شسوي فاتني اختبار الحضارة اليوم

[نووقة]

مايجيك الهم فديتك

[AL FORAT]

أنا سبق أن فاتني اختبار

فتقدمت للجامعة بعذر وقبلوه

و أعدت دراسة المادة مرة ثانية بدون رسوم

[نووقة]

الفرات طيب مايصير اختبرها قبل الترم الجاي لان عندي ضغط مواد مو ناقصة زود

[منصور القحطاني]

لا تشيلين هم

اذا فتحت ايقونة الأعذار قدمي عذر من مستشفى حكومي

عموما هم يقبلون اعذار المستشفيات الحكومية والاعذار المتعلقة بحوادث السيارات مثلا أحد رايح الاختبار وصار عليه حادث منعه من حضور الاختبار وزي كذا

اذا قبلوا عذرك راح تكون عندك المادة f في معدل هذا الترم

لكن ما راح تأثر على معدلك التراكمي

لأن الجامعة راح تنزلها لك مباشرة في الترم الجاي

وما راح ياخذون رسوم عليها

أهم شيء اذا قبلوا عذرك أنك ما تسجلين المادة

الجامعة تسجلها لك تلقائيا

اذا سجلتيها راح ياخذون عليها رسوم

اذا ما سجلتيها راح يسجلونها لك مجانا

طيب في حال ما اقدرت تدبرين عذر أو ما قبلوا عذرك

يجري عليك ما يجري على كل الطلاب الذين رسبوا في المادة

يعني تعتبر المادة f في هذا الترم وتنحسب عليك في التراكمي

لكن طبعا ما فيه حرمان أو انذار حسب ما اتصور

ما فيه شيء

كأن اخذتي المادة وما نجحتي

وعلى كل حال

وسواء قبلوا عذرك أو ما قبلوه راح يكون اختبار المادة في الترم الجاي سهل جدا

واغلب الطلاب يجيبون 100%

وهي نفس الاسئلة يعيدها الدكتور كل ترم

واذا احتجتي معلومات زيادة ممكن تشوفين منتدى الجامعة الرسمي- التعليم عن بعد
في موضوع مثبت عن كل ما يخص الغياب عن الاختبار


الله يوفقك

[منصور القحطاني]

اقصد اذا قبلوا عذرك واختبرتيها الترم الجاي

نتيجة الاختبار راح تلغي نتيجة الترم هذا اللي هي f

لكن لو ما قبلوا عذرك راح يثبت f في معدلك التراكمي

سالفة العذر مهمة

لكن لو ما فيه عذر برضو لا تشيلين هم

هي مادة سهلة والترم الجاي تعدينها وكلها ساعتين ما راح تأثر كثير ع المعدل

[نووقة]

منصور القحطاني اشكرك اخوي على الايضاح وماقصرت شاكرة لك