون هاذي سالفه من ايام الأولين عاد كنت متوقع ان الأولين شي عجيب واذكر استقعدت لأبوي اسئله ( يبه انت من الأولين ) ههههههههه وطبعاً أي واحد ماوده يكبر نفسه وانا متوقع ان الاولين يعني ناس معروف زمنهم ووقتهم ماكنت اعرف انا انها كلها كم سنه واصير انا من الأولين |
|
|
|
2011- 6- 9
|
#9 |
|
أكـاديـمـي ذهـبـي
|
رد: وانت رايح كثر الفضايح *_*
المهم بعد ماصحيت من النوم وحسيت ان مافيه احد يلعب على ظهري قلت شكلهم شالوا الحبوب وملوا من لعب الكيرم عاد حصلت نفسي راكب من الوالد والوالده في السياره وداعسين بي قلت الله يسهل وأتنحنح والحمد لله فهمتها الوالده وتسد خشتي بقرقورة الحليب وبعدها اسمع الوالده تقول والله اني خايفه على الولد ( لايسخن ) فرد عليها الوالد وقال ماعليه ان شاء الله لازم اليوم نقطعه يوم سمعت هالكلمه وتخنقن العبره قلت وين من جد وش هالعائله المهابيل يالله وش هالحظ الدمار الي طلعن عندهم مامدان اعيش توي مالي الا كم يوم طالع لدنيا عالطول بينهون حياتي ماتهنيت بهالدنيا ابد وماشربت ببسي ولا فحطت ولا سويت شي يعني حرام عالطول اروح فيها المهم قلت مالي الا اني انحاش واحاول احرك هالرجلين الا مافيه امل يتحركون قلت شكلهن معكوسات او اني ماعرف اشغلهم وش الحل ياولد مالي الا الصبر وصلنا لمكان ونزلنا ودخلنا واسمع مصري داخل يقول بسم الله ( طراااااخ أكلتك امك يافتى ) الله يرجه هالمصري جالس ( يطهر بزارين هالعالم عند الباب بدون ماتدخل المستشفى *_* ) وتمت العمليه ورجعت مع اهلي وانا زعلان عليهم بس مبسوط اني مازلت موجود قلت عاد مالي الا اني انام شوي ونمت واخذت لي قيلوله
 |
|
|
|
2011- 6- 11
|
#10 |
|
أكـاديـمـي ذهـبـي
|
رد: وانت رايح كثر الفضايح *_*
اليوم السبت
سمعنا ان اليوم رح تبداء بخروج النتائج والى الأن لم يخرج شي والله يجيب العواقب سليمه *_* |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لقد تعب كثيرون لاتمام هذا العمل رجاء لا يقف عندك / أدعيه وأذكار | ليلة جمر | ارشيف التربية الخاصة | 14 | 2011- 5- 9 11:56 PM |
| مررها الخير فيها وضح | رتووووش | ملتقى المواضيع العامة | 2 | 2011- 4- 30 10:13 PM |
| لقد تعب كثيرون لاتمام هذا العمل رجاء لا يقف عندك / أدعيه وأذكار | ليلة جمر | ملتقى المواضيع العامة | 4 | 2011- 4- 27 09:13 AM |
| لقيطه تحكي يوميات الإنسان اليتيم | أمير القلب | ملتقى الفنون الأدبية | 25 | 2011- 2- 21 12:00 PM |
| جوال منطقة الرياض يتجاوب معــنا | رنو | ملتقى طلاب التعليم عن بعد جامعة الملك فيصل | 13 | 2011- 2- 17 02:15 AM |
