هام جـــــــــــــــــــــــــــــــــــــداا جداا

[طالبه جامعيه E]

مساكم ورد وفل
اخواني اخواتي انا عندي اقتراح مهم جدا بخصوص المحاضرات المباشره وحل لمشكلتها جذريا
ولواني اشوف ان مالها داعي بس احراج على الدكاتره من الطالبات واسألت بعض البنات الي مالها داعي......
عشان يرتاحوا ويريحونا حرام من الظهروحنا على الجهاز
الحين الي عنده سؤال او استفسار مهم موماله داعي سواء الطلاب اوالطالبات يرسلوها للدكتور وهو يشوف الي مهم منها ويجاوب عليها محاضره مسجله لان حرام صراحه مافي مجال ندخل بس رفعة ظغط تقولوالي طيب مافيها مشكله بتنزل محاضره مسجله طيب مالها داعي من البدايه اذا بتنزل مسجله لذلك ان افضل الغاءها وبيكون في ارقام خاصه لكل دكتور يعني محلوله محلوله وش رايكم

[mEEm00]

انا عن نفسي اشوف انه نظام حلو يعني تحسين انك طالبة صدق وقاعدة تسألين الدكتور

انا كنت مقهورة مثلك لما ماقدرت ادخل المحاضرة حقت التذوق الادبي والانجليزي

بس الحمد لله قدرت ادخل محاضرة الفقه

وحسيت باحساس حلو لما دخلتها وسئلت الدكتور

مو بس انا الي ارتحت اكيد كل البنات الي دخلوا المحاضرة استفادوا وارتاحوا اكيد

انتي لا تيئسين حاولي تدخلين بكرة وان شالله تقدرين

حملي برنامج الجافا وتأكدي انك ثبتيه بالجهاز

[حياة الرووح]

لا لا طالبه انا مو معاج

بصراحه انا ماكنت مرتاحه لمذاكرة الماده وماكنت حابه الدكتور كلش كللللش

بس سبحان الله بعد المحاضره المباشره حبيت الماده وحبيت الدكتور وحاسه نفسي اذاكر الحين الحين

خصوصا بعد ماسألته

يبسط كل شي وفعلا يطمن القلب

[حياة الرووح]

بس شنو المطلوب

مجرد تقسيم لمجموعات ومافيها شي لو يتعب الدكتور علشاننا شوي

يعني بدال محاضره وحده للبنات ووحده للشباب


تصير 4 مجموعات بنات و5 مجموعات شباب لانهم اكثر

على سبيل المثال

وجذي تخف الزحمه ويخف الضغط

والكل يدخل

[طالبه جامعيه E]

ادري وافهم بس احسها تضييع وقت اقول لكم ليش لانه ياحبيباتي من الظهر على الجهاز ونحاول ندخل طيب بدل كذا اخذلي كم محاضره موازين؟؟؟احس وقتي ضاع عشان كيذا مقهوره موعشان ماسألت الدكتورفهمتوني وبعدين في بنات دخلوا معاكم يقولوا يقولواان في بنات سألوا أسأله مالها داعي طفشوا الدكتورطيب ليه من اول المحاضره الى النهايه سؤال او اثنين بس بتغيير الصيغه شنو الفايده

[حياة الرووح]

المشاركة الأصلية كتبت بواسطة طالبه جامعيه e

ادري وافهم بس احسها تضييع وقت اقول لكم ليش لانه ياحبيباتي من الظهر على الجهاز ونحاول ندخل طيب بدل كذا اخذلي كم محاضره موازين؟؟؟احس وقتي ضاع عشان كيذا مقهوره موعشان ماسألت الدكتورفهمتوني وبعدين في بنات دخلوا معاكم يقولوا يقولواان في بنات سألوا أسأله مالها داعي طفشوا الدكتورطيب ليه من اول المحاضره الى النهايه سؤال او اثنين بس بتغيير الصيغه شنو الفايده

اي صح معاج حق كلنا ضاع وقتنا بس نفس ماقلت لج السبب بضياع الوقت مو المحاضره


لان المحاضره مدتها ساعه بسس ساعه وحده لكن السبب بالضغط على السيرفر الوحده تقعد قبل الموعد بساعه على شان تضمن دخولها قبل الزحمه ومع هذا تقضي ساعة المحاضره كلها واهي تحاول محاولات فاشله للدخول


بسبب الضغط على السيرفر << السكه >> لو يضبطون السيرفر ويقسمون الطلبه والطالبات مجموعات تنحل المشكله ومايصير فيه وقت ضايع

بوقتها تقدر تجي الطالبه بساعة المحاضره وتدخل عادي وتطلع متى ماحبت تطلع

واللي ماتبي من اول الوقت تقدر تدخل اخر ربع ساعه من المحاضره وبكل سهوله لانه ماراح يكون فيه ضغط على السيرفر


افهميني الشغله مو المحاضرات الشغله يبيلها شوية تعديلات وتمشي الامور

والسيرفر هذا مو ببلاش >> يبيله الواحد يبحبح شوي

وشغلة المجموعات يعني الدكتور راح يلزم بدل المحاضرتين ب 7 او 8 محاضرات

وهذا اللي مخليهم مضيقينها علينا :s9:

[خالد م العتيبي]

يابنت الحلال قسم بالله نتقاط ونوسع الرسيفر هذا الي تقولون عنه اجيبلهم عمال باكستانيين ويشتغلون لو يبون من الليله بس تخف الزحمه عن الرياض
واحد فاهم الشغله غلط
والله مومني من القهر قسم بالله ولا محاضرة قدرت ادخل فيها الله يخارجنا ويعدي هذا الترم على خير :d1:

[خالد م العتيبي]

على فكرة اقتراح حلو يلغون المحاضرات ويعتمدون الاسأله لدكتور عن طريق الايميل او التلفون احسن والله مضيعه وقت على الفاضي وانا اييد الخت في اقتراحها الله يكتب اجرها ولايحرمها الجنه وينجحها ويوفقها ويستر عليها

[ابوالجوهره]

انا مع اخوي خالد انتي اليوم دخلتي محاضرة الفقه لكن بكره بتقدرين تدخلين واذا ما قدرتي تدخلين بتقولين نفس كلامنا يعني هيا هيا كلنا رايحين فيها رايحين فيها

والسؤال الي يطرح نفسه وين المحاضرات المباشرة نحصلها بعد التسجيل

[طالبه جامعيه E]

شكرا اخوي خالد