صدفـــــــــــــــــــــــة...............؟؟

[رتووووش]

الشوق ماله عمر , يفنى وينعاد
..............له في الضلوع أن عاد وأن غاب رجفه

مع كل فرقا , له ورى الجفن ميلاد
........................وأن ماتت الفرقا لقى الشوق حتفه

جيت أقتل الفرقا من بلاد لــ بلاد
........................ملّ الطريق يشيلني فوق كتفه

وأنا بعد مليت من كثر ما أرتاد
........................هالشارع اللي كان لك فيه شرفه

تظمأ عيوني شوفك , وتشبع سهاد
........................عيّا الزمن يقطع ظماها بــ رشفه

لاوجهك أسقاها , ولا ذاقت رقاد
........................ماغير طيفك , طيفك اللي أعرفه

كنّه ظبي , وعيوني ظلال صيـاد
........................يجفل قبل يرتد للجفن طرفه

مشكلته أنه كل ما أشتقت يزداد
........................حتى ملا جدران وقتي وسقفه

وأصبحت أشوفه فــ أول الغيم لاجاد
........................وفــ أقصى الشفق لاطاحت الشمس خلفه

وفـي الأرض لانامت عقب صوت رعاد
........................وفي كل شباك ٍ صحت منه درفه

أتعبت طيفك لوم , واللوم مافاد
........................ويوم الأمل في شوفتك مات نصفه

نويت أسافر عنك بجروح ٍ جداد
........................وعمر ٍ من أوراق الزمن حان قطفه

نويت , لكن جابني الشوق منقاد
........................وجابك حنينك , والزمن سال عطفه

شفتك تبــسّـم لي خجل مدري عناد
........................وفي نظرتك شوق ٍ من الظلم وصفه

حسيت كني طفل , وعيونك أعياد
........................ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
........................أنا أنتظرتك , وأنت مريت صدفه

[العشق]

رووووووووووووووووعه

يستاهل التقيييم صراحه

يعطيك العافيه

تقبل مرووري /العشق

[رتووووش]

شاكر ومقدر مروووووووووووووووووووووووووورك وتقييمك

والف شكر لك اختي على المرور المميز

[احـ الزمن ـزان]

روعــــــ تسلم يمينك ــــــــــه
ابيات جميله.,,
بأنتظار جديدك

[رتووووش]

اختي احزان الزمن اشكرك على المروووووووووووووووووووووووووور المميز

[واحد ماله مكرر]

رتووووووووووووش مبدع وبدون مجامله


ويستاهل التقييم

[رتووووش]

تستاهل الف عافيه اخوووووووووووووي ماله مكرر
وتحياتي لك ولمروووووووووووووووووووووووووووورك

[أنين]

تسلم الايادي على هذا الابداع...

[الْجَمُوحِ]

تسلم يمناآك

أنتقاآء أكثر من راآئع

دمت

[رتووووش]

انين شاكر مروووووووووووووووووووووووووووووووووورك الغير عادي

عنوووووووووووووووودي تشكراتي لك وتحياتي للجميع