 |
|
||||||
| منتدى كلية العلوم و الآداب بالخفجي منتدى كلية العلوم و الآداب بالخفجي ; مساحة للتعاون و تبادل الخبرات بين طالبات كلية العلوم و الآداب بالخفجي و نقل آخر الأخبار و المستجدات . |
 |
|
|
أدوات الموضوع |
|
#1
2007- 9- 30
|
|||
|
|||
وين النظام ؟ ومن اللي يحطه ؟
السلام عليكم ورحمة الله وبركاته ...
 السلام عليكم جميعاً .. وبسم الله ابدأ ما بدأت فيه غاليتي ( طرف) على ما تفضلت وكتبت عنه في المشاركه الفائته .... ولكننا لا ننتهي عند نظام الدراسه فقط فسوف اتناول اليوم شئ اخر مهم وغريب :mh19: راح تسألوني وش هالشي .. وبقولكم هم النظام الغريييييييييب نظام ايش بالضبط ؟ نظام الإلتزام بالزي ؟؟ والغرامات الماديه في هذه الكلية الموقره ..::: ونظامها كالتالي :: بلوزه رماديه .او سودا . او بيضا . بيجي. فـــــقط وتنوره سوداء < ما قلنا شي .. ماشي ... بس وين المشكله هنا ... اننا لا جينا نلبس مثلاُ بلوزه رماديه وتحمل تدرجات الرمادي ..<< تمت مخالفتنا .. واضيف الى ذلك بلوزه بيضا وتحمل تقش اسود < تم مخالفتنا .. بيجي وتحمل تدرجات البيجي < تم ايضاَ مخالفتنا وبعد ذلك يوم تقول لهم انا وين مخالفه ؟ تقول لك والله افصلي الالوان عن بعض ؟؟ < وين الحق ؟؟ نصنع لهم سوق خااااااص ؟؟ اي مديل باللوزه ممنو ع .. ويقولون يمكن تدخلين داخل وتشيلين هاذا البلوزه ... خلونا من هاذا كله .... تعالو نشوف طريقة العقوبه او الجزاء كيف... انتي مخالفه ::: تدفعيييييييين خمسين ريال ولا مالك دخله للكيه !!!!! هل هاذا فعلاً هو النظام؟ من قبل جامعة الملك فيصل المعروفه ؟؟ نبغى اوراق تثبت هاذا الشي؟؟ انه ندفع الخمسين او يتم سحب الجهاز الجوال من اول الدوام لين اخره الى ان تدفعين المبلغ المطلوب؟؟ وبعد ذلك ينكرون ويقولون كل ما اشتكينا اننا كذابااااااااااات؟؟ هل هاذا معقول ووين تروح فلوسنا طيب...؟؟ من وين نجيب لهم سوق خاص؟ ووش فيها الالوان الاساسيه مثل؟ الكحلي؟والبني ؟ والزيتي هل هذه الالوان بعد ممنوعه من جامعة الملك فيصل ؟؟؟ طيب الجوال ؟؟ اذا كان بلوتوث من غير كاميرا تتم مصادرته ؟ هل هاذا ايضاً قرار من جامعة الملك فيصل غير هاذا وهذاك ؟؟ كيف لموظفات الامن ان يمدون يدينهم على البنات << وصلت للضرب والله العظيم يا جماعه ... اذا خالفت البنت داخل فناء الكليه يركضون عليها ويرشون عليها ماده اللي هي البخاخ بويا ؛؛ << صارت قدامي في بنت عندها ربو قالت لهم عندي ربو ولا رحموها ورشو على بلوزتها بما فيها رقبتها وشعرها واضطرت البنت انها تقص شعرها بعد ذلك .؟؟؟ هل هاذا مسموووووووووح؟:bngo12: وكم وكم غيرها .. وينكرووووووووون < هاذا اللي مجنني بالصحف والمجلات ينكرووون هالشي كله وايضاً اضيف الى ذلك وحده من صديقاتي .. كانت مخالفه ببلوزه خضراء عند باب الكليه على طلعة البيت شافوها وطلعو من الغرفة موظفات ألامن وقالت لها وحده ليش مخالفه قالت خالفت وانتهيت مسكتها وركت ظهرها على الجدار والله وانا ما قدرت اسوي اي شي بس اطالع وسحبتها من ظهرها البنت طبعاً لأن موظفت الامن دبلنا مرتين ما نقدر نسوي شي !! وانها سحبتها من يدها بعنف والله اني اذكر المنظر ..!! وصديقتي تقول ما قدرت اسوي شي غير اني ادف يدها وهي تدفني بقوه .وزوجها يرسل الشكاوي بهذه الحاله ولا مجيب ؟ ولا حياة لمن تنادي .. هل تعقل هذه الهمجيه؟ الى متى وليش ووين المسؤلين عننا ؟  هل مباح كل هاذا رش البويا والقوه وغيره غيره ؟ مانبي شي غير اننا نعرف هل هااذا مسموح في باقي الكليات ؟؟ ام كلية الخفجي المصون لها قرارات غيرررررر؟  حسبي الله ونعم الوكييييييل  اهدي صفحتي الى كل من يستطيع مد يد العون الينا .. بلسان طالبات كلية الخفجي الموقرة ... عنقاء اصيلة .. 
|
|
2007- 10- 1
|
#2 |
|
أكـاديـمـي
|
رد: وين النظام ؟ ومن اللي يحطه ؟
والله يالغاليه ما كذبتي بحررررررررررررررف واحد وانا اشهد على كل حرف كتبتيه ...
اذا انتي بهالكليه لاحظي الطريقه الهمجيه في العقاب ان تكون وحده تركض ورا البنت لين تمسكها وترش عليها هذي الماده ؟؟ يا جماعه حدث ولا حرج بهالكليه .. شوفي المرفقات .. الحمامات القاريين بكرامه من غيييييييير ماء .. حتى اننا ما نقدر نصلي في رمضا ن .. او غيره ... وغيره وغيره .. وين الميزانيه المخصصه ؟؟؟ وين النظافه .. لي موضوع عن قريب انشالله ... كلية الخفجي هاذي ... ليست مجرد كليه بصراحه .. والله حتى مصح نفسي يستحون يحطونها للمرضى حسبي الله ونعم الوكيل ... حسبي الله ونعم الوكيل ... تقبلو مروري ومافي قلبي اكثرواكثر.. |
|
|
|
2007- 10- 1
|
#3 |
|
مشرفة سابقة
|
رد: وين النظام ؟ ومن اللي يحطه ؟
يعطيك العافيه يا عنقااااااء
وكل كلامك صحيح ميه بالميه وربي اني كرهت اروح للكليه بسبب هالأنظمه الغريبه,,,,, لا وبعد جوالات البلوتوث اللي بدون كاميرا منعووووها وكل الموظفات هناك جوالاتهم كاميراااا وتخليوا اليوم وحده من صديقاتي جت متأخر بس قبل ما يقفلون باب الشارع واول ما جت تدخل تطردها حقت الامن وخلتها واقفه بالشااااااارع بالشمس وهي صايمه  وقفلت باب الكليه عليها وكان معاها بناات بعد وفتحت الباب الساعه 11 وخمس دقايق مع العلم صديقتي جت للكليه 10و11 دقيقه تخيلووووووووووووا بصراحه الكليه مافيها نظاااااام والعميده ماعندها ماعند جدتي >>هالعميده اللي ما اشوف وجهها الا بالسنه مرررررره وكل شي بيد موظفاات الشؤؤن والامن حتى الامن مسويين رعب للبنااااات وبكيفهم يدخلون البنات او يخلونهم برى الكليه واحياناً تجي وحده مخالفه بالزي ويدخلونها قدااااام عيوني ,,,,,,, وغيرها ما تدخل ليش ؟؟؟؟؟؟؟الله وحده اعلم بس الحمدالله اخر سنه لي بالكليه الزفت هذي وانشالله اتخرررج وارتاااااح والله يعين بااااقي البناااات تحياتي ,,,,,,,,,,,,,,,,وه بس |
|
|
|
2007- 10- 1
|
#4 |
|
مؤسس الملتقى
|
رد: وين النظام ؟ ومن اللي يحطه ؟
الله يكون بعونكن صراااحة أيش هالأنظمة ؟!! و بعدين مين سمح لهن يرشن على الطالبات هالبخاخ .. و أستغرب أن كيف أضطرت الطالبة تقص شعرها بسببه !!! هذا ظلم الي يسووونه الأمن ! طيب وين العميدة ؟ .. وين موقعها و تأثيرهاو قراراتها أكيد كل الي يصير يكون لها علم بيه .. هل هي راضية عن هالشي ؟ أتمنى ترفعن خطاب للعميدة بهذا الخصوص .. و ما تسكتن عن الحق و الله مهزلة الي يصير بكليتكن .. المشكلة حتى لو كان الحق معاكِ .. يطلعونك غلطانة !!! عشنا و شفنا .. سخافات و بعد في كليات تتبع التعليم العالي :003: |
|
التعديل الأخير تم بواسطة بـــو أحــمــد ; 2007- 10- 1 الساعة 03:45 AM |
|
|
|
|
2007- 10- 1
|
#5 |
|
مشرفة سابقة
|
رد: وين النظام ؟ ومن اللي يحطه ؟
والله يا ابو أحمد ان عميدتنا ما شفتها الحين شوف كم لي سنه ولا شفتها ولا احد يعرف وجهها ...
هي مصريه < والله ما اتكلم عن الجنسيه ممكن تكون كفو ... بس احنا ما شفنا شي وبالعربي .. ما تقدر تسوي لنا شي وكل ما اشتكينا .. وجبنا احد مسؤل يكلمها قالت كذب وما صااااااااار انا لله وانا اليه لراجعون ... وش نسوي بس .. انااقول لو يسكرون الاقسام اللي ما فيها معلمات مثل سنه اولى انجليزي والله ارحم لهم احسن ما يسكرونه كل سنه لمدة شهرين او ثلاث ... :praying: الله يعينا وبسسسسسسس |
|
|
|
2007- 10- 1
|
#6 |
|
مؤسس الملتقى
|
رد: وين النظام ؟ ومن اللي يحطه ؟
عنقاء أصيلة الله يكون بعونكم صرااااحة الشي الي صج يحز في الخاطر و يزعل لما نشوفهم يكذبونكم ... يمكن لما تكتبون في الجرايد و تفضحونهم يتحركون و يحسون .. أستغرب من عميدتكن .. كيف هي ما تداوم ؟! المفروض الواحد يحلل الراتب ألي يستلمه .. |
|
|
|
2007- 10- 1
|
#7 |
|
مشرفة سابقة
|
رد: وين النظام ؟ ومن اللي يحطه ؟
فيه مقال لعميدتنا السابقه في مجلة سيدتي والله ما اذكر اي عدد ..
بس كان ابو احد من البنات مشتكي على الجزاء اللي هو خمسين ريال للمخالفه ... والله يا انها ردت رد اووووووول مره نشوفه في الجريده .. قال ليه بناتنا يدفعون الخمسين وبأي حق انا بنتي دائماً على هاذا الحال ... ردت وقالت هاذا الكلام غير صحيح .. نحن ننبه في المره الأولى .. وفي المره الثانيه نأخذ اسمها فقط . وفي الثالثه نكتبها مخالفه والرابعه تعهد والخامسه نطلع ولي الأمر <<<<<<<<<<< وهاذا الكلام ما شفته الا بالجريده والله وحده من البنات قصتها من المجله وورتنا اننا انهبلنا ؟؟؟ :s3: كذذذذذب عيني عينك وعميدتنا الجديده نفس القديمه لا تفرق شي اللهم ان هاذي ما شفناها اساساً هي تداوم بس داخل غرفتها فــــــــــــقط ... طيب انا بس ابي اعرف ليه ما يحطون لنا سعوديه تفهم علينا .. نبي ذمه في الموضوع مهما كتبنا .............. ما اظن بيتغير شي فعلاً اكبر شرف اطلالتك يا ابو أحمد . عساك عالقوه لا عدمنا طلتك وتفاعلك |
|
التعديل الأخير تم بواسطة عنقاء أصيلة ; 2007- 10- 2 الساعة 01:14 AM |
|
|
|
|
2007- 10- 1
|
#8 |
|
مشرفة سابقة 
|
رد: وين النظام ؟ ومن اللي يحطه ؟
حسبي الله عليهم
شهالأسلوب حرام عليهم عاد احنا بفيصل الدمام مايسون هالسوالف البنات سنة أولى بس أول يوم ألتزموا بالزي وليوومج ولا وحدة تلتزم ولا احد يقول لنا شي بس انا الي فاك راسي سالفة الفلوووس حسبي الله عليهم لا تيأسون وحاولوا تشتكون مرة ومرتين ومليووون ويارب يلقون لكم حل لهالمهزلة الله يعينكم ياقلبي :011: |
|
|
|
2007- 10- 2
|
#9 |
|
مشرفة سابقة
|
رد: وين النظام ؟ ومن اللي يحطه ؟
يسلم لي هالتفاعل وهالمرور يا غاليتي ريم ...
وش نسوي ولمين نشتكي ما فيه فاكس ما ارسلناه للدمام .. ولكــــــــــن لا حياة لمن تنادي خليها على ربببببك .. كوني بود يا نقية :066: |
|
|
|
2007- 10- 2
|
#10 | |
|
:: أكــــاديـــمــي ::
|
رد: وين النظام ؟ ومن اللي يحطه ؟
اقتباس:
وستتوقف هذه المهزله بإذن الله . |
|
|
|
|
| مواقع النشر (المفضلة) |
| الكلمات الدلالية (Tags) |
| اللي, النظام, يحطه, ومن, وين |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| الموسوعة الكاملة للمذاكرة وحل مشاكلها .. للحصول على نسب في مراتب الشرف | اللامع | ملتقى المواضيع العامة | 74 | 2010- 9- 27 09:03 AM |
| اللي يعرف عن الاكاديمية العلوم الصحية؟ | mayah alhossain | ملتقى المواضيع العامة | 10 | 2008- 9- 9 11:12 PM |
| بعض اللقافة والكلمات اللي ترفع الضغط | أم زهراء | ملتقى الطلاب والطالبات الترفيهي | 7 | 2007- 7- 16 06:40 PM |
