الى عمادة التعلم الألكتروني والتعليم عن بعد

[مرآيم]

[قلم طموح]

المشاركة الأصلية كتبت بواسطة عيسى الفضلي

فليقل خيرا او ليصمت


اذا كان الكلام من فضه فالسكوت من ذهب


اعتقد انك ماقريت الموضوع عدل اخوي

راجع الموضوع وراجع ضميرك


وحب لاخيك ماتحب لنفسك

اختلاف الرأي لا يفسد في الود قضيه
وكون رأيي مخالف مو معناتي انانية
وانا قرأت الموضوع كويس ..والصعاب اللي واجهتك واجهت الجميع وانا منكم انا اللي ركزت عليه كونك تطلب من الجامعه تزود درجات..كان بأمكانك تطلب تحديث او حل لمشكله البلاك بورد او اقلها تمديد موعد الرصد الى مابعد الاختبارات والجامعه مراح تقصر وقيد سوتها السمستر مو الماضي اللي قبله مددت الوقت لين بعد الاختبارات باسبوع وقالت استثناء لحدوث اعطال خلال الفصل الدراسي
تم التعديل ..خجلا من بعض كلمات كتبها الشيطان ..

[ام فلوة]

كم ماده الدكاترة حاطيين في الاجابات اجابتين صحيحه ونختار الاصح ما صارت هذي وما فيها شئ لو زودوا كم درجه

[امل خالد]

يعطيك الف عااااافيه اخوي عيسى وانا اضم صوتي لك لانو جد محتاجين يساعدونا ياااااااااااااارب ياخذون موضوعك بعين الاعتبار ويجيب نتيجه

[فوزان المطيري]

قلم طموح ويش شحاده هذا دراسة ومافيها شي لو ساعدونا بكم درجه وحرام الواحد يعيد المادة وهو ناقص عليه درجه اودرجتين وان كان تكلم عن نفسك منت بحاجه غيرك كثيرين بحاجه فتخيل انك مكانهم فحب الغيرك ماتحب لنفسك واعرف ان بعضنا فد حصلت له ظروف وماقدر يذاكر زين واللي يدور درجة النجاح ونجحوه بكم درجه ماهو بأخذ حق غيره بل من باب المساعده الله يوفق الجميع

[عيسى الفضلي]

اشكر لكل من ضم صوته الي وبالنسبه للحساد اللي فاهمين غلط الله يهديهم بس


وابشركم انا راسلت مدير مكتب العميد وبشرني بخير

وان شاء الله الجميع ناجح ان شاء الله

تمنياتي للكل بالتوفيق والنجاح

واشوف الكل فرحان ومبسوط

[طالب جأمعي]

اجل ماشفتو الجديد والي يصدم بقوه هو التقويم الزمني الجديد نار ياحبيبي نار على قولت روااف خليف

السبت تبدا تنزل المقرررات السبت ذا الي باقي عليه اربع ايام

السداد مع الراتب مالكم عذر والي مو مصدق يروح لصفحه الريئسيه ويلقاه هنا

[btbt]

يعطيك العافية اخوي كلامك 100٪ صحيحة حنا نختبر خلال اخر اسبوعين من كل سمستر لكن سبحان الله الواحد تصيبه ظروف مايعلم فيها الا ربك و ممكن العكس الواحد تصيبه ظروف مثل ما ذكرت في فترة الدراسة من انقطاع النت او خلال بالنظام او مسؤاليات او او . .
فاتمنى و ارجوا منهم التغاضي عنا في كل سمستر يحاولون يراعون لو بشي القليل اتمنى . .


و حنا معاك اخي الفاضل

و ياليت ينقل الموضوع لقسم العام لتعليم عن بعد علشان كل طلاب الانتساب يضمون اصواتهم لك و الكل يتكلم بالي بخاطره و يوصل لالعمادة

[أم القمرين*]

انا حاولت اوصل هالكلام للجامعه وماقدرت
فعلا المفروض يراعوننا باحتساب درجات البلاك بورد لأن الخطاء منهم مو منا

[ذات الرداء]

المشاركة الأصلية كتبت بواسطة alfager alba3ed

الا وش رايئكم نطلب من الجامعة اننا ننتظر اربع سنين وبعدين يعطونا ورقه مكتوب فيها بكالوريوس وخلاص المفروض يقدرون ظروفنا ومسؤليتنا.مشكلة بعض الطلاب الله يصلحهم يعتقد ان الشهادة مجرد ورقه المفروض يحصل عليها منحه والا فزعه.قيمة الورقة هذي بصعوبة الحصول عليها وليس بالحصول عليها. والمفروض ما يحصل عليها الا المتمكن والي اجتهد وسهر وذاكر وعدل حتي سلوكة بتنظيم وقته وتوزيعه بين دراسته وعمله واسرته واستراحته.معظم طلاب الانتساب لديهم مسؤليات واعمال لا احد ينكر وهذا التحدي هو من يجعل الامر ممتع ومفرح اذا اجتهدت وحصلت عليها.بالعكس انا اعتقد ان الجامعه متهونه كثير معنا ومسهله الامور والمفروض ترفع مستوي التحدي قليلا علي الطلاب لكي ترفع من مستوي مخرجاتها.لانها الان هي الاضعف والاكثر تساهل من بين كل الجامعات التي لديها برامج انتساب ولو استمرت سمعت الجامعهةبهذه الطريقة فستصبح شهادتكم مثل شهادات المعاهد الصحيه اذا ما كانت زي شهادات الدكتوراه الوهميه.دمتم طلابا للعلا

انا اوافقك الرأي في كلامك بالبداية لكن جامعتنا ماتعتبر الاقل من بين الجامعات بالنسبه لباقي الجامعات اللي فيها تعليم عن بعد بالعكس انا اشوف انه جامعتنا صارمة وعلى قولتهم ماعندها لعب وهذا الاحسن اكيد لنا ولسمعة الجامعة
أعرف وحدة تدرس عن بعد في جامعة الامام تقول مررره متساهلين بشكل موطبيعي لدرجة انه الأسئلة تتسرب بدون ماتسوي الجامعة اي شي وتخليهم يختبرون وماكأنه صار شي ولابعد اللي مسرب الأسئلة كاتب اسمه عليها شر البلية مايضحك
بعكس اللي صار في الترم اللي راح يوم تسربت اسئلة المحاسبه والانجليزي عادو الاختبار وعاقبو اللي سرب الاسئلة انا ضد تساهل الجامعات لانه بالاخير راح يرجع الضرر علينا ولكن لاتعتبر جامعتنا من اكثر الجامعات تساهل بالعكس بالنسبه لي انا اشوف انه نظامها عادل ويعطي كل ذي حق حقه بدون ظلم لأحد ومايتساوى إللي يدرس ويتعب ويجتهد وخاصه انه عنده مسؤوليات والمتعب اكثر اذا كانو اللي حواليه غير مشجعين ويحبطون من عزيمته مع واحد والله موداري وشهي مواده ومافتحها غير قبل الاختبار بشوي
وانا آسفه اني طولت عليكم بس تحمست مع الموضوع