|
البسام وجامعة ليك هرست
اولاً حاب اعايد عليكم ( كل عام وانتوا بخير )
آخواني عندي اسئلة حيرتني من فترة طويلة يعني اكثر من خمس سنوات. مالعلاقة بين جامعة ظهرت اعلاناتها في الجرائد المبوبة اسمها ليك هرست وبين معهد البسام ؟ هل يوجد فعلا جامعة اسمها ليك هرست ؟ لماذا حتى منظمات التعليم العالمية والخاصة بالتعليم عن بعد لاتعترف بها ؟ الان راح اقول القصة الي حصلت لي ولا انتظر منكم اي شفقة ولاشي لكن المساهمة في حقيقة لم يتم توضيحها للناس هذا كل ماطلبته. انا احد الطلاب المتفوقين بالثانوية العامة لدرجة حصلت على شهادة تهنئة من الامير محمد بن فهد حفظة الله . ولعدم مقدرة عائلتي تدريسي خارج المملكة درست في جامعة البترول 3 سنوات ولكن كانت لدي ظروف لم استطع اكمال دراستي هناك فجلست ابحث عن جامعة في العام 2003 تحديداً ووجدت اعلانات معهد البسام عن جامعة امريكية واسمها ليك هرست. ذهبت وسجلت وخسرت قرابة 30000 الى 35000 ريال على مواد دراسية في جامعة تفاجئت انها العوبة وكل مابحثت عن موقع حتى بالانترنت لم اجد لها مكان او حتى مكتب صغير لدرجة لما حاولت اكمل دراسة قالوا لي جامعتك مزورة مافيه جامعة اسمها ليك هرست ولما قابلت مسئول في معهد البسام اكد ان الجامعة حقيقة ولما كثرت استفسارات الطلاب المتخرجين اغلقوا الجامعة ولا كنه طلاب تخرجت واحتياطاً كانوا يكتبون على الوصولات عند دفع الطلاب لهم اموال انها مبالغ خاصة بدراسات اخرى تكفون ابي مسئول يرد علي بس لحسن الحظ انا عندي وصل مكتوب عليه رسوم للجامعة اي جامعة يامعهد البسام طبعا نسيت اقولكم ان شريكهم هي اكاديمية في مصر اسمها ليك هرست والله عندي الجداول والكتب ومكتوب في بعضها بسام كامبس والله احد يسال منسوبي معهد البسام عن هذي الشغلة ينكرونها كلهم .... مع العلم انهم خلونا نوقع على اوراق على اساس انها اوراق قبول وفي اخر شي شكلها طلعت اوراق تثبت انه مافيه جامعة اتمنى التعليق الايجابي واتمنى مراقب منتدى البسام يرد علي ......... وانا مستعد اسوي سكان وانشر كل الاوراق الثبوتية |
رد: البسام وجامعة ليك هرست
لاحول ولا قوة الا بالله شو ها المهزله شو ها التلاعب فعلا عبدة الدراهم زي ماقالو بالمنتدى وحاطه امل ادخل ها المعهد اخاف يشفط فلوسي ولا يعتمدون شهادتي خلني ادور معهد غيره ابرك لي ,,,صرنا ها الايام نخاف من ها المعاهد
........ المشكله ياخوي من الي يسمع !!!! يمكن الجهات الخاصه تقبل الشهاده جرب !! اذكر جامعه نسيت اسمها المهم امريكيه عندهم تعليم عن بعد ماجستير كنت ناويه اسجل فيها وبعد السين والجيم طلعت وهميه ألعن ابو النصب . حسبي الله عليهم . طيب ياخوي وش الحل شف المدير الرئيسي والا انشر بالجريده خلهم يرجعون الفلوس -صارت ها المعاهد نهب ونصب بفلوس الناس الله لايهنيهم سرقه عيني عينك ؟؟؟ يارب ياحي ياقيوم يرزق اخونا طالب الوظيفه الرسميه الحكوميه ... على فكره المنتدى ماله مراقب .كانت فيه عضوه تسوي اعلانات للمعهد ثم اختفت . |
رد: البسام وجامعة ليك هرست
الله يعينك والله
يعني باقي لك سنتين وتتخرج من البترول الله يعوض عليك بالخير اتذكر وحده من الزميلات قالت انها درست وتخرجت من جامعة في معهد البسام ومن الامور الي انت قلتها ايضا بس بعدها ماعرفت عن الزميله هذا شئ . الله يكون في العون حقا جامعات وهميه واعلانات ماشاء الله عليها حرام عليهم كذا |
| All times are GMT +3. الوقت الآن حسب توقيت السعودية: 12:45 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه