|
عاجل يااخوان بخصوص المعادلة ... انا توني جاي من الجامعة ...
بسم الله الرحمن الرحيم
السلام عليكم ورحمة الله وبركاته ياا اخوان انا ناوي اسوي معادلة للمواد للمدام المهم كنت خايف من انه ماتمشي المهم قلت يااولد بحكم اني ساكن بالاحساء ليه ماا اروح للجامعة رحت لهم ومعي السجل الاكاديمي ومختوم رحت لمبنى الانتساب المطور واقابل واحد شغلته بس يااخذ المعادلات اخذ المعادلة وقالي خلاص راح تجيك رسالة بالجوال عن المواد الي تمت معادلتها ف الي عنده فرصة يروح لهم ابرك ومادري احس ان المواعيد الي حاطينها كلها كلام وطريقتهم بالايميل الي يقول ارسل الشهادات عليه عشان المعادلة مادري احس انها مش ولا بد والي يبي اي خدمة على الخاص ولا هنا |
رد: عاجل يااخوان بخصوص المعادلة ... انا توني جاي من الجامعة ...
الف شكر اخوي
تصدق عندي شهايد لو اعادلها تحذف عني اللغه الانجليزيه كلها ومواد الحاسب بس مشوار من الكويت للاحساء :) ربي يجزاك خير للتعاون |
رد: عاجل يااخوان بخصوص المعادلة ... انا توني جاي من الجامعة ...
طيب واللي معه شهادة دبلوم حاسب يعادلون له او لا
|
رد: عاجل يااخوان بخصوص المعادلة ... انا توني جاي من الجامعة ...
وش الي طلبوه منك في المعادله
وضح لنا الله يجزاك خير بعدين هل طلبوك وصف للمواد الي تبي تعادلها ؟؟؟ عطنا وش الأوراق الي اخذها منك بالضبط وهل يحتاج معروض ؟؟؟ انتظر ردك شـكــ وبارك الله فيك ـــرا لك ... لك مني أجمل تحية . |
رد: عاجل يااخوان بخصوص المعادلة ... انا توني جاي من الجامعة ...
لو سمحت اذا ممكن تعلمنا برقم تحويلة الي عمل لك المعادله
او في اي متب واي دور عشان اخلي احد من اهلي يروح لهم |
رد: عاجل يااخوان بخصوص المعادلة ... انا توني جاي من الجامعة ...
اقتباس:
شف يالغالي نصيحة لاتفرط اذا عندك شهادة اذا ماتقدر تجي احرص على متابعى ايقونة المعادلة لانوو على حسب علمي النظام للجدد راح يتفعل الاسبوع الجاي والله ييسر امورك يارب وحيا الله اهل الكويت |
رد: عاجل يااخوان بخصوص المعادلة ... انا توني جاي من الجامعة ...
اقتباس:
الا الظاهر انهم يعادلون يااخي انا شفت ناس جايين الظاهر من التقنية انت جرب ومنت خسران شي |
رد: عاجل يااخوان بخصوص المعادلة ... انا توني جاي من الجامعة ...
اقتباس:
بس قالي اطبع ورقة البريد الي من الموقع وعطني السجل الاكاديمي مختوم ودبسهم مع بعض وكتب عليها بالخط العريض معادلة وقالي خلاص بتجيك رسالة عن المواد المعادلة طبعا ورقة البريد يبغونها عشان فيها الرقم الجامعي يعني يختصر الوقت عليهم و المعروض لا يتحاجه ولا وصف مقرر ولا شي بس السجل الاكاديمي والورقة الي فيها رقمك الاكاديمي .. |
رد: عاجل يااخوان بخصوص المعادلة ... انا توني جاي من الجامعة ...
اقتباس:
والله يااخوي ماعندي التحويل بس ابوصفه لك شف رح للجامعة وادخل مع بوابة واحد طبعا الامن يبي يقولك ممنوع الدخول وقف برى وتعال قله بس خمس دقايق ابخلص شغله واطلع راح يمشيك اول ماتدخل اسال عن مبنى 50 التابع للانتساب المطور طبعا اول ماتوصل المبنى وتدخل من البوابة الرئيسية حقته لف يسار يجيك سيب اول مكتب على يسارك اسمه مكتب عميد الكلية بتحصل شخص جالص على يمين المكتب هذا الي يسوي لك اوراقك وتراه اخلاق وحبيب ووسيع صدر ... واي خدمه حاضرين للطيبين |
رد: عاجل يااخوان بخصوص المعادلة ... انا توني جاي من الجامعة ...
اخووووي الكريم
انا معي شهادة كلية التقنية حاسب الي - دعم فني وجيتهم قبل سنة ونصف ابي اعادل الشهادة والله اني قاطع مشافه اكثر من 1200 كيلو على امل ان تعادل شهادتي قال الموظف شفت الباب اللي وراك قلت ايه قال اقضبه ولا تنسى تبل شهادتك بكاسة مووووويه يعني ما فيه امل بالمعادلة ولا مادة ما اعرف هل عدلوا الوضع او لا وعلى فكرة انا واحد من اصدقائي يعمل بوزارة الصحة وقالي بالحرف الواحد انه فيه مفاوضات بين التعليم العالي والمؤسسة العامة للتعليم التقني انهم يعادلون بعض المواد في الجامعات السعودية لكن هل انتهت المفاوضات او لا لك تحياتي ابو هديل |
| All times are GMT +3. الوقت الآن حسب توقيت السعودية: 02:31 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه