بعد التحيه ( نطالب الجامعه بمساعدتنا في آلية وضع الأسئله ... أسئلة الإختبارات النهائيه ) ... يوجد استطلاع الرجاء من الجميع المشاركه وفقكم الله

[استغفرالله123]

المشاركة الأصلية كتبت بواسطة عالم ثاني

مساء الخير اخوي وبارك الله فيك ..

احترم وجهة نظرك واقدرها .

تطلب مساعده معاك متفقين .

تطلب بتسهيل الاسئلة برضه معاك على اتفاق .

تقارن جامعتنا بجامعة الامام ما اتفق معاك .
جامعة الملك فيصل من افضل الجامعات على مستوى العالم سواء بآلية وضع الاسئلة او طريقة تقديم الاختبارات
او درجات المشاركة والواجبات او وضع سبعين او خمسين سؤال كلها حتى بالمسمى الشهادة ( انتساب ) .
جميعها تصب بمصلحة الطالب ولا يوجد جامعة تضاهيها ليس بشهادتي انما بشهادة الخبراء على مستوى جامعات امريكا وغيرها .
والخلاصة انت تتخرج وبيدك شهادة جامعية وبراسك علم ..
( وعلى قولتهم علم بالراس والقرطاس ).

تطلب التدخل بوضع الاسئلة من قبل الطلاب ما اتفق معاك وبشدة لأنه يلزمك تعمل دراسة على عينة كبيرة من الطلاب والواجب تعمل دراسة مع جميع الطلاب حول مثل هذا الموضوع .

وطبعا هذا شي يلزمه مجهود فكري ومادي ، وفي النهاية يمكن تجد ضالتك بوضع الاسئلة .

الخارطة الاكاديمية كنت مؤيد الفكره من باب نبي نعرف درجاتنا وهو حق من حقوقنا لتلافي اي اخطاء قد تضر بدرجات المشاركة .

وانصدمنا بالشروط اللي وضعتها الجامعة واعتقد انها سوف تطبق من بداية الترم القادم والله اعلم ، هذا اذا سلمنا الترم هذا .

بأختصار لست مع التصويت .

ودمت بود ،،،

ايييييييييش الشروط حقة الخارطه !!!!!!!!!!!!

[شوق444]

صح السانك بس المشكله الكبيره لاجاء سؤال في الامتحان الجواب الصح موموجود منوا يتحمل الخطا

[رَاء.]

والله جامعتنا ارحم ارحم ارحم بكثير من غيرها

ومادري ليش متأزمين !

غيرنا والله يتمنون الاسئلة الموضوعية حنا على الاقل اذا ماعرفنا الجواب شخطنا على الحظ و70% تكون الاجابة صحيحة

غير كذا التكرار افادنا كثير

والله لو تشوفون الجامعات الثانية تحمدون ربي مليون مره


وبما انك قسم ادارة اعمال ومستوى ثالث فأنا مقدّرة المواد اللي تدرسها حالياً وانا اقول لك قسمي وقسمك ما يجي الا بالتدريب الاسبوعي

اشوف ان الاسئلة مافيها اي شيء ابد والدكتور حر في وضع الاسئلة بس حنا تدلعنا نبي التكرار ونبي السهل مره مره .. فحتى لو صوتنا وكلمنا الفريدان ما بيتغير شيء ابد .

لذلك صوتي يروح لـ " الاستمرار على وضع الاسئلة على هذا المنوال "

شكراً لك .

[رَاء.]

نسيت انوّه لشغلة

الجامعة مش مجبرة ابداً انها تقدّر ظروف الطالب الا بعذر طبي .
لا احد يقول متزوج لا احد يقول متوظف الكل مشغول اصلاً حتى العزابية مشغولين

هذي جامعة ما راح تقدّر مثلها مثل كل الجامعات .

[حسين مزلوه]

لا يوجد مظلوووم غير قسم الجغرافيا أسئلتهم مقاليه وجديده لاهي أسئله العام ولا غيره

أما الاقسااااام الاخرى يتمتعون بنعيم على الاخر أسئله موضوعيه وأغلبها حقت العام ضلل وأضرب الباب

أنا أطالب دكتورنا الغالي الفريدان بس يخليها موضووووعيه مثل بقيه الاقساااام (والله يكثر خيره) وينا وين الحفظ

أغلبنا عسكر الواحد يطلع من اختباااره ويرجع لدوامه لاأجاااازات ولاغيره .

[مستر كلير]

اختلف معاك تماماً

بل الجامعة ماقصرت اكثر من لازم وتصب في مصلحة الطالب ..

[المستقبل المشرق]

انا صوتت بلا. اذا اصلا الجامعه سهلت الامتحانات بسبب مطالبنا صدقوني مااحد بيعطي قيمه لشهادتنا. كيف بكره تبون تحصلون على احسن الوظائف, وتكملون ماجستير وغيره بشهادة مشكوك بصحتها مثل نظام الامام اللي كله لعب.

[ahmadss049]

1- وضع الاسئلة حالياً جيد ولا اشوف انا الطالب هو الذي يشارك في الاسلئة لنا الطالب ماعنده خلفيه مثل الدكتور .
2- واتمنى منك انك تناقشه مع الاخوه موضوع تنزيل الدرجة الاختبار بعده مباشر وهو ان نطالب من ادارة الجامعة تصحيح الاختبار وتنزيل الدرجة بعد الاختبار بشكل اسرع افضل للطالب بدل ما ينتظر 18 يوم
وشكرا

[Nsreen]

- وضع اختبارات مباشرة بصياغة واضحة لأن الهدف من الاختبار هو الوقوف على مستوى استيعاب الطالب للمقرر وليس اختبار قدرته على استيعاب السؤال

[تأبط شرا]

بسم الله الرحمن الرحيم

اخالفك اخي في رأيك حول التعقيد وتصعيب الاسئلة على الطلاب بالعكس الاسئلة مقبولة جدا ومناسبة وظروفنا كمنتسبين اما بالنسبة لقضية ان جامعة الملك فيصل حوسة وصعبة مقارنة بالجامعات الاخرى فااسف للقول باني اخالفك وبشدة رح يم طلاب جامعة العربية المفتوحة وشوف التعقيد بعينه وعلمه اختبارات شهرية وواجبات تعجيزية وحالتها حالة اما عبدالعزيز فحدث ولا حرج يكفي انك لازم تدفع الف ريال زيادة علشان تختبر في موقعك الامام مادري عنها بس يقولون لازم تحفظ جزء من القران كل فصل وهذا شيء حميد بلا شك لكن فيه نوع من الارتباط مسألة الحضور والتسميع نحمد ربنا على كل حال خلك قردك وانا اخوك لايجيك اللي اقرد منه والله يوفقنا وياك والمسلمين اسف ان كان كلامي في شيء من القسوة