استفسار

[fdot]

بسم الله الرحمن الرحيم
السلام عليكم ورحمة الله وبركاته
عندي استفسارات الله يعافيكم
وهو أن أنا حالياً أدرس بجامعة الملك فيصل سنة ثانية لي
لو أكملت دراستي فيها وانهيتها إن شاء الله على خير
واللي قعدة البيت تنتظرني بعدها
أقدر أدرس بكلية الجبيل باي تخصص مو مهم ؟؟؟ يعني كأي واحد مستجد
أبغي اكسب اللغة بشكل أعمق من اللي انا فيها وابغي يكون عندي مستقبل
المستقبل اهم شيء

وهل يعتمدون على نسبتي بالثانوية مع درجة الانجليزي
ولا راح يعتمدون على المعدل الجامعي النهائي؟؟؟
او انهم يعتمدون على أن لا يتعدى خمس سنوات من تخرجي من الثانوي
أو انهم يعتمدون على اختبارات من عندهم...

"بكل الحالات راح اجهد نفسي بأي واحد او الكل اذا كان يأهلني للانتساب الى هذي الكلية بانتظام"

وهل ستُحسب دراستي لو أمكن بالمجان ام بالرسوم؟؟؟

ولا... أكمل التحطيم اللي انا فيه...قبل لأتفائل فيه
يكفى التحطيمات اللي تحطمت فيها...لا تعد ولا تحصى

بالأخير
كان نفسي بدراسة مثل هذي الدراسة...تعتمد على الانجليزي واكسب علم مهم معاها
للاسف ما حصلت لي

لأني سمعت أن نسبة كبيرة انقبلت واطلعت منها بسبب الدراسة بالانجليزي
فأتمنى أنهم ما يفرطون فيني انا الطموح ويعوضوني عن اللي طلعوا
يمكن أنفعهم ... ):

اتمنى الرد بأسرع وقت ممكن إذا أمكن
أو إذا أمكنكم الاستفسار عنها في الكلية
لو سمحتوا...
والله يعافيكم
بالتوفيق للجميع يا رب

[fdot]

على الأقل خلوني استثناء عالمي في الدراسة

[بلآ وطن]

والله ياختي اعتقد انو تعيدين من اول

وجديد لان كليتنا دراستها انقليزيه ولازم

الطالب يبدى من الصفر .. واما عن نسبة الثنوي

فاعتمادهم على اللغه الانجليزيه والرياضيات اكثر شيء

فاذا شهادتك الثانويه مضى عليها اكثر من خمس سنين

يمكن ماراح تنقبلين .. لكن اختي الله يوفقك وان شاء الله تدرسين فيها

والشخص الطموح هو اللي يتمنى هذا النوع من الدراسه مو ينحاش منها

وباين عليك تحبين العلم والاجتهاد .. فمالك الا الدعاء وقدمي عليهم

وتوكلي على الله وبتنحل امورك ان شاء الله

[LAMA9]

المشاركة الأصلية كتبت بواسطة fdot

وهو أن أنا حالياً أدرس بجامعة الملك فيصل سنة ثانية لي
لو أكملت دراستي فيها وانهيتها إن شاء الله على خير
واللي قعدة البيت تنتظرني بعدها
أقدر أدرس بكلية الجبيل باي تخصص مو مهم ؟؟؟ يعني كأي واحد مستجد

عفواً صار عندي التباس

تنهين دراسه في جامعه الملك فيصل
و بعد ماتخلصين تدرسين في كليه الجبيل ؟

[fdot]

يعطيكِ العافية حبيبتي بلا وطن على ردك الرائع
وأنا أعرف أن علي أني أعيد من أول سنة وهذا المطلوب
بكذا اكتسبت علوم وراح اكتسب تخصص آخر من هذي الكلية بالإضافة إلى اللغة الإنجليزية
يعني أستغل كل علم أتمكن من الحصول عليه<<<وحدة طموحة وطماعة في كل شيء وعلم
الله يوفقك وياي يا رب
وإن شاء الله ما تعدي شهادتي عن الخمس سنوات وتجيني فرصة يا رب
إن شاء الله اختي
والله يعافيك ويرزقك من حيث لا تحتسبي
------
لمى
أي يا حبيبتي
ادرس في الكلية بعد ما انتهي من دراستي في الجامعة
الله يوفقك يا رب ويرزقك من حيث لا تحتسبي
والله يعطيكِ ألف عافية على ردك الرائع واهتمامك انتِ وبلا وطن

أختكم

[LAMA9]

ما ودي اكسر مجادييفك لكن ما تتعدى شهادة الثانويه 4 سنوات

والاهم : هل تقدرين تجمعين تخصصين بكالوريوس ؟
ما ادري اذا الكليه الجامعيه تقبل
والاغلب نادراً الجامعات تقبل هالشيء

و الدراسه بالمجان ولا فيه انتساب

طيب فكري بالماستر افضل من ناحيه الطموح < مجرد رأي لا اكثر

موفقه ي رب

[جـُلـّنار]

أختي طيب انتي قدمي السنه الجاية
وانتظمي عندنا اذا حابه

لأنه نادراً جامعات تقبل شهادتين بكالوريس..

وطمووووحك عاجبني الله يوفقك يارب..

الناس اللي كذا مايتفرط فيهم
مو الي اشوفهم عندنا
ماخذين الجامعيه تضييع وقت
ومو عاجبهم شي..

وغيرهم يتحسر عشان يدرس فيها..


بعدين صحيح نتمنى أشياء بهالحياه وما تتحقق
ولازم يكون في بدائل
يعني نصيحتي بما انك تبين تكملين بفيصل

انك تفكرين تكتسبين انجلش بطريقه تناسبك
مثل معاهد معترفه
او النت ,كتب
او انك تطلعين برا بعدين ترى دراسة الانجلش برا صارت اسهل من اول
والقبول شبه مضمون فيها..والملحقية تعفي الطالب عن المصاريف
اذا استوفت عنده الشروط.. مايندرى يمكن تكملين تعليمك هناك بعد

والله يوفقك..