|
الفزعة : مستجد تخصص إدارة أعمال .. أرشدوني
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته أعزائي عزيزاتي الزملاء أنا مافكرت أدرس بهالجامعة ولا طرت على بالي لكن العمر يمر وانا جالس ودخلت ابحث عن الانتساب في قوقل فوجدت جامعة الملك فيصل فاتحة التسجيل وسجلت والحمد لله تم قبولي وارسلوا لي على الجوال ,, فرحت كثييير وحمدت ربي رحت اليوم الثاني سددت الرسوم وارسلت جميع المتطلبات وارسلتها بالبريد الممتاز , قبل نهاية اخر دوام برمضان بـ 3 أيام طبعاً ما أعرف الى الان تم الاستلام ولا لم يتم وماعرف كيف أعرف .. مثل ماقلت لكم سلمكم الله ماعندي اي معلومات ومعرفه عن الجامعة وطريقة الدراسة فيها مثل الحلم صار معي سجلت وانقبلت وانا مش مطلع على اي تفاصيل الحين تم قبولي في إدارة الأعمال .. هل الجامعة تخصص لي مواد معينة أدرسها ولا أنا أختار من مجموعة مواد مطروحة ؟ من وين أحصل الكتب وكيف التعامل مع المحاضرات وغيرها من خلال النت ؟ اتمنى وصلتكم الصورة واللي رغبتي اعرفه .. لان مدري وش المواد اللي بدرسها ووش اسوي وهل فيها شغلات ثانية اسويها ولا كيف لان احس بمتاهة ومثل اللي ضايع بالطوشة .. لا تحرموني من توجيهاتكم ونصايحكم بارك الله فيكم جميعاً وبالتوفيق أخوكم من الشرقية |
رد: الفزعة : مستجد تخصص إدارة أعمال .. أرشدوني
[align=center]
انا بعد مثلك مسجل جديد ادارة اعمال ولا تهتم سوف يجيبون على كل تساؤلاتك الاخوان القداماء منهم الشمالي وقطووووه لكن فر في المواضيع سوف تلقى اجابة وافيه عن كل ما يتعلق في الانتساب ماقصروا اخواننا في المنتدى وفيه قسم خاص بتخصص إدارة اعمال في قسم الكليات سوف تجد كل ماتحتاجه إن شاء الله تقبل مروري ,,,,,,,,وبالتوفيق للجميع [/align] |
رد: الفزعة : مستجد تخصص إدارة أعمال .. أرشدوني
اقتباس:
|
رد: الفزعة : مستجد تخصص إدارة أعمال .. أرشدوني
هنا رابط المواد حق الفصل الاول
http://www.kfu.edu.sa/ar/Deans/elearning/Pages/courses_tables.aspx وهذا رابط تقفي الاثر للبريد السعودي ما عليك الا وضع رقم الباركود الي موجود في نموذج ارسال الرسائل الي ختمه البريد ويبدأ KFU وينتهي SA وهو اربعة عشر رقم لمعرفة اين وصلت اوراقك http://www.kfu.edu.sa/ar/Deans/elearning/Pages/courses_tables.aspx |
رد: الفزعة : مستجد تخصص إدارة أعمال .. أرشدوني
اهلا فيكم زملاء و زميلات و مثل ما اقول بردودي دايما هدوو بالكم و وسعو صدوركم و كل شي بوقته حلو و بتعرفون كل اللي تبونه ..
اول شي اخوي بالنسبة كيف تعرف اذا اوراقكم وصلت ولا لا بعطيك رابط للبريد السعودي راح ادخل رقم الي عندك بورقة البريد و بكذا بيبان من تقفي الاثر اذا وصلت او لا و على فكرة ترا الترم الماضي وقت تسجيلنا طولنا يعني الناس بدات بالدراسه و حنا مابعد اعطونا اليوزر و الباسورد طبعا السبب انهم يعطون وقت طويل للناس اللي تاخرو بالارسال او اللي صار عندهم مشكله وقت الارسال عشان يصلحون اي غلط عندهم و كمان لان الاعداد ما شاء الله كل مالها و تزيد يعني حتى هم يحتاجون وقت طويل عشان يفرزون الاوراق و يتاكدون من صحة المعلومات الله يعينهم .. بعد كذا بتدخل على البانر من موقع الجامعه و بتحدد المواد الي حاب انك تدرسها بهالترم مع العلم انه الكل نصحنا حتى الدكاتره ان ناخذ المقررات كلها لانها مدفوعه قيمتها اما لو حذفت ماده ففلوسها ماراح ترجع هذا بالنسبة للترم الاول فقط . اما بالنسبة للكتب و غيرها لا تستعجلوون ممكن الدكاترة يتغيرون و ممكن لا و بالمحاضرات المسجله اللي بتنزل لكم في كل اسبوع محاضرة الدكاتره راح يوضحون لكم كل المطلوب منكم و ذاك الوقت ممكن تسالون بالمنتدى و بتلقون كل مساعده محتاجينها فلا تشيلون اي هم طبعا انت عشان ما تنضغط بتحمل محاضرات كل المقررات حقت كل اسبوع عشان يكون اسهل لك لما تبي تشوفها و لو فيه ملازم بنزلها لكم الدكتور وهو راح يخبركم من وين تدرسون من كتب او ملزمه . و طبعا النجاح كله يعتمد على درجاتك في الاختبار النهائي فقط و اقل درجة يعني نقول ناجح ع الحافه 60 من 100 طبعا حضورك للمحاضرات باية وقت متاح لك منت ملزم بوقت معين الا لما تكون المحاضرات مباشرة فيها بتقدر تسال و تستفر عن اي شي بالمقررات طبعا بيكون في كل يوم محاضرة مدتها ساعه للطلاب و ساعه للطالبات مع دكتور كل مقرر يعني كل واحد له يوم بحط كم موضوع باذن الله بيفيدكم و اي استفسار حاضرين الاهم هدوا بالكم و ارتاحو لسى بدري على كل شي موفقين |
رد: الفزعة : مستجد تخصص إدارة أعمال .. أرشدوني
|
رد: الفزعة : مستجد تخصص إدارة أعمال .. أرشدوني
[align=center]
الحلم + لبنى لا خلى ولا عدم ماقصرتوا ولا نستغني [/align] |
| All times are GMT +3. الوقت الآن حسب توقيت السعودية: 09:47 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه