 |
|
||||||
| منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
 |
|
|
أدوات الموضوع |
|
#1
2011- 1- 17
|
||||
|
||||
|
عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
~ السلام عليكم ورحمة الله وبركاتهـ , موضوع رآئع وممتع ومفيد .. لنكون اكثر تفآؤل .. آنا متأكدة انكم رآح تستفيدوا منه .. لانه بجد موضوع ولا أروع ،، وآنآ شخصيآً قرآته وبجد آستفدت منه ،، جزاها الله خير كآتبة الموضوع .. والله يسعدهآإ دنيآ وأخره ،، ** ساره : وش وش تعريف النظام ؟ لمـى : ساره قلت لك إياه مرتين النظام هو : مجموعة القواعد العامهـ ... ساره : مجموعة القواعد .. الإيش؟ لمى : يووه وش قصتك إنتي ؟ ساره : يـ أختي قلت لك صعب صعب مستحيل ينحفظ ،، لمى : لا موب صعب انتي متخيلته صعب ويمكن ما يجي بعد الإمتحان لمى : جانا النظام ,, هاه بشري تذكرتيه ؟ سارهـ : لا حاولت بس احسه طار من مخي قلت لك صعب ما ينحفظ ،، ** كيف الحآل عسآكم بخير ..، وكيف حوسة الاختبآرآت والقلق الله يعينــآ يآرب ويسهل لنــآ آجمعين ,, كثير مننا يصيرله مثل موقف ساره نحط ببالنا انو هالشي صعب وخلاص بعدها ما نقدر نستوعبه ،، تدروا ليه ؟ لانو هالفكره اوحيناها لعقلنا الباطن وسجل عنده ان هالشي صعب فتلقائياً اول ما يقابلنا ترسل لنا الرساله الي سجلناها " صعب ما ينحفظ " وفعلاً ماراح نقدر نحفظه مهما حاولنا ,, حابه اتكلم معاكم عن شي فينـا بس مغمور مسكين محد يهتم فيه الآ وهو " العقل الباطني " ( اللاوعي ) للأسف كثير مننا مهمله وما يدري انه مركز طاقه ضخم جداً تخيلو معاي ان كل واحد مننا جواته كنز له لوحده قادر يآخذ منه بالكميات الي يبيهـا وبأي وقت بدون لاينقص ! شي خيالي بس هو واقع خلونا نعرفه سوا ،،  نعرف ان العقل الباطني مو شي محسوس يعني لا هو المخ ولا العقل الواعي العقل الباطني هو مركز " العواطف \ الإنفعالات \ ومخزن الذاكرهـ \ مركز الإبداع " تخيلوا ان عندكم قطعه أرض كبيره وتبون تزرعونها شي طبيعي انو لو اخترنا برتقال بيطلع برتقال موب طالع لنـا تفاح ! عقلنـا الباطني زي هالقطعه بالضبط الي تبيه يطلع لك ازرعه فيه ،، * معنى هيكـ انو عندنا عقلين ؟! اي نعم واحد موجود الي هو " العقل الواعي " وهذا مسؤول عن القرارات اليوميه والي تعودنا عليهــا ،، والبطل ( نفسي أو حسي ) " العقل الباطني " مسؤول عن مواجهة المواقف المفاجأه بس تراهم اصدقاء بالحيل ,, لو عرفنا نوازن بينهم راح يشتغلون سوا بإنسجام وهدوء وراح نتفاجأ بالنتايج العقل الباطني : راح تكون مهمته ارسال الإيحاءات الي تخزنت فيه لـ العقل الواعي مثلاً " بأحل كويس " العقل الواعي : ينفذ وراح يكون حلنا كويس فعلاً  عن طريق الإيحــاء والإيحـاء : هو عملية عقليه نتقبل من خلالها الفكره الي اوحيناها لأنفسنـا الإيحاءات الي نرسلهـا لعقلنا الباطني هي الي تتحكم بمسار يومنــا بكيف راح نقدم البرزنتيشن تبعنــا ,, بكيف راح نجتاز المقابلة الشخصيه بـ وبـ ,,, العقل الباطني رآئع ،، التعديل الأخير تم بواسطة اميره 111 ; 2011- 1- 17 الساعة 11:43 PM 
|
|
2011- 1- 17
|
#2 |
|
أكـاديـمـي ألـمـاسـي
|
رد: عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
مآشآء الله عليكـ كلآمكـ يريح آلنفسسسس
 ذكرتيني بـ نفسي آليوم لمآ دخلت آلإختبآر وشفت آلأسئلهـ  وقلت يآبنت سوي إيحآء إيجآبي لـ عقلكـ آلبآطن  وأجلس أقول لـ نفسي بـ إذن الله بـ أحل زين ورآح أنجح  وأقول آلأسئلهـ سهلهـ سهلهـ سهلهـ سسسسسهلهـ مآدريت إلآ عقلي آلبآطن يقول الله يرحم وآلديكـ تضحكين على مين يآمآمآ حلي وروقينآ بس  إقتنعت إن كلية آلأدآب مآينفع معهآ إيحآء ولآ همممم يحزنوووووون معليش جآيهـ أطلع حرتي بـ موضوعكـ الله يوفقكـ يآرب وعسى حيآتكـ كلهآ إيجآبيهـ  مشكورهـ ع ـآلموضوع .. |
|
|
|
2011- 1- 17
|
#3 |
|
أكـاديـمـي فـعّـال
|
رد: عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
 بكل شي ،، خلونا نشوف مع بعض ،،  بحكي لكم موقف صار للكآتبة شخصياً ،، السمستر الي فات كانت اول مره اقدم برزنتيشن قدام عدد كبير كان الحضور فوق 100 نفره ,, وكنت أمثل قسمي الموقف ضخم ويخووف ،، بالبدايه سمحت للخوف يدخلني والله لا يوريكم يديني بدت ترجف صرت اتنفس بسرعه ! وكان باقي على تقديمي 10 دقايق بس حسيت كل الكلام طار ,, حسيت صوتي موب طالع استأذنت من القروب الي معاي وطلعت برا القاعهـ ,, جلست على كرسي لوحدي غمضت عيوني وبديت اتنفس بهدوء ,, لما هديت شوي بديت اشتغل على المرحلة الثانيه الي هي اني ارسل رسايل ايحاء ايجابيه لعقلي " ربي معاي , , انا متدربه قبل ,, انا قادره اعملهـا ,, الحين بدخل بهدوء بآخذ نفس عميق وببدأ وبيكون صوتي واضح وبقدم بشكل رائع بإذن الله " شوي الا مناديني جاء وقتي ,, ما سمحت لنفسي ارتبك واضيع الي عملته دخلت بهدوء وفعلاً كل الي اوحيته لعقلي تم ولله الحمد وكان العرض رائع بفضل من الله بحالتي الأولى كان راح يطلع عرض سيء وراح اخيب ظن الناس الي وثقت فيني ورشحتني كنت مضطره اسوي تغيير والي هو كان عن طريق " الإيحاء الإيجابي " |
|
|
|
2011- 1- 17
|
#4 |
|
أكـاديـمـي فـعّـال
|
رد: عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
 خالد موظف في البنك راتبه 7 الآف زوجته أريج كل يوم تزن على راسه تبي ساعه من الدهام مثل أحلى من ساعة بنت عمها على العشاء جالسين عند التليفزيون هي وخالد تبدأ موال كل يوم أريج : خالد حبيبي تذكر الموضوع الي كلمتك فيه امس خالد ( مسوي مركز مع التي في كودها تهون ) : اي موضوع أريج : الساعهـ يووه نسييت خالد : هـاه اي ساعه أريج : اي استدلخ لي يعني اني ماني فاهم أصلاً انت كذا تدور الي يغثني لو شايف نوفوه وهي تقلب يدها يمين وشمال تبينا نشوف الساعه ما سويت فيني كذا خالد : اسوي فيك ايش ؟ انت ما تقدرين ظروفي راتبي 7 الآف وتبين ساعه بـ 10 يعني بتصفرين الراتب وتبين فوقه ثلاثة الآف كمان ارحميني أريج : أرحمك من ايش انت الي ارحمني من عيشة الفقر الي معيشني اياهـا العالم سفرات ومجوهرات وفساتين كل واحد اغلى من الثاني وانا يا حظي بس خالد : ياحظك اجل احمدي ربك غيرك يحسدك على العيشة الي انتي فيهـا أريج : يحسدني على وشو ياحظي على الخدم والحشم الي ماليين بيتي خلنا ساكتين بس خالد : أوف منكـ حرمه نكد نكد طععععع<< صوت الباب يطلع من البيت معصب وموصل حده يدق على صديقهـ عمر ويتقابلون يحكي له السالفه كلهـا عمر : طيب ليش ما تحاول تضبط اعصابك خالد : اضبط أعصابي ! تستهبل انت عقب الي قلته لك تقول لي اضبط اعصابي تحمد ربها ما كفختها عمر : اوف اوف كل هذا عشان ساعه يا سيدي وربي ما تسوى خالد : وربي عارف انها ما تسوى وانا مليت كل يوم نتخانق على هالساعهـ الله لايعيدها عمر : طيب راح اقول لك على طريقه بتريحك حكى عمر لخالد عن الايحاء وعطاهـ جمل يرددها قبل لا يرد على زوجتهـ من بكرا أريج تجلس جمب خالد " تبي تبدأ الهجوم على هـ المسيكين " خالد يكلم عقلهـ : " الحين بتحاكيني عن الساعهـ , , بخليها تكمل كلامها وبجاريهـا ,, بنهي الموضوع على خير ,, وهالليلهـ ما راح نتخانق بإذن الله " أريج : خلود عمري فكرت أمس بالي قلت لك عليه يعني يرضيك زوجة خالد ما تتكشخ بساعة جديده شف شف بالله موب هاليد الحلوهـ تستاهل ساعه حلوه ،، خالد ( خلاها تكمل كلامها ولف بهدوء عليهـا ) : فعلاً وتستاهل أكثر كمان يـ قلبي خلاص وعد ان ربي سهلها اجيب لك احلى من ساعة نوف بمليون مرره أريج : صدق ربي يخليك لي ولا يحرمني منكـ كان ممكن خالد يتنرفز يرد زي كل مره وتنقلب نكد لكن هالمره اوحى لنفسه قبل لا يبدأ حكي انه ماراح ينفعل ويبي هالليله تعدي على خير وفعلاً تم الي يبيه ،، |
|
|
|
2011- 1- 17
|
#5 |
|
أكـاديـمـي فـعّـال
|
رد: عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
 قدامها ورقة الإمتحان تغمض عبير عيونها شوي وتبدأ تكلم عقلهـا ،، " ربي معاي ,, تعبي ماراح يضيع إن شاء الله ,, أنــا ذاكرت كويس ,, لميت بكل جزيئات الكتاب اي شي يجي بعرفه إن شاء الله ,, هدوء عبير الشاطره ونقول بسم الله " تفتح قلمهـا وتبدأ تكتب اسمهـا تحل بكل هدوء وتسلم ورقتهـا تطلع نتايج الامتحان عبير أعلى وحدهـ بالشعبهـ ! ليه ؟ بسب الرسايل الإيجابيه الي ارسلتها عبير لعقلهـا ،،  يوم السبت الساعهـ 6 مرام تقوم على صوت المنبه تجلس في سريرهـا شوي تآخذ نفس عميق وتقول " يومي حلو بإذن الله " وتنهي جملتهـا بإبتسامه ،، تروح على الجامعه كل شي حولي صاير حلو وتتقبله المحاضرات تستمتع فيهـا صاحباتها يقولون لهـا ماشاء الله منور اليوم وجهك يـ مرام ترجع من الجامعه تفتح النت تلاقي موضوع كاتبته أمس تثبت ! ماما عملت لهـا الأكله الي تحبهـا ،، على المغرب تعمل كيكه لاول مرهـ وتضبط ! تنسدح على سريرهـا تفكر بيومهـا الي كان كلهـ مليان مفاجأت حلوه نست الي سوته الصباح قل لا تقوم من سريرهـا فجأه تذكرته وتوعد نفسها انها كل يوم راح تعمله ,, في مكان آخر الساعه 6 يدق منبه حنان تلف بنفخه وتسكره بعد عشر دقايق يدق مره ثانيه تمسك الجوال وترميه " يوووووووووووه حتى انت ما تتركني انام " تفتح عليهـا أمها الباب يالله حنان تأخرتي ! يالله ابو القرف وش ذا اليوم الي موب نافع من أوله بطريق الجامعه ينزحم الخط حنان : كملت ! ناقصتكم انا تدخل الجامعه فاتتها المحاضره الأولى صاحباتها " وش فيكـ حنان شكلك اليوم مو حلو ابد " بـ المحاضرات تحس الوقت بطيييييء ترجع البيت تبي تفتح النت النت خربان << والله انها ازمهـ تنزل تبي تتغدا أهلهـا مسوين سمك وهي عندها حساسيه منه تطلع لغرفتهـا " وش ذا اليوم المعفن " على المغربيه تبي تعمل لهـا خفايف وتحرقهـا ! بـ الليل تنسدح تبي تنام وتفكر بيومهـا الي كان سيء لأبعد الحدود تتذكر كيف قامت الصباح وايش قالت وتوعد نفسهـا انها ما تتكررها عشان ما ينعاد مثل هاليوم الفرق بين المثالين " جمله " انقالت مع بداية اليوم وتحكمت بمسار اليوم كله ،، |
|
|
|
2011- 1- 17
|
#6 |
|
أكـاديـمـي فـعّـال
|
رد: عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
 تعرفون لما نبدأ نعمل سبورت ونبغى نسوي تمرين معين اول شي نبدأ بـ خمس مرات ,, بعد يومين نخليهم سبع ,, بعد يومين 10 وكذا لين نوصل لـ 15 مع عقلنـا الباطني وعشان نخليه يخدمنا على أكمل وجه لازم نبدأ حبه حبه ،، نبدأ بالأشياء الي حولنـا ونختار الحاجات البسيطه جداول الفايلنز عملتوها ؟ الي عملها والي ما عملهـا احرصوا تحطون بنهايتهـا جمله تأثر فيكم وتحبونها واهم شي تكون محفزه لكم ،، مثل " قطرة المطر تحفر في الصخر .. ليس بالعنف ولكن بالتكرار " " قضت الحياة أن يكون النصر لمن يحتمل الضربات لا لمن يضربها " " أن المتسلق الجيـد يركـز على هدفه ولا ينظـر إلى الأسفل " " انا أحاول .. وأحاول .. ولا أيأس فـ أليــأس قوة الضعفاء .. " " أن اشد الصعاب تهون بابتسامه إنسـان واثق .. " " لن ينكسر قارب الحياة على صخرة اليأس مادام هناك مجداف اسمه الأمــل " |
|
|
|
2011- 1- 17
|
#7 |
|
أكـاديـمـي فـعّـال
|
رد: عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
قبل لانمسكـ الكتاب خلونا ندردش مع عقلونا شويه ،، " اليوم بذاكر قانون إداري ,, الدكتوره واعدتنا بأسئله سهله ,, المادهـ ممتعه وفيها جوانب حلوه ,, الحين الساعهـ 9 الصباح ومعاي وقت طويل وبخلصه بإذن الله " وورقة الإمتحان قدامنـا ،، خلونا نكون هاديين ونآخذ وقتنــا الاستعجال والربكه تضيع كل اللي عملناه ،، " نقرأ المعوذات ,, نشوف وش اخبار عقولنا مستعدين ,, انا بطله وببدع بإذن الرحمن ,, " ونقول بسم الله ونبلش وبإذن الله دربكم خضر ،، العواطليه ،، بدل ما يكون اليوم ممل والروتين يذبحكم الصباح قبل لا تقومون من اسرتكم ابتسموا حاكوا عقولكم ،، " اليوم بسوي حاجات حلوهـ " وصدقوني لو تعيدون نفس الحاجات الي تعملونها كل يوم بتحسونها حلوه وبتستمتعون فيهآ ،، قواعد مهمه : العقل الباطني مثل الإسفنجه اي شي بنحط فيه بيمتصه ،، لذلك لما نبدأ بالإيحاء وارسال الرسايل له لازم نركز على اننا ما نحط كلمات الاحتمال بجملنا لانه يعكسها " لا " مثل " بسوي كيكه ويمكن تضبط ما اعرفش " يمكن ذي تنقلب "ماراح تضبط " 1 - رسايلنا للعقل الباطني لازم تكون عباراتهـا " حازمه \ جديه \ واثقه " 2 - لازم نذكر كل التفاصيل " بدخل مكتبي بهدوء ,, بصبح على الموجودين ,, بصلح قهوتي وبشربهـا بروقان ,, وابدأ يومي الحلو بإذن الله " يعني نحرص اننا نذكر كل الخطوات الي بنسويهـا عشان العقل تلقائياً اول ما نبدأ بأول خطوهـ " بدخل مكتبي بهدوء " ينفذ كل السلسه الي بعدها بنفس الترتيب وبنفس ردود الفعل الي خزناها بعقلنــا ،، 3 - العقل الباطني كمخه ،، كمخه = طيب جداً وينلعب عليه لذلك استغلوه كل استغلال ،، 4 - ( مستحيل \ صعب \ طويل ) كلمات لازم تنمسح من قواميسنــا لانو بالفعل ما فيه شي مستحيل ( ايمان بالله \ ثقه بالنفس \ ثقه بالقدرات \ عزم \ اصرار ) وبنقلى هالمستحيل حقيقه قدامنـا وبنقدر عليه بعون الله هـ الموضوع الي تقرونه هو تجربه كمان للإيحاء الإيجابي اول ما فتحت البوكس والأفكار مسويه زحمه بعقلي كنت اقول " يووه بيطلع ملخبط ,, وطوويل يبي له وقت بخليه بعد الإمتحانات " بس بدلت كلامي " الموضوع وقته الحين ,, ارتب افكاري على جمب بعناوين رئيسية ،، وبعدها راح اكتب التفاصيل وبيطلع حلو بإذن الرحمن " وهذا هو والحمد لله تــم ,، والله يوفق الجميع يآرب ،، مودتي~ |
|
|
|
2011- 1- 17
|
#8 |
|
أكـاديـمـي فـعّـال
|
رد: عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
دعوووووووووووواتكم لي بالنجاآآح
|
|
|
|
2011- 1- 17
|
#9 | |
|
أكـاديـمـي فـعّـال
|
رد: عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
اميره111
موضوعك .gif "(204)") لي رجعه ان الله اراداقتباس:
للاسف عندي نفس التجربه الي ماتمت للايجابيه بصله عجزنا وحنا نقووول سهل واضح بسيط ولاشفنا الورقه ضاعت علومنا وهونا عالعموم تفألو بالخير تجدوه والله يوفق الجميع اميره |
|
|
|
|
2011- 1- 17
|
#10 | |
|
أكـاديـمـي فـعّـال
|
رد: عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..!
اقتباس:
والله معاك حق كليه الاداب لاينفع معهم لا ايحااء ولا حااقه  بس يلا ع الاقل < فيها اجر هالمذاكره 
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ جميع التخصصات ] : عندك اختبآرآت وحوسه .. ونفسيتك محطمه ..} أدخلي هنآإ .. رآح يعجبك ..! | اميره 111 | منتدى كلية الآداب بالدمام | 0 | 2011- 1- 17 11:32 PM |
| [ جميع التخصصات ] : أشكر إدارة الملتقى لتجديد الثقة ورفع الحظر .. | عبدالله الحضري | منتدى الأكاديمية الدولية للعلوم الصحية | 18 | 2011- 1- 13 12:52 AM |
| [ الدراسات الاسلامية ] : الفرقة الثالثة -مستوى خامس - انتساب يللا نوحد مجهوداتنا ونذاكر سوا | ام تالا | منتدى كلية الآداب بالدمام | 15 | 2011- 1- 6 02:56 PM |
| ممكن احد يجاوبني من طلاب الترم الثاني والثالث | ولد الشمال | ملتقى طلاب التعليم عن بعد جامعة الملك فيصل | 2 | 2010- 12- 22 05:33 PM |
